1 Timoti 1:3 - EBƆRƐ BE KAWƆL

³ Ŋ ka daa yɔ Masɛdonia, ŋ kaŋɛ fo fanɛ fo shir a wɔ Ɛfeses. Mee sha fanɛ fo baa kraa wɔ ndoŋ ŋkpal basa nɛ b wɔ ndoŋ a ŋini keŋini pɔtɛ nɛ a daga fo ka ju bumo loŋ to na so.

1 Timoti 1:3 ပူးပေါင်းရင်းမြစ်များ

Ashuŋ Shunso 18:19

B ka ba fo Ɛfeses nɛ Pɔɔl yige Prisila nɛ Akwila nseŋ yɔ ndoŋ be nshɛrbu to nɛ mo nɛ Juwebi na ya ji abɔrɛsheŋ na be emɔrɔ.

Ashuŋ Shunso 18:21

Ama le nɛ e daŋ kaŋɛ bumo nseŋ pɛ ekpa: “Nɛ Ebɔrɛ shuli, meeŋ naŋ bɛta m ba menyi kutɔ.” Kede be kaman nɛ e yili Ɛfeses n luri ekuloŋgboŋ ko to m bɔla nchu so n yɔ.

Romebi 15:26

Masɛdonia nɛ Akaya be efuliana so be asɔriana e yili kumo bumo gbagba be keparso n to amansherbi be toto nɛ n ta n ya sa Ebɔrɛ be basa nɛ b la betirpo a wɔ Jerusalɛm be asɔri to na.

Romebi 16:17

Ŋ kurgepoana, mee fiɛ menyi so nna fanɛ men baa de basa nɛ baa shin nɛ kebarga to bee ba basa to nseŋ naa lar keŋini nɛ men daŋ nya na be kaman a wɔtɔ a bar asheŋ ko m ba kaa kagle basa yirda be ekpa na so. Amoso, men baa gelge bumo.

2 Kɔrintebi 11:4

Ŋkpal manɛ so, esa baŋ ba men kutɔ m ba malga Yesu pɔtɛ ko nɛ e maŋ la Yesu mo nɛ an malga mbe asheŋ na malɛ be asheŋ ŋko nɛ men baŋ nya kiyoyu pɔtɛ ko nɛ e maŋ la emo nɛ men daŋ nya na nna ŋko baru lela pɔtɛ ko nna nɛ k maŋ la kumo nɛ men daŋ sɔ na, menyee sɔ kumo nna manaŋ manaŋ.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Filipaiebi 2:24

Ma alɛ naa kɔ yirda Enyɛnpe so fanɛ k maaŋ chɛr nɛ ma ere gbagba e ba.

1 Timoti 4:11

Ŋini basa asɔ ere nseŋ kaŋɛ bumo kenishipereso fanɛ b baa bɛ amo so.

1 Timoti 4:6

Nɛ fo ŋini bekurgepoana na asheŋ ere, feeŋ baa la Kristo Yesu be kenya lela a kɔ yirda be mmalga nɛ keŋini lela nɛ fo bɛ so na be eleŋ.

1 Timoti 5:7

Ta le be mmalga ere n fiɛ asɔri to ebi na so nɛ b bɛ amo so nɛ esa kikɛ e sa maŋ wu kulubi bumo so.

1 Timoti 6:10

Ŋkpal manɛ so, amansherbi be kasha ga to nɛ kulubi be yiri kikɛ bee shi. Ŋkpal amansherbi be kasha ga so basa ko foe yirda be ekpa na so n luri kagbenejija damta to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

2 Timoti 1:18

Enyɛnpe e shin nɛ e nya kuwɔr ashi mo kutɔ kachɛ na. Fo alɛ gba nyi asɔ damta nɛ e wora n sa ma ashi Ɛfeses.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.

Kelaraŋŋini 2:14

Ama asɔ lubi gbrɛbi nɛ n wu menyi so nde: Men kɔ basa ko menyi to ndoŋ nɛ baa bɛ Balaam be keŋini so, Balaam mo nɛ e daŋ ŋini Balak kananɛ e beeŋ fule Israɛlebi nɛ b ji nlɔŋɛjibi nseŋ naŋ fule bumo n wɔtɔ kesakalea be keji to na.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.