1 Samuɛl 8:4 - EBƆRƐ BE KAWƆL

⁴ Ndoŋ nna nɛ Israɛl be bejuŋkparpoana na kikɛ gbargbar abar n yɔ Samuɛl kutɔ ashi Raama

1 Samuɛl 8:4 ပူးပေါင်းရင်းမြစ်များ

2 Samuɛl 3:17

Nɛ Abna yɔ Israɛlebi be bejuŋkparpo na kutɔ n ya ber bare nseŋ kaŋɛ bumo le: “Men ka bee fin fanɛ Deevid e ki menyi be ewura na chɛr ga.

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

Ɛksodɔs 24:1

Kachako nɛ Enyɛnpe Ebɔrɛ kaŋɛ Mosis le: “Fo nɛ Ɛɛrɔn nɛ Nadab nɛ Abihu nɛ Israɛlebi be bejuŋkparpo adushunu e ba ma kutɔ ashi kebee ere ase nfe. Ama pɔɛŋ nɛ men fo kumo men feŋ n yili m bunyaŋ ma.

Ɛksodɔs 3:16

Yɔ n ya tre Israɛlebi na be bejuŋkparpo kikɛ n shɛr ŋ kaŋɛ bumo fanɛ Enyɛnpe Ebɔrɛ nɛ e la men nananyɛnana, Eebraham nɛ Aizek nɛ Jeekɔb be Ebɔrɛ na e lar ma so ŋ kaŋɛ: ‘Ŋ keni n wu kusɔ nɛ baa wora menyi ashi Ijipt be efuli so nɛ menyi be asheŋ tir ma ga.’

1 Samuɛl 1:19

Kumo be ŋklade kachipurdidi nɛ Ɛlkana nɛ mbe kanaŋ wule ŋ koso n ya bunyaŋ Enyɛnpe Ebɔrɛ nseŋ bɛta n yɔ Raama, bumo be kade to. Elkana nɛ mbe eche Haana ka di keche nɛ kenyɛn nɛ Enyɛnpe Ebɔrɛ nu Haana be kabɔrɛkule.

1 Samuɛl 11:3

Nɛ Jabesh be benimuana na kaŋɛ le: “Sa anyi nchɛnshunu nɛ an ta n shuŋi mbɔ anyi be basa nɛ b ka ashi Israɛl be kasawule so na kutɔ. Esa kama baa maŋ ba chɛ anyi to bre, kumo ere anyeeŋ shuli so n sa fo.”

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.

1 Samuɛl 8:10

Ndoŋ nna nɛ Samuɛl kaŋɛ basa nɛ baa kule mo fanɛ e fin ewura n sa bumo na kusɔ kama nɛ Enyɛnpe Ebɔrɛ na kaŋɛ mo.