1 Samuɛl 7:9 - EBƆRƐ BE KAWƆL

⁹ Ndoŋ nna nɛ Samuɛl mɔ kubɔlpobi n ta kumo kikɛ n chɔɔ n lara sarga n sa Enyɛnpe Ebɔrɛ fanɛ e chɛ Israɛlebi to. Nɛ Enyɛnpe Ebɔrɛ nu mbe kabɔrɛkule na.

1 Samuɛl 7:9 ပူးပေါင်းရင်းမြစ်များ

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Levitikɔs 22:27

“Nɛ kena ŋko kubolpɔ ŋko kaboe kurge, a daga fanɛ k ka ji nchɛ ashunu mo nio kutɔ pɔɛŋ nɛ b chuge kumo enio na so. Yili kachɛ burwasopo na a yɔ, baaŋ tiŋ n ta amo be kekama n lara sarga chɔɔso n sa Enyɛnpe Ebɔrɛ na nɛ e sɔ.

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

Jeems 5:16

Amoso, men baa bugi men be alubiana to a kaŋɛ abar nsaa kule Ebɔrɛ a sa abar nɛ Ebɔrɛ e baa chɛ menyi be alɔana. Kashenteŋto, kabɔrɛkule kama nɛ k shi esa nɛ kulubi maŋ wɔ mo to, bee tiŋ a wora asheŋgboŋ ga ŋkpal eleŋ nɛ Ebɔrɛ ta n wɔtɔ kumo to so.

Demujipoana 6:26

Kumo be kaman nɛ fo pɔr bɔrɛsure nɛ k daga n sa Enyɛnpe fo Ebɔrɛ na ketempreŋ ere so. Feeŋ ta Ashira be kedibi na m ba kpal to m puga edɛ nseŋ mɔ gbolu na n chɔɔ kumo so n lara sarga n sa ma.”

Demujipoana 6:28

Kade na to ebi ka koso kachipurso nɛ Baal be kegbirsure bure a dese nɛ kegbir cheso Ashira be kedibi tenteŋ nɛ k yil m mata kumo na malɛ gba, kuya to. Kumo be kaman nɛ b naŋ wu fanɛ b ta gbolu gba n chɔɔ n lara sarga bɔrɛsure popɔr ko so.

1 Samuɛl 10:8

Juŋkpar ma a yɔ Gilgaal nɛ m ba tu fo ndoŋ n lara sarga chɔɔso nɛ kɔnɔkoŋwuleso be esarga. Ya jo ma ndoŋ bɔkwe nɛ m ba kaŋɛ fo kusɔ nɛ feeŋ wora.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 16:2

Nɛ Samuɛl kaŋɛ le: “M baŋ wora loŋ nɛ Sɔɔl nu, e beeŋ mɔ ma!” Nɛ Enyɛnpe Ebɔrɛ kaŋɛ mo: “Ta kenabi a yɔ n ya kaŋɛ fanɛ fo ba nna nɛ fo ba lara sarga n sa Enyɛnpe Ebɔrɛ.

1 Samuɛl 2:35

Meeŋ lara bɔrɛmatapo mo nɛ e beeŋ baa ji kashenteŋ nsaa nu a sa ma. Meeŋ shin nɛ mbe kanaŋ to ebi e ki bɔrɛmatapoana a shuŋ ma ewura laraso na.

1 Samuɛl 7:17

Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.

1 Samuɛl 9:12

Nɛ b yɛ: “Mm, e wɔ kade to kabre ŋkpal manɛ so, baa sha kelara sarga ashi kebee nɛ k mata nfe ere so kabre nna. Mo e wɔ menyi be anishito a yɔ na, amoso men wora manaŋ.