1 Samuɛl 8:7 - EBƆRƐ BE KAWƆL

⁷ Nɛ Enyɛnpe Ebɔrɛ kaŋɛ mo le: “Kusɔ kama nɛ b kaŋɛ fo, fo nu n sa bumo. Mannɛ fo nɛ b kini; ma nɛ b kini fanɛ bumo be ewura.

1 Samuɛl 8:7 ပူးပေါင်းရင်းမြစ်များ

Ɛksodɔs 16:8

Ade kikɛ be kaman nɛ Mosis naŋ kaŋɛ bumo le: “Enyɛnpe Ebɔrɛ na e la esa mo nɛ e beeŋ baa sa menyi eblaŋ kaaseso nɛ men baa we, nseŋ naa sa menyi ajibi malɛ chipurso kanaŋkamaso nɛ k daga. Ŋkpal manɛ so, Enyɛnpe Ebɔrɛ na nu menyi be nfubel, manɛ e la anyi nɛ menyee malga gbiti anyi? Enyɛnpe Ebɔrɛ nɛ menyee malga a gbiti, mannɛ anyi.”

Aizaaya 66:4

Amoso meeŋ gberge bumo kusoe n shin nɛ kusɔ nɛ baa ŋana e ba bumo so, ŋkpal manɛ so, ŋ ka tre bumo, ekama maŋ shuli ŋko n nu kusɔ nɛ ŋ kaŋɛ na. B kini kewora ma kasonu nna nsaa wɔtɔ a wora asɔ nɛ ŋ kishi.”

Jɛremaya 34:14

nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Ezikɛl 2:3

“Dimɛdi pibi, mee shuŋi fo Israɛl be basa kutɔ nna. Ŋkpal manɛ so, kananɛ bumo tutoana kikɛ daŋ pal kaman n sa ma nseŋ kini kenu n sa ma na nɛ bumo alɛ gba bee wora hale nɛ mbre na.

Ezikɛl 3:7

Ama Israɛl be basa ere maŋ wora shiriya nɛ b nu n sa fo, ŋkpal manɛ so b maŋ wora shiriya nɛ b nu n sa ma so. Bumo kikɛ la kusoe kpakpaso nɛ kumu kpakpaso be basa nna.

Nɔmbɛs 22:20

Kumo be kanyɛso nɛ Ebɔrɛ kaŋɛ Balaam le: “Meeŋ shin nɛ fo tu Ewura Balak be mbɔ na n yɔ Mowab, ama ya wora kusɔ kama nɛ meeŋ kaŋɛ fo.”

Matiu 10:40

“Ekama nɛ e sɔ menyi, sɔ ma nna na. Nɛ ekama malɛ nɛ e sɔ ma, sɔ emo nɛ e shuŋi ma na nna na.

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’

Luuk 19:27

Ade kikɛ be kaman nɛ enyɛnpe na kaŋɛ le: ‘To, naniere men ya pɛ ma doŋana nɛ b daŋ kaŋɛ fanɛ m maaŋ ki bumo be ewura na m ba teŋ bumo ma anishito.’ ”

Baru lela nɛ Jɔn kute na 13:16

Kashenteŋ nɛ mee ji menyi na fanɛ kenya maŋ chɔ mo nyɛnpe, kabɔ kama malɛ maŋ chɔ esa nɛ e shuŋi mo na.

Demujipoana 8:23

Ama le nɛ Gidiɔn malɛ kaŋɛ bumo: “Ma nɛ ma kaman to ebi maaŋ ji menyi so kuwura. Enyɛnpe Ebɔrɛ na e naaŋ ji menyi so kuwura.”

1 Samuɛl 10:19

Ma e la Ebɔrɛ nɛ e lara menyi ashi menyi be etɔrɔ nɛ awurfoŋ kikɛ to na, ama kabre men kini ma nseŋ kaŋɛ ma fanɛ n fin ewura n sa menyi. Amoso men yɔ n ya gbargbar abar yiriyiri so nɛ mbuna mbuna be ntuŋ so n yili ma anishito.”

1 Samuɛl 12:1

Ndoŋ nɛ Samuɛl kaŋɛ Israɛl be basa na kikɛ le: “Kusɔ nɛ menyee sha na, naniere bre n wora kumo n sa menyi. N sa menyi ewura mo nɛ e beeŋ baa juŋkpar menyi.

1 Samuɛl 12:12

Ama men ka wu Nahaash nɛ e la Ammɔn be ewura na ka bee ba nɛ e ba kɔ menyi na, nɛ men kini Enyɛnpe Ebɔrɛ na fanɛ menyi be ewura nsaa fin menyi gbagba be ewura nɛ e beeŋ baa juŋkpar menyi.

1 Samuɛl 8:22

Nɛ Enyɛnpe Ebɔrɛ kaŋɛ le: “Wora kusɔ nɛ baa sha n sa bumo nseŋ sa bumo ewura.” Ndoŋ nna nɛ Samuɛl kaŋɛ Israɛl be basa na kikɛ fanɛ b baa yɔ epe.

1 Samuɛl 8:8

Yili saŋɛ so nɛ n lara bumo ashi Ijipt be kasawule so dra dra na kikɛ nɛ b kini ma nseŋ ya kaa bɛ agbir so. Kusɔ nɛ b wora ma na gbagba nɛ b ta a wora fo alɛ gba naniere na.