1 Samuɛl 8:11 - EBƆRƐ BE KAWƆL

¹¹ E yɛ: “Le nɛ menyi be ewura na beeŋ wora menyi. E beeŋ tintiŋ men be mbinyɛnsobi nɛ b ki mbe benapo nseŋ shin nɛ bumo be beko e baa far mbe egbaŋɛturko nɛ beko malɛ e baa di egbaŋɛ a kɔ kena, nɛ beko e baa shile a juŋkpar mbe egbaŋɛturko.

1 Samuɛl 8:11 ပူးပေါင်းရင်းမြစ်များ

2 Samuɛl 15:1

Ade kikɛ be kaman nɛ Absalɔm ya fin egbaŋɛturko nɛ amo be egbaŋɛ nɛ baŋ baa gberge amo n sa mbe kumo, nɛ basa adunu nɛ bumo alɛ beeŋ baa juŋkpar a kuŋ mo.

1 Bewura 1:5

Absalɔm ka wu na nɛ ewura Deevid be eche Hagif pibinyɛn Adonija ki ewura Deevid pibinyɛn nimuso. Mo e daa bɛ Absalɔm so nseŋ daa walɛ kayɛrbi ga. Kachako nɛ e yili kumo fanɛ e beeŋ ta mbe kumu ŋ ki ewura. Ndoŋ nna nɛ mo gbagba fin egbaŋɛturko nɛ egbaŋɛ nseŋ ta benapo adunu fanɛ b baa kuŋ mo. Mo tuto, ewura Deevid, malɛ daŋ maŋ bishi mo kusɔ nɛ k ba nɛ e bee wora loŋ, ŋkpal manɛ so, e maŋ naŋ fiɛ mo so kikɛ.

1 Bewura 10:26

Mbe egbaŋɛturko nɛ egbaŋɛ daŋ baa wora keshi nna hale m ba fo egbaŋɛturko kagboŋ nɛ alfa ana nɛ egbaŋɛ malɛ ŋgboŋ kuduanyɔ. E daŋ yige beko Jerusalɛm nna nseŋ yige beko malɛ ndegboŋ na be ako to.

1 Bewura 12:10

Ndoŋ nna nɛ mo braana nɛ mo nɛ bumo koso kebiato na kaŋɛ le: “Kaŋɛ basa na le: ‘Men sa maa ta n tuto a ber ma.

1 Bewura 12:4

“Fo tuto ewura Sɔlɔmɔn bre daŋ tintiŋ anyi nna nseŋ shin nɛ anyee shuŋ a gben ga. Fo baŋ ku anyi be ashuŋ so nɛ anyi maŋ naa shuŋ tintiŋ be kushuŋ nɛ asheŋ bɔ n sa anyi bre, kumo ere anyi alɛ beeŋ baa shuŋ fo saŋkama.”

1 Bewura 14:27

Ewura Rehoboam daŋ wora danyaŋ be asɔkuŋso nɛ baa keta a yɔ kena to na nna n tal shuwa peya na to nseŋ ta amo m bɔɔ bekumpo nɛ baa keni ewura be laŋ to be kabunagboŋ na so na enɔ.

1 Bewura 18:46

Nɛ Enyɛnpe Ebɔrɛ be kiyoyu gbelge anebi Elaija so nɛ e lɔŋɛ mbe epiŋi ŋ kre to nseŋ shile n ya choŋ Ahab so n yɔ Jizreel be kade to.

1 Samuɛl 10:25

Nɛ Samuɛl bugi asheŋ to n sa bumo a yɔ kuwurji be kaplɛa so, nseŋ sibɛ kumo be mbra n nase kawɔl to n ya nase bɔrɛlambu to. Kumo be kaman nɛ e shin nɛ ekama yɔ epe.

1 Samuɛl 14:52

Sɔɔl ka daa wɔ ŋkpa to na, mo nɛ Filistiebi na daŋ kɔ ana kpakpaso damta nna. Mo alɛ daŋ baŋ wu enapo kama nɛ e kɔ eleŋ ŋko kenyɛn, e daa ta mo nna a ti mbe benapo so.

1 Samuɛl 22:7

Nɛ e kaŋɛ mbe benimuana na le: “Men nu nfe! Men la Bɛnjamin be kaman to ebi nna, amoso men baŋ shin nɛ Jɛsi pibinyɛn ere ki ewura, e maaŋ sa menyi kudɔsawule ŋko ndibi nɛ baa tre Greep na be adɔ. Mo alɛ maaŋ naŋ ta menyi ŋ ki mbe benapo ŋgboŋ ŋgboŋ nɛ kalfa kalfa be bejuŋkparpoana fanɛ kananɛ n ta menyi ŋ ki ere.

1 Samuɛl 8:9

Kusɔ kama nɛ b kaŋɛ, fo nu n sa bumo, ama wora ania ŋ kpele bumo kusoe kenishipereso nɛ b pin kananɛ ewura na beeŋ ba kaa wora bumo.”