1 Samuɛl 9:11 - EBƆRƐ BE KAWƆL

¹¹ B ka dii kebee a yɔ kade na to na, nɛ b ya tu besuŋgurbi ko nɛ baa ba nɛ b ba saŋ nchu, nɛ b bishi bumo le: “Anyee fin kanyɛn nɛ e bee wu asheŋ a kaŋɛ na nna. E wɔtɔ nna ere a?”

1 Samuɛl 9:11 ပူးပေါင်းရင်းမြစ်များ

Jɛnesis 24:11

Kaaseso, saŋɛ nɛ beche bee yɔ eboŋ to na nɛ b fo ndoŋ. Ndoŋ nna nɛ e shin nɛ enyɔma na gbir ŋ gbir ketirbu ko ase ashi kade na be ekarso.

Jɛnesis 24:15

Pɔɛŋ nɛ Eebraham be kayɛrbi na e kule Ebɔrɛ n loge nɛ Rebɛka ta lɔŋkɔŋ m bɛ mbe kebatemu so m ba lar. Rebɛka daa la Bɛtuwɛl pibiche nna nɛ Bɛtuwɛl malɛ daa la Nahɔɔ nɛ Milka pibi. Nahɔɔ malɛ daa la Eebraham mo sipo nna.

Jɛnesis 29:8

Nɛ b kaŋɛ mo: “Anyi maaŋ tiŋ n wora shɛŋ ama an braana kikɛ gama nna nɛ an gbelti kejembu ere ashi to pɔɛŋ nseŋ nya n jɔ nchu n sa anyi be asɔbɔya.”

Jɛnesis 29:9

Jeekɔb kraa malga bumo kutɔ nna nɛ Reechel keta mo tuto be mbolpɔ m ba, ŋkpal manɛ so, e daa la eche nɛ e bee kpa mbolpɔ nna.

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Aŋasa 24:15

Sa maa kɔ kumu kpakpaso fanɛ belubiworapo nɛ baa yuri basa lela be asɔ, ŋko a suge bumo be nwu na.

Demujipoana 5:11

basa nɛ baa boŋ nshɛ atirbu ase na be ebɔl; baa kute Enyɛnpe Ebɔrɛ na be kekɔmpɔɔso be asheŋ nna, nsaa kaŋɛ Israɛl be basa ka kɔ m pɔɔ so be asheŋ! Enyɛnpe Ebɔrɛ na be basa bɛ abar so nna n yɔ bumo be ndegboŋana be mbuna ase.

1 Samuɛl 9:10

Ndoŋ nna nɛ Sɔɔl nɛ kayɛrbi na yɔ kakpa nɛ anebi na wɔ na.