1 Timoti 1:2 - EBƆRƐ BE KAWƆL

² a yɔ fo Timoti nɛ fo la m pibi kashenteŋto ashi yirda na to na kutɔ. Ebɔrɛ Etuto na nɛ Kristo Yesu an Nyɛnpe e baa sa fo kuwɔr be kakɛ nɛ kuwɔr nɛ kagbenewushi.

1 Timoti 1:2 ပူးပေါင်းရင်းမြစ်များ

Romebi 1:7

Amoso nɛ mee sibɛ kawɔl ere a sa menyi kikɛ nɛ men wɔ Rom be kade to nɛ Ebɔrɛ bee sha menyi nseŋ tre menyi fanɛ men ba kaa la mo gbagba be basa na. An Tuto Ebɔrɛ nɛ Enyɛnpe Yesu Kristo e sa menyi kuwɔr be kakɛ nɛ kagbenewushi.

Galeeshaebi 1:3

An Tuto Ebɔrɛ na nɛ Enyɛnpe Yesu Kristo na e sa menyi Ebɔrɛ be kuwɔr be kakɛ nɛ kagbenewushi.

1 Tɛsalɔnikaebi 3:2

An shuŋi mo nna fanɛ e ya leŋ menyi to nseŋ chɛ menyi to nɛ men baa wɔ men be yirda na to. Loŋ e naaŋ shin nɛ men be ekama e sa maŋ foe ekpa ŋkpal etɔrɔ ere so.

1 Timoti 1:12

Mee chɔrɔ Yesu Kristo an Nyɛnpe ŋkpal e ka sa ma le be kushuŋ ere be eleŋ nseŋ yirda ma n lara ma fanɛ n shuŋ mbe kushuŋ nsaa maŋ ta dra na be mmalga lubi nɛ n daŋ malga ŋ gbiti mo na nɛ kananɛ n tɔrɔ mbe basa nseŋ fɛl mo na n wɔtɔ mbe kagbene to so.

1 Timoti 1:18

M pibi Timoti, mee ta asheŋ nɛ ŋ ŋini fo ere nna a bɔla mmalga nɛ anebiana na daŋ wu ŋ kaŋɛ fo asheŋ na so a bɔɔ fo enɔ. Baa ta amo a wɔtɔ fo kagbene to nsaa kɔ yirda nɛ nfɛra lela a ki fo akɔsɔ a kɔ yirda be kena lela na.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 1:2

a yɔ fo, m pibi shaso Timoti kutɔ. Ebɔrɛ Etuto nɛ Kristo Yesu an Nyɛnpe na e sa fo kuwɔr be kakɛ nɛ kuwɔr nɛ kagbenewushi.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Taites 1:4

Mee sibɛ kawɔl ere nna a sa fo Taites, m pibi kashenteŋto ashi yirda koŋwule nɛ an kɔ na to. Ebɔrɛ be kuwɔr be kakɛ nɛ kagbenewushi nɛ a shi Ebɔrɛ Etuto nɛ an be Emɔlgapo Kristo Yesu kutɔ na e baa wɔ fo to.

Taites 2:2

Kaŋɛ benyɛnnimuana na fanɛ b sa maa du brembreŋ. B baa kɔ nfɛra nsaa tiŋ bumo be amu nseŋ naa kɔ kashenteŋ be yirda na nɛ kasha nɛ kanyiti.

Taites 3:15

Bekama nɛ b wɔ ma kutɔ nfe ere bee chɔrɔ fo. Chɔrɔ bekama nɛ baa sha anyi ashi yirda na to na. Ebɔrɛ be kuwɔr be kakɛ e baa wɔ menyi kikɛ so.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

2 Jɔn 1:3

Ebɔrɛ Etuto na nɛ Yesu Kristo nɛ e la Etuto na Pibinyɛn na sa anyi kuwɔr be kakɛ nɛ kuwɔr nɛ kagbenewushi n shin nɛ an nya kashenteŋ be kasha.

3 Jɔn 1:4

Shɛŋ shɛŋ maa fuli ma kagbene a chɔ kebaanu fanɛ ma mbia wɔ kashenteŋ na be kebaawɔtɔ na to.

Juud 1:2

Ebɔrɛ e wu menyi kuwɔr nseŋ sa menyi kagbenewushi nɛ kasha nɛ a baa wɔ menyi to a ti so saŋkikɛ.