1 Timoti 1:14 - EBƆRƐ BE KAWƆL

¹⁴ An Nyɛnpe bugi kagbene n wu ma kuwɔr ga nseŋ sa ma yirda nɛ kasha ashi Kristo Yesu to.

1 Timoti 1:14 ပူးပေါင်းရင်းမြစ်များ

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Matiu 20:9

Ndoŋ nna nɛ e shin nɛ bumo nɛ b yɔ kushuŋ na to fanɛ kerfi anu na be ekama ba sɔ lebra be kachɛ koŋwule be kakɔka.

Ashuŋ Shunso 15:11

Akai, loŋ maŋ nyalɛ. An yirda fanɛ Enyɛnpe Yesu be kuwɔr be kakɛ na so nɛ an nya kumɔlga. Loŋ malɛ e la bumo alɛ gba.”

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

1 Kɔrintebi 15:10

Ama ŋkpal Ebɔrɛ be kuwɔr be kakɛ so nɛ n du kananɛ n du ere na, mo alɛ be kuwɔr be kakɛ mo nɛ k ba ma so ere maŋ la jiga nna. Ama nɛ fo keni to, ma e shuŋ ga a chɔ bumo kikɛ, mannɛ ma gbagba bre, Ebɔrɛ be kuwɔr be kakɛ na e wɔ ma to a shuŋ.

1 Kɔrintebi 3:10

Ebɔrɛ be kuwɔr be kakɛ mo nɛ e sa ma na e shin nɛ n tiŋ n nase ebu na be gbaltɔlase na fanɛ epɔrpo nyipo na n sa basa nɛ baa pɔr a yili so. Ama a daga fanɛ ekama e baa de kananɛ e bee pɔr kumo so.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

2 Kɔrintebi 4:15

Menyi alɛ be kechɛto so nɛ ade malɛ kikɛ du loŋ na, saŋɛ na so Ebɔrɛ malɛ be kuwɔr be kakɛ beeŋ baa salga to a tu basa damta a ti so nɛ b baa kɔ kechɔrɔ be kabɔrɛkule damta a ti so a sa Ebɔrɛ nɛ e nya kemaŋkura.

2 Kɔrintebi 8:9

Ŋkpal manɛ so, men nyi Kristo, Enyɛnpe Yesu be kuwɔr be kakɛ na be asheŋ, fanɛ e ka la damawura, ama menyi so nɛ e ki etirpo, saŋɛ na so menyeeŋ bɔla mbe ketir so ŋ ki damawuraana.

Galeeshaebi 1:13

Ŋkpal manɛ so men daŋ nu kebaawɔtɔ dra nɛ n daa kɔ a wɔtɔ saŋɛ nɛ n daa wɔ Juwebi be kabɔrɛbɛso na to na. Men nyi kananɛ n daŋ pere kenishi n tɔrɔ Ebɔrɛ be asɔriebi, n daa sha kemur bumo nna.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

1 Tɛsalɔnikaebi 5:8

Amoso, a daga fanɛ an baa du boeŋ a maa boo nsa. An baa shin nɛ yirda nɛ kasha e baa buu anyi so fanɛ kebɛlso be kekpaŋkale nseŋ naa shin nɛ anyi be kumɔlga be tama malɛ gba e baa buu anyi so fanɛ kebɛlso be kekpaŋwuro.

1 Timoti 2:15

Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.

1 Timoti 4:12

Sa maŋ shin nɛ esa kama e fɛl fo ŋkpal fo ka la kabrantiɛbia so, ama shin nɛ beyirdapo na e keni fo kebaawɔtɔ to ŋ koya asɔ ashi fo mmalga nɛ fo da to nɛ fo kasha nɛ fo yirda nɛ kananɛ fo maŋ kɔ kusɔ jigaya be nfɛra to.

1 Timoti 6:11

Ama fo ere ka la Ebɔrɛ be esa ere, baa gelge le be asɔ ere kikɛ nsaa kɔ a fin alelasheŋ nɛ abɔrɛsheŋ be kebaawɔtɔ nɛ yirda nɛ kasha nɛ awurfoŋ to be kanyiti nsaa du boeŋ.

2 Timoti 1:13

Baa kɔ kashenteŋ be mmalga nɛ ŋ ŋini fo na to kpakpa a bɛ amo so nɛ yirda nɛ kasha nɛ a wɔ Kristo Yesu to na.

2 Timoti 2:22

Amoso, baa gelge kebrantiɛ to be ayɛlgasɔ nsaa ta fo nfɛra a wɔtɔ alelasheŋ nɛ yirda nɛ kasha nɛ kagbenewushi to nɛ fo nɛ bumo nɛ b kɔ kagbene koŋwule cheembi a kule Ebɔrɛ na e baa wɔ loŋ be kebaawɔtɔ to.

Taites 2:2

Kaŋɛ benyɛnnimuana na fanɛ b sa maa du brembreŋ. B baa kɔ nfɛra nsaa tiŋ bumo be amu nseŋ naa kɔ kashenteŋ be yirda na nɛ kasha nɛ kanyiti.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

1 Jɔn 4:10

Kede nɛ baa tre kasha gbagba na, mannɛ anyi gbagba be kasha nɛ an ta n sha Ebɔrɛ, mo e sha anyi nseŋ shuŋi mo Pibinyɛn fanɛ e ba wu m mata be luwu nɛ k shin nɛ an nya alubi be ketampaŋ.

Kelaraŋŋini 22:21

Enyɛnpe Yesu be kuwɔr be kakɛ e baa wɔ Ebɔrɛ be basa kikɛ so. Amɛn.