1 Samuɛl 9:21 - EBƆRƐ BE KAWƆL

²¹ Ndoŋ nna nɛ Sɔɔl kaŋɛ mo le: “Bɛnjamin be yiri to ebi e la ma. Bumo e la yiri mo nɛ b maŋ shibi ashi Israɛl kikɛ to. Ma alɛ be laŋ to ebi nɛ b maa keni a bɔlɔ kenishi ashi anyi be yiri na to. Nɛ manɛ a ba nɛ fee malga ŋ kutɔ le?”

1 Samuɛl 9:21 ပူးပေါင်းရင်းမြစ်များ

Nshɛ 68:27

Bɛnjamin be yiri to ebi nɛ b maŋ shi na e juŋkpar n ta Juda be yiri to be benimu m bɛso. Nɛ Zɛbyulɔn nɛ Naftali malɛ bɛ benimu bɛso.

Nshɛ 68:28

Anyi be Ebɔrɛ, ŋini fo eleŋ; naaŋ ŋini anyi fo eleŋ na.

Hoziya 13:1

Jemanɛ ko Efreim be yiri to ebi na daŋ baŋ malga, Israɛl be eyiri nɛ e ka na daa chicha nna, ŋkpal manɛ so b daa sa bumo bunyaŋ nna. Ama Efreim be yiri to ebi na wora alubi ŋkpal b ka shuŋ Baal be kegbir so nɛ luwu ba bumo so.

Luuk 14:11

Ekama nɛ e bee maŋ mbe kumu so, baaŋ bar mo kaseto nɛ ekama nɛ e bee bar mbe kumu kaseto, baaŋ maŋ mo so.”

Ɛfesesebi 3:8

Kashenteŋto nna fanɛ m maŋ fo Ebɔrɛ be basa to be ekekarso gba kuraa, ama Ebɔrɛ ta le be kuwɔr be kakɛ ere nna n sa ma nɛ m bɔ Kristo be enɛfa damta be baru lela na n sa nnyamase

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.

1 Samuɛl 14:51

Sɔɔl mo tuto Kish nɛ Abna malɛ mo tuto Neer kikɛ daa la Abiɛl be mbinyɛnsobi nna.

1 Samuɛl 15:17

Nɛ Samuɛl yɛ: “Fo gbagba nyi fo ka daa maŋ la shɛŋ; ama naniere mannɛ fo e ba ki Israɛl be eyiri kikɛ be ejuŋkparpo ere a? Fo nɛ Enyɛnpe Ebɔrɛ lara fanɛ fo ki Israɛl be ewura naniere,

1 Samuɛl 18:18

Nɛ Deevid kaŋɛ le: “Nuso nɛ ma alɛ le beeŋ tiŋ n ta ewura lelemu pibiche ŋ ki ma eche? M maŋ la esa gboŋ ko ashi ma laŋ to nɛ n tutoana be kanaŋ gba maŋ la shɛŋ ashi Israɛl be kasawule so.”

1 Samuɛl 18:23

B ka kaŋɛ Deevid loŋ nɛ mo alɛ kaŋɛ le: “K beeŋ ba la bunyaŋ gboŋgboŋi nna n sa ma fanɛ m ba la ewura mo shanyɛn ama mannɛ etirpo nɛ ebɔlpo be asheŋ nna na.”

1 Samuɛl 9:22

Nɛ Samuɛl keta Sɔɔl nɛ mbe kayɛrbi na n yɔ ejikpa be lambu to n ya shin nɛ b chena bunyaŋ be echenakpa, kakpa nɛ befɔ beeŋ wora fanɛ basa adesa daa tase a ji na.