1 Timoti 1:10 - EBƆRƐ BE KAWƆL

¹⁰ Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

1 Timoti 1:10 ပူးပေါင်းရင်းမြစ်များ

Jɛnesis 19:5

B daŋ tre Lɔt nna m bishi mo le: “Nnɛ nɛ basa nɛ b ba fo pe nfe kanyɛ ere na wɔ? Shin nɛ b lar m ba anyi kutɔ nɛ anyi nɛ bumo e di keche nɛ kenyɛn.”

Jɛnesis 37:27

An fa mo n sa Ishmaɛlebi ere bɔ an ka teŋi enɔ m mɔ mo, ŋkpal manɛ so, an sipo gbagba nna nɛ anyi nɛ mo la ŋklaŋ koŋwule.” Ndoŋ nna nɛ bumo nɛ b ka na nu n sa mo.

Jɛnesis 40:15

Ŋkpal manɛ so, b daŋ pɛ ma eleŋso nna ashi Hibruwebi be kasawule so m ba nfe. Ma alɛ ka ba nfe ere gba, m maŋ wora shɛŋ n daga kabuti.”

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Ɛksodɔs 21:16

Esa kama nɛ e yuri dimɛdi n fa ŋko n ta mo a kɔ fanɛ kenya, amodoŋwura gba daga luwu.

Hoziya 10:4

Bumo be mmalga kikɛ la mmalga fuloŋ nna nɛ bumo be nnɔ naseso kikɛ la efɛ. Kashenteŋji loge nɛ efɛ sɔ kakpa a salga to fanɛ afitiri nɛ a bee mɔ adɔjibi na.

Levitikɔs 18:22

Sa maŋ kaŋ di fo barkasa enyɛn keche nɛ kenyɛn kikɛ. K la ekishi nna n sa Ebɔrɛ.

Levitikɔs 20:13

Nɛ enyɛn di mo barkasa enyɛn keche nɛ kenyɛn, kusɔ nɛ b wora na la mbushu nna na. A daga fanɛ b mɔ bumo. Bumo alɛ be luwu be turju beeŋ baa bɛ bumo nna.

Zakareya 5:4

Enyɛnpetale Ebɔrɛ na yɛ e beeŋ shin nɛ kɔnɔsho ere e luri eyu nɛ ekama nɛ e bee bɔ ntaŋ a ku efɛ kikɛ be elaŋana to nseŋ shir elaŋ na so hale nɛ a ya mur cheche.”

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

Romebi 1:26

Ŋkpal le be asheŋ ere so Ebɔrɛ yige bumo nna n sa kesakalea be ayɛlgasɔ hale nɛ bumo be beche yige kedi benyɛn n lɛ nsaa kɔ bumo braana beche a di keche nɛ kenyɛn.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

1 Timoti 4:6

Nɛ fo ŋini bekurgepoana na asheŋ ere, feeŋ baa la Kristo Yesu be kenya lela a kɔ yirda be mmalga nɛ keŋini lela nɛ fo bɛ so na be eleŋ.

1 Timoti 6:3

Esa kama nɛ e kɔ keŋini pɔtɛ a ŋini nsaa maa nu a sa Enyɛnpe Yesu Kristo be kashenteŋ be mmalga na nɛ kashenteŋ be abɔrɛsheŋ be kebaawɔtɔ nɛ k daga fanɛ an baa wɔtɔ na la esa nɛ kamoowu tan nna nɛ e maŋ nyi shɛŋ.

2 Timoti 1:13

Baa kɔ kashenteŋ be mmalga nɛ ŋ ŋini fo na to kpakpa a bɛ amo so nɛ yirda nɛ kasha nɛ a wɔ Kristo Yesu to na.

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

Taites 1:13

Kashenteŋ be kamalga nna, amoso, baa fiɛ bumo so kenishipereso nɛ b baa wɔ kashenteŋ be yirda na to.

Taites 1:9

A daga fanɛ e baa kɔ kubɔya nɛ k bɛ anyi be keŋini nɛ esa beeŋ tiŋ n yirda na so to kpakpa. Loŋ na e beeŋ tiŋ n ta keŋini lela n leŋ basa to nseŋ naŋ tiŋ n ji m bri bumo nɛ baa ji emɔrɔ na.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 18:13

Baaŋ shu, ŋkpal manɛ so, b nyi esa kikɛ ka maaŋ naŋ tɔ bumo be ndibi be asɔrso mo nɛ basa kɔ a wora ŋku dufɛsoana na nseŋ naa nyi b ka maaŋ tɔ asɔ nɛ b kɔ a wora ŋku mɛlɛmɛlɛbi nɛ bumo be duwu nɛ mir nɛ fraŋkinsensi nɛ bumo be nsa nɛ ɔlifs be ŋku nɛ nyifu peso nɛ bumo be atuwe nɛ bumo be ana nɛ mbolpɔ nɛ egbaŋɛ nɛ egbaŋɛturkoana nɛ anya, kumo e la fanɛ basa be ayoyu gbagba na.

Kelaraŋŋini 21:27

Eyurpi be kusɔ kikɛ maaŋ luri ndoŋ kikɛ. Esa kama malɛ gba nɛ e bee wora anishinyɔrsheŋ ŋko a fule, e maaŋ luri ndoŋ kikɛ. Bumo nɛ b sibɛ bumo be atre n wɔtɔ Kpakpafɔlbi na be ŋkpa be kawɔl na to na nawule e naaŋ luri ndoŋ.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.