1 Timoti 1:11 - EBƆRƐ BE KAWƆL

¹¹ Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.

1 Timoti 1:11 ပူးပေါင်းရင်းမြစ်များ

Nshɛ 138:2

Meeŋ bunyaŋ fo ashi fo bɔrɛlambu cheembi to, nseŋ kpaŋ fo ketre ŋkpal fo kasha nɛ k maa chɛrga na nɛ fo kashenteŋji so, ŋkpal manɛ so, fo maŋ fo ketre nɛ fo atande so a chɔ asɔ kikɛ.

Luuk 2:14

“Kemaŋkura e baa la Ebɔrɛ nɛ e wɔ esoso na peya nɛ kagbenewushi e baa wɔ mbe kepar be basa kikɛ to ashi kasawule so.”

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

1 Kɔrintebi 9:17

Ŋkpal manɛ so, nɛ fanɛ mee wora loŋ nna ŋkpal ma alɛ gbagba be keparso, n daa beeŋ baa kɔ kakɔka, ama nɛ k maŋ la fanɛ ŋ gbagba be kepar be asheŋ so nɛ mee wora kumo, kumo ere kusɔ nɛ b ta m bɔɔ ma enɔ nɛ mee wora.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 4:6

Ebɔrɛ mo nɛ e kaŋɛ fanɛ: “Men shin nɛ kefulto e shi tentembiri to n lar n nyaŋɛ,” koŋwule na e naa shin nɛ mbe kefulto bee nyaŋɛ anyi be ŋgbeneana to a bar anyi Ebɔrɛ be kemaŋkura be kanyiasheŋ be kefulto nɛ k bee nyaŋɛ Kristo be anishito na.

Galeeshaebi 2:7

Ama kusɔ nɛ b daŋ baŋ wu bre e daa la fanɛ Ebɔrɛ ta baru lela na nna m bɔɔ ma enɔ nɛ m bɔ kubɔya na n sa nnyamase fanɛ kananɛ e ta kubɔya koŋwule na n sa Pita fanɛ e bɔ n sa Juwebi na.

Ɛfesesebi 1:12

Men shin nɛ anyi nɛ an juŋkpar n nya tama ashi Kristo to na e baa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Ɛfesesebi 2:7

E wora loŋ nna nɛ e ŋini jemanɛ kama nɛ k bee ba to ebi fanɛ kananɛ e ta mbe kuwɔr be kakɛgboŋ damtaana nɛ e bɔla mbe kasha so n sa anyi na ŋ kɛ anyi ashi Kristo Yesu to.

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

Kɔlɔsiebi 1:25

M ba ki asɔriebi na be eshumpo nna, ŋkpal manɛ so, Ebɔrɛ e lara ma fanɛ n chɛ menyi to nseŋ bɔ Ebɔrɛ be kubɔya na n sa basa kikɛ.

1 Tɛsalɔnikaebi 2:4

Ama kusɔ nɛ Ebɔrɛ bee sha nɛ anyee malga saŋkama, ŋkpal manɛ so, e yirda anyi nna nseŋ ta baru lela na m bɔɔ anyi enɔ. Mannɛ basa be aparsheŋ nɛ anyee wora ania a fin, ama Ebɔrɛ mo nɛ e bee wora anyi be nfɛra a keni na peya nɛ anyee fin.

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

1 Timoti 6:15

Ebɔrɛ, bewura to be Ewura nɛ benyɛnpe to be Enyɛnpe nɛ durnya kikɛ be Ekenipo koŋwule nɛ e kɔ nɛfa na malɛ e naaŋ shin nɛ Yesu Kristo be kenamba na e fo jemanɛ na gbagba.

1 Timoti 6:20

Timoti, baa de kusɔ nɛ Ebɔrɛ ta m bɔɔ fo enɔ na so nɛnɛ nsaa gelge chilchil be emɔrɔ be mmalga nɛ a maa par Ebɔrɛ nɛ efɛ be keŋini nɛ baa tre kashennyi be keŋini na.

2 Timoti 1:11

Ebɔrɛ lara ma nna fanɛ m baa la baru lela na be emalgapo nɛ eshuŋipo nɛ eŋinipo.

2 Timoti 1:14

Baa kɔ asheŋ lela nɛ Kiyoyu Cheeŋ nɛ e wɔ anyi to na ta m bɔɔ fo enɔ na to kpakpa.

2 Timoti 2:2

nseŋ ta mmalga nɛ fo nu ŋ ka bugi to m malga basa damta be anishito na m bɔɔ basa nɛ fo yirda fanɛ bumo alɛ beeŋ tiŋ ŋ ŋini beko enɔ.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.