1 Samuɛl 9:9 - EBƆRƐ BE KAWƆL

⁹ Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.

1 Samuɛl 9:9 ပူးပေါင်းရင်းမြစ်များ

Jɛnesis 25:22

Mborobi be kedampo nɛ Rebɛka daŋ di nɛ mbia na fara a ŋin a ŋin abar bumo nio be epun to. Nɛ Rebɛka fɛ mbe kumu to le: “Manɛ e ba nɛ le be kesheŋ ere bee wora ma ere?” Kumo be kaman nɛ e ya bishi Enyɛnpe Ebɔrɛ kusɔ nɛ k ba nɛ loŋ be kesheŋ na bee wora mo na.

2 Samuɛl 24:11

Kumo be ŋklade chipurso nɛ Enyɛnpe Ebɔrɛ kaŋɛ Gad nɛ e la Deevid be anebi na le:

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

1 Kronikɛls 21:9

Ndoŋ nna nɛ Enyɛnpe Ebɔrɛ kaŋɛ anebi Gad le:

1 Kronikɛls 26:28

Shelomif koŋwule na nɛ mo kurgepoana e naa keni ŋkɛ nɛ anebi Samuɛl nɛ ewura Sɔɔl nɛ Neer pibinyɛn Abna nɛ Zeruwa pibinyɛn Jɔab bar bɔrɛlambu na to na nɛ amo nɛ basa pɔtɛ bar na kikɛ gba so.

1 Kronikɛls 29:29

Kusɔ kama nɛ Deevid wora saŋɛ so nɛ e daa la ewura na be asheŋ kikɛ daa wɔ anebi Samuɛl nɛ Neetan nɛ Gad be nwɔl to.

1 Kronikɛls 9:22

Basa nɛ b daŋ lara fanɛ b baa keni mbuna so nseŋ sibɛ bumo be ketre n wɔtɔ bumo be nnaŋ nɛ nde be nwɔl to na kikɛ daa wɔ benyɛn alfa anyɔ nɛ kuduanyɔ. Ewura Deevid nɛ anebi Samuɛl e daŋ lara bumo nananyɛnana fanɛ b baa shuŋ loŋ be kushuŋ na.

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

Aizaaya 29:10

Enyɛnpe Ebɔrɛ na e shin nɛ menyi be anishi bee biri menyi nɛ edi bee la menyi na. Menyi anebiana na e daga fanɛ b baa wu asheŋ a kaŋɛ basa na, ama Ebɔrɛ buu menyi be anishi so nna nɛ men maŋ naa wu asheŋ a pin to.

Aizaaya 30:10

Bumo alɛ bee kaŋɛ anebiana na nna fanɛ b baa lo bumo be nnɔ to. Kusɔ nɛ baa kaŋɛ bumo e la: “Men sa maa kaŋɛ anyi kusɔ nɛ k daga be asheŋ. Men baa kaŋɛ anyi asheŋ nɛ anyee sha kebaanu na, hale nɛ a maŋ la kashenteŋ gba.

Eemɔs 7:12

Kede be kaman nɛ bɔrɛmatapo Amaziya kaŋɛ Eemɔs le: “Ta fo ebɔrɛdareana n shile anyi so! Bɛta n yɔ Juda be kasawule so n ya ka wora fo kenebiya be kushuŋ ndoŋ nsaa nya fo kusɔ jiso kumo to.

1 Kɔrintebi 12:17

To, nɛ eyur ere kikɛ daa la kenishi nna, nnɛ nɛ kenu daa beeŋ baa wɔ? Ŋko nɛ eyur ere kikɛ daa la kusoe nna, nnɛ nɛ efɛa be kenu daa beeŋ baa wɔ?

Demujipoana 1:1

Joshuwa ka wu be kaman, nɛ Israɛlebi na kule Ebɔrɛ m bishi mo le: “Anyi be mbuna ere be kumo e naaŋ juŋkpar n ya kɔ Keenanebi na?”

Demujipoana 18:5

Ndoŋ nna nɛ b kaŋɛ mo le: “Jande, bishi Ebɔrɛ ŋ keni, asheŋ beeŋ nite nɛnɛ n sa anyi ashi anyi be enite ere to a?”

1 Samuɛl 9:10

Ndoŋ nna nɛ Sɔɔl nɛ kayɛrbi na yɔ kakpa nɛ anebi na wɔ na.