1 Timoti 1:1 - EBƆRƐ BE KAWƆL

¹ Kawɔl ere shi ma Pɔɔl nɛ n la Kristo Yesu be eshuŋipo ŋkpal Ebɔrɛ an be Emɔlgapo be keparso nɛ Kristo Yesu nɛ an be tama wɔ mo so na kutɔ nna

1 Timoti 1:1 ပူးပေါင်းရင်းမြစ်များ

Nshɛ 106:21

B daŋ teŋ Ebɔrɛ nɛ e daŋ wora asheŋgboŋ ashi Ijipt be efuli so m mɔlga bumo na so nna.

Aizaaya 12:2

Ebɔrɛ e la ma emɔlgapo. Meeŋ ta ma yirda n wɔtɔ mo to nsaa maa ŋana kufu. Enyɛnpe Ebɔrɛ na e naa sa ma eleŋ; mo e mɔlga ma.

Aizaaya 43:11

N nawule kpeŋ e la Enyɛnpe Ebɔrɛ na. Ma alɛ nawule e naaŋ tiŋ m mɔlga menyi.

Aizaaya 43:3

Ŋkpal manɛ so, ma e la Enyɛnpe menyi be Ebɔrɛ na. Ma, Israɛl be Ebɔrɛ cheembi na, e la menyi be emɔlgapo. Meeŋ kplaŋ Ijipt nɛ Itiopia nɛ kebonfu nɛ baa tre Seba na be asheŋ so nseŋ sɔ menyi n yige.

Aizaaya 45:15

Israɛl be Ebɔrɛ nɛ e bee mɔlga mbe basa na la Ebɔrɛ nɛ esa maa wu mo kenishiso nna.

Aizaaya 45:21

Men ba demujikpa! Bekama nɛ baaŋ tiŋ m malga ŋ kuŋ bumo be amu na e to abar jina. Dra dra na kikɛ, wanɛ e tiŋ ŋ kaŋɛ kusɔ nɛ k beeŋ wora? Mannɛ ma Enyɛnpe Ebɔrɛ nɛ e mɔlga mbe basa na e tiŋ ŋ kaŋɛ a? Ebɔrɛ kikɛ maŋ naa wɔtɔ n ti ma so.

Aizaaya 49:26

Mo alɛ beeŋ shin nɛ bumo nɛ baa mɛaŋ menyi na gbagba e mɔ abar nsaa wora asheŋ fanɛ b ka boo na. Saŋɛ na so ekama beeŋ pin fanɛ Enyɛnpe Ebɔrɛ na e la anyi be emɔlgapo. Bumo alɛ beeŋ naŋ pin fanɛ Israɛl be Ebɔrɛ lempo na e kɔ n sɔ mbe basa n yige.”

Aizaaya 60:16

Efuli pɔtɛana be bewura nɛ bumo be basa beeŋ ta bumo be asɔ lela ŋ keni menyi be kadegboŋ na so, fanɛ kananɛ ebinio bee bela mbe mbia na. Saŋɛ na so nɛ men pin fanɛ ma, Enyɛnpetale Israɛl be Ebɔrɛ na e mɔlga menyi nseŋ sɔ menyi n yige.

Aizaaya 63:8

Enyɛnpe Ebɔrɛ na daŋ mɔlga mbe basa nna nseŋ kaŋɛ le: “Kashenteŋto b la ma basa nna. B maaŋ ku efɛ n sa ma kikɛ.”

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Luuk 1:47

Ma kagbene fuli ŋkpal Ebɔrɛ ma Emɔlgapo so,

Luuk 2:11

Kabre be kachɛ ere b kurge men be Emɔlgapo Kristo Enyɛnpe ashi Deevid be kade to.

Ashuŋ Shunso 9:15

Nɛ Enyɛnpe kaŋɛ: “Fo ere e yɔ de, ŋkpal manɛ so, ma e lara mo nɛ e baa shuŋ ma n shin nɛ nnyamase nɛ bewura nɛ Israɛlebi e pin ma.

Romebi 1:1

Kawɔl ere shi ma Pɔɔl nɛ n la Kristo Yesu be kenya na kutɔ nna. Ebɔrɛ e tre ma nseŋ lara ma ashi ma basa to n shin nɛ ŋ ki mbe eshuŋipo nɛ m ba kaa bɔ mbe baru lela na.

1 Kɔrintebi 1:1

Kawɔl ere shi ma Pɔɔl nɛ Ebɔrɛ kpal mo gbagba be keparso n tre ma fanɛ m ba ki Kristo Yesu be eshumpo na nɛ an kurgepo Sɔstenis kutɔ nna a yɔ Ebɔrɛ be asɔriebi nɛ b wɔ Kɔrint be kade to na kutɔ.

1 Kɔrintebi 9:17

Ŋkpal manɛ so, nɛ fanɛ mee wora loŋ nna ŋkpal ma alɛ gbagba be keparso, n daa beeŋ baa kɔ kakɔka, ama nɛ k maŋ la fanɛ ŋ gbagba be kepar be asheŋ so nɛ mee wora kumo, kumo ere kusɔ nɛ b ta m bɔɔ ma enɔ nɛ mee wora.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Galeeshaebi 1:11

Ŋ kurgepoana mee sha fanɛ ŋ kaŋɛ menyi nna fanɛ baru lela nɛ mee malga na maŋ la kusɔ nɛ k shi dimɛdi gbagba kutɔ nna.

Kɔlɔsiebi 1:27

Ŋkpal manɛ so, Ebɔrɛ daa sha keŋini bumo kananɛ e ŋini mbe wulo be eleŋgboŋ basa kikɛ to nna, kumo e la fanɛ, Yesu Kristo wɔ menyi to, kumo so nɛ men kɔ tama fanɛ menyeeŋ nu Ebɔrɛ be kemaŋkura na be ebel na.

2 Tɛsalɔnikaebi 2:16

An Nyɛnpe Yesu Kristo gbagba nɛ Ebɔrɛ an Tuto nɛ e sha anyi nseŋ bɔla mbe kuwɔr be kakɛ so a leŋ anyi to mbaanaayɔ nsaa sa anyi tama lela na

1 Timoti 1:12

Mee chɔrɔ Yesu Kristo an Nyɛnpe ŋkpal e ka sa ma le be kushuŋ ere be eleŋ nseŋ yirda ma n lara ma fanɛ n shuŋ mbe kushuŋ nsaa maŋ ta dra na be mmalga lubi nɛ n daŋ malga ŋ gbiti mo na nɛ kananɛ n tɔrɔ mbe basa nseŋ fɛl mo na n wɔtɔ mbe kagbene to so.

1 Timoti 2:3

Le be asɔ la asɔ lela nna

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

1 Timoti 4:10

Anyee shuŋ ga a maŋ kɔ kachena ŋkpal an ka ta anyi be yirda n wɔtɔ Ebɔrɛ nɛ e kɔ ŋkpa nsaa la basa kikɛ be Emɔlgapo, fɔnfɔŋ bumo nɛ b yirda mo na to so.

Taites 1:3

Jemanɛ nɛ mo ere Ebɔrɛ an be Emɔlgapo na gbagba bee sha na nɛ e bugi mbe kubɔya na to n sa basa nseŋ yili kumo fanɛ kubɔya na be kebɔ n sa basa be kushuŋ e baa la meya.

Taites 2:10

A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Taites 2:13

An baa wɔ amo to nsaa jo kachɛ nɛ b nɛfa nɛ anyi be tama wɔ kumo so na. Kumo be kamɔnchɛ nɛ an be Ebɔrɛ Gboŋ, Emɔlgapo Yesu Kristo na be kemaŋkura beeŋ lar efuli.

Taites 3:4

Ama Ebɔrɛ, an be Emɔlgapo ka ba lara mbe kelela nɛ kasha ŋ ŋini basa kikɛ na nɛ e mɔlga anyi. Mannɛ anyi gbagba be kelela be asheŋ woraso ko so nɛ e mɔlga anyi.

Taites 3:6

E bɔla Yesu Kristo, an be Emɔlgapo so n shin nɛ Kiyoyu Cheeŋ na ba buu anyi so nyam.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 1:3

Anyee di Ebɔrɛ nɛ e la an Nyɛnpe Yesu Kristo mo Tuto na epaŋ. Ŋkpal mbe kuwɔrgboŋ so e shin nɛ an nya ŋkpa popɔr ŋkpal Yesu Kristo ka tiŋi luwu to na so.

2 Pita 1:1

Kawɔl ere shi ma, Saimɔn Pita nɛ n la Yesu Kristo be kenya nɛ mbe eshuŋipo na kutɔ nna a yɔ menyi nɛ men bɔla Yesu Kristo an be Ebɔrɛ nɛ an be Emɔlgapo be kananɛ e niŋi ekpa so so n nya yirda koŋwule nɛ anyi alɛ gba kɔ na kutɔ. Anyi be yirda na maŋ kɔ ebarkasa kikɛ.

1 Jɔn 4:14

Anyi alɛ wu nseŋ ji kumo be shɛda fanɛ Etuto na shuŋi mo Pibinyɛn fanɛ e ba kaa la durnya ere to be Emɔlgapo.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.