1 Samuɛl 7:3 - EBƆRƐ BE KAWƆL

³ Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”

1 Samuɛl 7:3 ပူးပေါင်းရင်းမြစ်များ

Jɛnesis 35:2

Jeekɔb ka nu loŋ nɛ e kaŋɛ mbe laŋ to ebi nɛ bumo nɛ b daa wɔ mo kutɔ na kikɛ le: “Men lara agbirana ere kikɛ ashi menyi to n fɔr menyi be amu ashi eyurpi kama to n chɛrga menyi be asɔbuuso

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 8:48

Nɛ fanɛ b chɛrga bumo be nfɛra kashenteŋto nna ashi efuli na so bre nseŋ kilgi bumo be anishito n shoŋi kasawule nɛ fo ta n sa an nananyɛnana na nɛ kade nɛ fo lara ere nɛ bɔrɛlambu nɛ m pɔr n sa fo ere nseŋ kule fo,

2 Bewura 17:39

n ti ma Enyɛnpe men be Ebɔrɛ na so. Saŋɛ na so meeŋ baa mɔlga menyi ashi men doŋana be enɔ to.”

2 Bewura 23:15

Ewura Josaya daŋ bure Nebat pibinyɛn ewura Jeroboam be kagbirshuŋ be mboŋ nɛ e daŋ pɔr n yili Bɛtɛl nɛ a shin nɛ Israɛlebi luri kulubi to na nna. E daŋ da bɔrɛsure na nna n lɛ m bure kumo be ajembu to kpachɛrkpachɛrbi ŋ kɔr amo to nɛ a ki fanɛ shishɛr. Kumo be kaman nɛ e chɔ kegbirche Ashira be kapɔrduli na gba.

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 20:33

ama e daa maŋ mur ndoŋ be mboŋ nɛ baa shuŋ agbir na kikɛ. Ŋkpal loŋ so basa na daa maŋ ta bumo be ŋgbene kikɛ m bɛ bumo nananyɛnana be Ebɔrɛ na so.

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

Aŋasa 16:1

Dimɛdi e wɔ afɛso ama Enyɛnpe Ebɔrɛ e wɔ aworbi.

Aizaaya 55:7

Kumu kpakpasowuraana, men lar menyi be asheŋ lubi to nseŋ chɛrga menyi be nfɛra lubi nɛ menyee fɛ na. Men bɛta m ba Enyɛnpe anyi be Ebɔrɛ na kutɔ, mo e la ewɔrwupo nsaa nya manaŋ a ta alubi a paŋ na.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 36:3

Ashere nɛ Juda be basa nu kemur nɛ ŋ kre fanɛ meeŋ bar bumo so ere be asheŋ baaŋ chɛrga bumo be nfɛra nseŋ lar bumo be asheŋ lubi to. Saŋɛ na so meeŋ ta bumo be alubi m paŋ bumo.”

Jɛremaya 4:1

Nɛ Enyɛnpe Ebɔrɛ yɛ: “Israɛl be basa, nɛ fanɛ menyeeŋ bɛta kashenteŋto, men bɛta m ba ŋ kutɔ. Nɛ fanɛ menyeeŋ ji kashenteŋ n sa ma nseŋ yige kebaashuŋ agbirana nɛ ŋ kishi amo be asheŋ na,

Ezikɛl 14:6

Amoso, Ezikɛl, kaŋɛ Israɛl be basa na kikɛ kusɔ nɛ ma Enyɛnpetale Ebɔrɛ na kaŋɛ. Kumo e la fanɛ b tuba nseŋ yige bumo be agbirana nɛ amo be asheŋ bee nu agbo nɛ menyi be ekishisheŋ na!

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Hoziya 14:1

Israɛl be basa, men bɛta m ba men Nyɛnpe nɛ men be Ebɔrɛ kutɔ. Men be kulubi e shin nɛ men fiti n tɔr na.

Matiu 15:8

‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.

Matiu 4:10

Ndoŋ nna nɛ Yesu kaŋɛ mo: “Shile ma anishito Setani! Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Matiu 6:24

Esa koŋwule maaŋ tiŋ a shuŋ a sa benyɛnpe anyɔ. Nɛ e baŋ maŋ kishi bumo be eko nsaa sha eko, e beeŋ bugi kagbene a shuŋ eko nsaa wora eko malɛ emurpi. Fo maaŋ tiŋ n ta fo kagbene kikɛ a bɛ amansherbi so nseŋ tiŋ n ta kagbene koŋwule na a bɛ Ebɔrɛ so.

Luuk 4:8

Nɛ Yesu kaŋɛ mo: “Abɔrɛsibɛ na bee kaŋɛ fanɛ: ‘Bunyaŋ Enyɛnpe fo Ebɔrɛ na nseŋ shuŋ mo nawule.’ ”

Baru lela nɛ Jɔn kute na 4:24

Ebɔrɛ la Kiyoyu nna nɛ a daga fanɛ bumo nɛ baa bunyaŋ mo e baa bɔla mbe Kiyoyu be eleŋ so a bunyaŋ mo kashenteŋto.”

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 13:4

Men baa bɛ Enyɛnpe Ebɔrɛ na so nsaa bunyaŋ mo. Menyi alɛ e baa wora mo nɛ mbe mbraana kasonu nsaa shuŋ mo nseŋ naa ji kashenteŋ a sa mo.

Ditɛronɔmi 4:29

Ashi menyi be etɔrɔ na kikɛ to, menyeeŋ ba chɛrga a sha kenaŋ n shuŋ Enyɛnpe Ebɔrɛ na nawule. Nɛ menyi alɛ kaŋ bɛta m ba mo kutɔ nseŋ wora mo kasonu kashenteŋto, e beeŋ naa la menyi be Ebɔrɛ.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Joshuwa 13:31

Giliad be kasawule na be bargato nɛ Ashterɔf nɛ Edrei nɛ a la Ɔg be efuli so be ndegboŋ ashi Bashan na kikɛ gba daŋ ti bumo be kasawule so nna. B daŋ ta amo kikɛ nna n sa Makiir nɛ e la Manase pibinyɛn na be yiri to be basa be bargato nɛ a ba la bumo be kapetɛ.

Joshuwa 24:14

Kumo be kaman nɛ Joshuwa naŋ kaŋɛ: “Amoso, men baa ŋana Enyɛnpe Ebɔrɛ na nsaa shuŋ mo nɛnɛ kashenteŋto. Men ta men nananyɛnana be agbir nɛ b daa shuŋ saŋɛ nɛ b daa wɔ Yufreetes be lɔr be kaba ndoŋ nɛ Ijipt be kasawule so na kikɛ n lɛ nsaa shuŋ Enyɛnpe Ebɔrɛ na nawule.

Joshuwa 24:23

Ndoŋ nna nɛ Joshuwa kaŋɛ: “Men ta efuli pɔtɛana so be agbir nɛ a wɔ menyi kutɔ na n lɛ nseŋ ta menyi be ŋgbene kikɛ n sa Enyɛnpe, Israɛl be Ebɔrɛ na nawule.”

Demujipoana 10:16

Kumo be kaman nɛ b kini efuli pɔtɛ be agbir na kikɛ nseŋ fara a shuŋ Enyɛnpe Ebɔrɛ na. Nɛ Israɛlebi be awurfoŋ nɛ b daa ji na be asheŋ naŋ ba ka tɔrɔ Enyɛnpe Ebɔrɛ na.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 2:13

ŋkpal b ka daŋ yige mbe kebunyaŋ nseŋ ya kaa shuŋ agbir nɛ baa tre Baal nɛ kegbir cheso Ashtɔrɛf na so.

1 Samuɛl 31:10

Kumo be kaman nɛ b ta mbe kena to be akɔsɔ na kikɛ n ya yili kegbirche Ashtɔrɛf be lambu to nseŋ gbir mo nɛ mbe mbia asa be eyurana malɛ m mata Bɛf Shan be kade to be egbal be kowushina.