1 Samuɛl 7:6 - EBƆRƐ BE KAWƆL

⁶ Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.

1 Samuɛl 7:6 ပူးပေါင်းရင်းမြစ်များ

Jɛnesis 31:49

Kumo be ketre ko gba e daa la Mispa, ŋkpal manɛ so, le nɛ e daŋ kaŋɛ: “Ebɔrɛ e baa keni ma nɛ fo kikɛ so saŋɛ nɛ anyee barga abar ere.

2 Samuɛl 14:14

Anyi kikɛ nyam beeŋ wu, ŋkpal manɛ so an du fanɛ nchu nɛ b chulgi n lɛ kasawule nɛ a maŋ naa kɔ kemuu nna. Hale nɛ Ebɔrɛ maa shin nɛ bubuni bee bɛta e ba ŋkpa to gba, fo nɛ fo la ewura ere bre beeŋ tiŋ n shin nɛ esa nɛ e shile fo efuli so n yɔ kuko to e naŋ bɛta m ba.

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

1 Kronikɛls 11:18

Nɛ benapo lempo asa na ŋana n yɔ Filistiebi na be keeyi to n ya jɔ ketirbu nɛ k wɔ Bɛtlɛhɛm be kabunagboŋ na ase na be nchu m bar Deevid nɛ e kini amo be kenu nseŋ chulgi amo n wurge kasawule fanɛ sarga n sa Enyɛnpe Ebɔrɛ,

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Job be kawɔl 16:20

N nekpaana bre kini ma nna n lɛ, ama Ebɔrɛ nɛ mee shu a ŋini.

Job be kawɔl 3:24

Ma keji nɛ kenuu e ki ebɔl to nɛ kagbene to be kushu na.

Job be kawɔl 33:27

Loŋ malɛ kaŋ wora, baaŋ kaŋɛ ekama le: “An daŋ wora alubi nseŋ foe Ebɔrɛ be ekpa so, ama Ebɔrɛ ta m paŋ anyi

Job be kawɔl 40:4

“Ma alɛ e la wanɛ nɛ n tiŋ n tuge fo mmalga? Mee wora ma kɔnɔ kare nɛ m malga ŋ kasar fo.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 106:6

Anyi nɛ an nanaana kikɛ wora asheŋ lubi ga.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 6:6

Kebɔltofinfin e naa mɔ ma. Kanyɛso kikɛ, ma anishichubi bee pɔ ma gedo nɛ kaputi nna.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Jɛremaya 31:19

An daŋ shile fo nna, ama naniere anyi naa sha kebɛta m ba fo kutɔ nna. Fo ka gberge anyi kusoe na be kaman, nɛ kagbenejija tɔr anyi so nɛ an kurgi amu n yuu to. Nyɔmɔ daŋ pɛ anyi nna nɛ an ji anishinyɔr ŋkpal an ka wora alubi saŋɛ nɛ an daa la mbifɔlbi kikɛ na so.’

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 2:11

M baŋ shu nna m pere anishi hale nɛ ma epun to bee besa. Ma basa ka mur na shin nɛ ma kagbene jija ma hale nɛ m bɛlɛ. Mbi wurbi nɛ mbi popɔrbi kikɛ kreŋ a dese agbembi so ŋkpal esa kikɛ ka maŋ wɔtɔ nɛ e keni bumo so ashi kadegboŋ na to so.

Nfabel 3:49

M maa ba nɛ n yige kebaa shu anishichubi

Nfabel 5:16

Asɔ nɛ an daa puchi so na be kekama maŋ naa wɔtɔ. Ŋkpal anyi ka wora alubi so, asheŋ maa nyalɛ a sa anyi.

Ezikɛl 20:4

Dimɛdi pibi, fo wora shiriya nɛ fo kpele bumo kusoe a? Kumo ere nyiŋi bumo ekishisheŋ nɛ bumo tutoana daŋ wora na be asheŋ,

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Jowɛl 2:12

Ama naniere Enyɛnpe Ebɔrɛ na yɛ: “Men lar men be alubi to m bugi men be ŋgbene n sa ma kashenteŋto nseŋ ta ekishi nɛ anishichubi nɛ ŋgbenejija be kushu m bɛta m ba ma kutɔ.

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Luuk 15:18

Cha, meeŋ koso n yɔ n tuto kutɔ n ya kaŋɛ mo le: N tuto, n wora alubi ŋ gbiti fo nɛ Ebɔrɛ.

Joshuwa 18:26

Mizpa nɛ Kefira nɛ Moza nɛ

Demujipoana 10:10

Ndoŋ nna nɛ Israɛlebi na shu n tre Enyɛnpe Ebɔrɛ na ŋ kaŋɛ: “An wora alubi ŋ gbiti fo nseŋ kplaŋ anyi be Ebɔrɛ so n ya kaa shuŋ agbir nɛ baa tre Baal na.”

Demujipoana 10:15

Nɛ Israɛlebi na kaŋɛ Enyɛnpe Ebɔrɛ na: “An wora alubi. Wora anyi kusɔ kama nɛ fee sha, ama jande mɔlga anyi kede bre to.”

Demujipoana 2:4

Enyɛnpe Ebɔrɛ na be Malaika na be kamalga na be kaman, nɛ Israɛl be basa na kikɛ fara a shu awɔrso

Demujipoana 20:26

Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.

Demujipoana 3:10

Enyɛnpe Ebɔrɛ na be Kiyoyu e daŋ gbelge Ofniɛl so nɛ e ki Israɛl be efuli so be ejuŋkparpo nseŋ juŋkpar bumo n ya kɔ Mɛsopoteemia be ewura, Kushan Rishateem kena. Ndoŋ nna nɛ Enyɛnpe Ebɔrɛ na shin nɛ Ofniɛl kɔ m pɔɔ so.

1 Samuɛl 1:15

Nɛ Haana kaŋɛ le: “N nyɛnpe, m maŋ boo nna! M maŋ la esa nɛ mee nuu nsa. Kagbenejija nɛ kabɔltoduŋi e tɔr ma so nɛ mee kaŋɛ Enyɛnpe Ebɔrɛ ma etɔrɔsheŋ.

1 Samuɛl 10:17

Nɛ Samuɛl shin nɛ Israɛlebi na gbargbar abar ashi Mizpa n shuŋ Enyɛnpe Ebɔrɛ ndoŋ

1 Samuɛl 12:10

Ndoŋ nna nɛ b naŋ shu n tre Enyɛnpe Ebɔrɛ ŋ kaŋɛ le: “An wora kulubi ŋkpal an ka kini keshuŋ fo Enyɛnpe Ebɔrɛ na nsaa shuŋ agbir nɛ baa tre Baal nɛ kegbirche Ashtɔrɛf na so so. Mɔlga anyi ashi an doŋana kutɔ saŋɛ na so anyeeŋ shuŋ fo!”

1 Samuɛl 7:15

Samuɛl e daa la Israɛl be demujipo hale n ya wu.