1 Samuɛl 7:2 - EBƆRƐ BE KAWƆL

² Enyɛnpe Ebɔrɛ be ŋkre be deka na daŋ ji nfɛ adunyɔ kikɛ nna ashi Kiriaf Jearim. Loŋ be jemanɛ na malɛ nɛ Israɛlebi na bee shu a kule Enyɛnpe Ebɔrɛ a fin kechɛto.

1 Samuɛl 7:2 ပူးပေါင်းရင်းမြစ်များ

1 Kronikɛls 13:3

Saŋɛ na so anyeeŋ ya ta Enyɛnpe Ebɔrɛ be ŋkre be deka nɛ an daŋ kplaŋ so saŋɛ so nɛ Sɔɔl daa la ewura na.”

1 Kronikɛls 13:5

Ndoŋ nna nɛ ewura Deevid tre Israɛl be basa ashi efuli na so kikɛ, yili lɔr nɛ baa tre Shihɔ nɛ k wɔ Ijipt be kasawule so na n ya fo Lebo Hamaf ashi kelargato be esoso be kaba so nɛ b ya ta ŋkre be deka na ashi Kiriaf Jearim m ba Jerusalɛm.

Jɛremaya 26:20

Kanyɛn ko gba daa wɔtɔ nɛ baa tre mo Uriya, nɛ e la kanyɛn nɛ baa tre Shemaya na pibinyɛn nseŋ shi kade nɛ baa tre Kiriaf Jeerim na. Mo alɛ gba daŋ malga ŋ gbiti Jerusalɛm nɛ Juda ashi Enyɛnpe Ebɔrɛ na be ketre to fanɛ kananɛ Jɛremaya wora ere.

Jɛremaya 3:13

Fo ere e shuli so fanɛ fo lar Enyɛnpe fo Ebɔrɛ na kaman nseŋ wora n jija. Shuli so nseŋ m bugi to ŋ kaŋɛ fanɛ fo ta fo kasha n sa agbirana nɛ e wɔ ndibigboŋ be afito nna nseŋ kini kewora ma mbraana kasonu.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Matiu 5:4

Kagbenefuli la bekama nɛ baa shu nli na peya nna, ŋkpal manɛ so, baaŋ ba nya kagbenewushi.

Joshuwa 9:17

Kumo be kaman nɛ Israɛlebi na lar n ta nchɛ asa n ya fo basa na be nde to. Bumo be nde na e la: Gibiɔn nɛ Chefira nɛ Bɛɛrɔf nɛ Kiriaf Jearim.

Demujipoana 2:4

Enyɛnpe Ebɔrɛ na be Malaika na be kamalga na be kaman, nɛ Israɛl be basa na kikɛ fara a shu awɔrso

1 Samuɛl 7:1

Ndoŋ nna nɛ Kiriaf Jearim be basa na ba ta Enyɛnpe Ebɔrɛ be ŋkre be deka na n yɔ kanyɛn ko nɛ baa tre Abinadab nɛ mbe laŋ wɔ kebee be esoso na pe nseŋ lara mo pibinyɛn Eliaza n yili fanɛ e baa keni kumo so.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”