1 Samuɛl 7:5 - EBƆRƐ BE KAWƆL

⁵ Ndoŋ nna nɛ Samuɛl kaŋɛ le: “Men tre Israɛlebi na kikɛ nɛ b ba shɛr Mizpa nɛ ŋ kule Enyɛnpe Ebɔrɛ na n sa menyi.”

1 Samuɛl 7:5 ပူးပေါင်းရင်းမြစ်များ

Jɛnesis 20:7

Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

Jɛnesis 31:49

Kumo be ketre ko gba e daa la Mispa, ŋkpal manɛ so, le nɛ e daŋ kaŋɛ: “Ebɔrɛ e baa keni ma nɛ fo kikɛ so saŋɛ nɛ anyee barga abar ere.

2 Bewura 25:23

Nataniya Pibinyɛn Ishmaɛl nɛ Kariya pibinyɛn Johanan nɛ Tanhumɛf pibinyɛn Sɛriya nɛ b la Juda be efuli so be benapo be benimu n shin shile ŋ ŋana a maŋ bɛ Babilɔnebi na so n yɔ na ka nu loŋ na nɛ n shi Netofa be kade to n yɔ Gedaliya kutɔ ashi Mizpa.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Jɛremaya 40:6

Nɛ n yɔ Gɛmaliya kutɔ ashi kade nɛ baa tre Mizpa na nseŋ ya kaa wɔ basa nɛ b ka kasawule na so na to.

Hoziya 5:1

“Menyi bɔrɛmatapoana, e nu nfe! Israɛl be basa, men kaŋ kusoe n nu! Menyi nɛ men la kuwurji be kanaŋ to ebi, e nu nfe! Menyi ere e daga kebaaji asheŋ nɛ amo be ekpa so! Ama ŋkpal men ka maa wora loŋ so kasogberge beeŋ ba menyi so. Men ki ajigbelɛ nɛ ashewu nna n sho basa ashi Mizpa nɛ kebeegboŋ nɛ baa tre Tabɔɔ na so.

Jowɛl 2:16

Men gbargbar abar m ba shɛr kecheembiya be ekpa so. Men shin nɛ basa nɛ b bel kikɛ e ba loŋ be nshɛr na to. Men shin nɛ mbiwurbi nɛ mbi popɔrbi gba e ba. Bumo nɛ b ta abar kepopɔr to gba daga fanɛ b lar bumo be ebuana to m ba.

Joshuwa 15:38

Dilɛan nɛ Mizpa nɛ Jokteel nɛ

Joshuwa 18:26

Mizpa nɛ Kefira nɛ Moza nɛ

Demujipoana 10:17

Ammɔnebi na daŋ kre kena m ba gama abar so ashi Giliad nna, nɛ Israɛlebi na malɛ gba gama abar so ashi Mizpa.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.

1 Samuɛl 10:17

Nɛ Samuɛl shin nɛ Israɛlebi na gbargbar abar ashi Mizpa n shuŋ Enyɛnpe Ebɔrɛ ndoŋ

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”

1 Samuɛl 7:16

Kafɛ kikɛ e bee nite a chambɔ Bɛtɛl nɛ Gilgaal nɛ Mizpa be nde nna a ji Israɛlebi nɛ b wɔ ndoŋ be asheŋ n sa bumo.

1 Samuɛl 7:4

Nɛ Israɛlebi na yige agbir nɛ baa tre Baal nɛ Ashtɔrɛf na be kebaashuŋ nsaa shuŋ Enyɛnpe Ebɔrɛ nawule.

1 Samuɛl 8:6

K daŋ maŋ par Samuɛl ŋkpal b ka kaŋɛ fanɛ baa fin ewura so. Ndoŋ nna nɛ e kule Enyɛnpe Ebɔrɛ a yɔ kumo be kaplɛa so.