1 Samuɛl 8:14 - EBƆRƐ BE KAWƆL

¹⁴ E beeŋ sɔ menyi be nsawule lela nɛ ndibi nɛ baa tre ɔlif na be ndɔana nɛ ndibi nɛ baa tre greep na be ndɔana n sa mbe benimuana.

1 Samuɛl 8:14 ပူးပေါင်းရင်းမြစ်များ

1 Bewura 21:19

n ya kaŋɛ mo fanɛ ma Enyɛnpe Ebɔrɛ na e naa kaŋɛ mo fanɛ naniere fo ka mɔ Nabɔf na, mbe kapetɛ e ka nɛ fo ta ŋko? Kaŋɛ mo fanɛ kakpa nɛ njɔnɔ dente Nabɔf be ŋklaŋ na, ndoŋ gbagba nɛ baaŋ dente mo alɛ gba be ŋklaŋ!”

1 Bewura 21:2

Kachako nɛ ewura Ahab ya kaŋɛ Nabɔf le: “Ta fo asɔrso nɛ baa tre greep na be kudɔ nɛ k mata ma laŋ na n sa ma nɛ n dɔ epofantaŋ be kudɔ. Meeŋ sa fo asɔrso nɛ baa tre greep na be kudɔ lela n tal to. Nɛ fee sha malɛ, meeŋ ka fo kanaŋkama nɛ feeŋ fa kumo n sa ma.”

1 Bewura 21:7

Nɛ Jɛzebel malɛ bishi mo le: “Fo maŋ la ewura nna nsaa beeŋ tiŋ n wora kusɔ kama nɛ fee sha a? Sa maŋ shin nɛ fo kagbene e baa jija fo. Koso n ji ajibi. Meeŋ fin Nabɔf be asɔrso nɛ baa tre greep na be kudɔ na n sa fo!”

Ezikɛl 46:18

Ewura na maŋ daga fanɛ e sɔ basa na to be ekama be kapetɛsɔ ashi mo kutɔ. Kasawule kama nɛ e beeŋ ta n sa mbe kebia daga fanɛ k baa la mo gbagba peya nna, saŋɛ na so e maaŋ baa nyaŋ ma basa a sɔ bumo be nsawule a mbe mbia.”

1 Samuɛl 22:7

Nɛ e kaŋɛ mbe benimuana na le: “Men nu nfe! Men la Bɛnjamin be kaman to ebi nna, amoso men baŋ shin nɛ Jɛsi pibinyɛn ere ki ewura, e maaŋ sa menyi kudɔsawule ŋko ndibi nɛ baa tre Greep na be adɔ. Mo alɛ maaŋ naŋ ta menyi ŋ ki mbe benapo ŋgboŋ ŋgboŋ nɛ kalfa kalfa be bejuŋkparpoana fanɛ kananɛ n ta menyi ŋ ki ere.

1 Samuɛl 8:13

Men be mbichebi beeŋ baa wora etulale a sa mo nseŋ ki mbe bedaŋɛpo nɛ ebodobodotɔpoana.

1 Samuɛl 8:15

E beeŋ baa sɔ menyi be ayu nɛ menyi be greep be asɔrso be kudu kudusopo a sa mbe benimuana nɛ mbe ekrachiana.