1 Samuɛl 8:5 - EBƆRƐ BE KAWƆL

⁵ n ya kaŋɛ mo le: “Naniere fo bel nna na, nɛ fo mbinyɛnsobi ere malɛ maŋ du fanɛ fo, amoso lara ewura n sa anyi nɛ e baa juŋkpar anyi fanɛ kananɛ efuli pɔtɛana na gba be basa kɔ bewura na.”

1 Samuɛl 8:5 ပူးပေါင်းရင်းမြစ်များ

Nɔmbɛs 23:9

N yili kebee be esoso n wu bumo. N wɔ kebee so a keni bumo. B la basa nɛ b kɔr bekama to nna. Basa nɛ Ebɔrɛ nɛfa.

Ashuŋ Shunso 13:21

Jemanɛ na so nɛ b kule Samuɛl fanɛ e lara ewura n sa bumo nɛ Ebɔrɛ ta Sɔɔl, Kish nɛ e shi Bɛnjamin be kanaŋ to na pibi n sa bumo fanɛ e ji bumo so kuwura nfɛ adena.

Demujipoana 8:22

Ade kikɛ be kaman, nɛ Israɛlebi na kaŋɛ Gidiɔn le: “Fo e mɔlga anyi ashi Midianebi be enɔ to, amoso anyee sha fanɛ fo nɛ fo kaman to ebi kikɛ e baa ji anyi so kuwura nna.”

1 Samuɛl 10:19

Ma e la Ebɔrɛ nɛ e lara menyi ashi menyi be etɔrɔ nɛ awurfoŋ kikɛ to na, ama kabre men kini ma nseŋ kaŋɛ ma fanɛ n fin ewura n sa menyi. Amoso men yɔ n ya gbargbar abar yiriyiri so nɛ mbuna mbuna be ntuŋ so n yili ma anishito.”

1 Samuɛl 12:13

Ewura nɛ men lara na nde. “Menyi e kule fanɛ menyee sha ewura nɛ Enyɛnpe Ebɔrɛ lara mo n sa menyi.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:2

Men gbagba ere wu kananɛ n juŋkpar menyi saŋɛ so nɛ n la kabrantiɛ na kikɛ. Naniere bre m bel nɛ ma emin malɛ gba fuli. Ma mbinyɛnsobi gba ki benimu. Naniere k daga men ka keni kananɛ menyi be ewura na beeŋ ba keni menyi so.

1 Samuɛl 9:20

Sa maŋ shin nɛ fo ekurma nɛ b foe nchɛ asa kikɛ ere bre be asheŋ e baa fɔŋ fo. B wu bumo. Wanɛ bre nɛ fee tama fanɛ Israɛl bee sha e ka ki bumo be ejuŋkparpo? Mannɛ fo nɛ fo kanaŋ a?”