1 Samuɛl 7:17 - EBƆRƐ BE KAWƆL

¹⁷ Saŋkama malɛ nɛ e baŋ loge mbe kushuŋ e bee bɛta nna n yɔ Raama mbe kade to n ya kaa ji bumo alɛ gba be asheŋ a sa bumo. E daŋ pɔr bɔrɛsure ashi Raama nna n sa Enyɛnpe Ebɔrɛ.

1 Samuɛl 7:17 ပူးပေါင်းရင်းမြစ်များ

Jɛnesis 33:20

Ndoŋ nɛ e pɔr bɔrɛsure m bunyaŋ Israɛl be Ebɔrɛ na nseŋ nase kumo Ɛl Elohi Israɛl.

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

Aizaaya 10:29

pɔɛŋ nseŋ dii ketaŋɛ na n ya dese Gɛba ŋklade! Kufugboŋ ko daŋ tɔr basa nɛ b wɔ kade nɛ baa tre Rama na so nna, nɛ basa nɛ b wɔ Gibiya, nɛ k la Ewura Sɔɔl be kade to na, shile ŋ ka kade na.

Demujipoana 4:5

Dɛbora daa chena abii be kedibi ko nɛ baa tre kumo Dɛbora be Abiidibi nɛ k daa yil nde nɛ baa tre Rama nɛ Bɛtɛl be kefɛato ashi Efrayim be kepreŋsawule so na be kifito nna nɛ Israɛlebi na bee ba mo kutɔ nɛ e bee ji bumo be asheŋ a sa bumo.

Demujipoana 6:24

Kumo be kaman nɛ Gidiɔn pɔr bɔrɛsure n yili nseŋ nase ndoŋ ketre fanɛ: “Enyɛnpe Ebɔrɛ na la kayurwushiwura nna.” Hale nɛ mbre, bɔrɛsure na kraa yil Ofra nɛ k wɔ Abiyeza be kabuna ebi be kasawule so na.

1 Samuɛl 1:1

Kanyɛn ko e daa wɔ Raama ashi Efrayim be efuli so be kakpa nɛ abee wɔ na nɛ baa tre mo Ɛlkana. Ɛlkana mo tuto e daa la Jeroham nɛ mo nananyɛn malɛ daa la Elihu nɛ Elihu malɛ mo tuto daa la Tohu nɛ Tohu malɛ mo tuto daa la Zuuf.

1 Samuɛl 1:19

Kumo be ŋklade kachipurdidi nɛ Ɛlkana nɛ mbe kanaŋ wule ŋ koso n ya bunyaŋ Enyɛnpe Ebɔrɛ nseŋ bɛta n yɔ Raama, bumo be kade to. Elkana nɛ mbe eche Haana ka di keche nɛ kenyɛn nɛ Enyɛnpe Ebɔrɛ nu Haana be kabɔrɛkule.

1 Samuɛl 11:15

Ndoŋ nna nɛ bumo kikɛ yɔ Gilgaal be kakpa nɛ baa bunyaŋ Ebɔrɛ na n ya yili kumo fanɛ Sɔɔl e la bumo be ewura. Kumo be kaman nɛ b lara kɔnɔkoŋwuleso be esarga ndoŋ nseŋ ji eyur ndoŋ ga.

1 Samuɛl 14:35

Nɛ Sɔɔl pɔr bɔrɛsure n sa Enyɛnpe Ebɔrɛ ndoŋ. Kumo e daa la bɔrɛsure sososo mo nɛ e pɔr.

1 Samuɛl 15:34

Kede be kaman nɛ Samuɛl bɛta n yɔ Raama nɛ Sɔɔl malɛ bɛta n yɔ mbe kade to Gibia.

1 Samuɛl 2:11

Kede be kaman nɛ Ɛlkana nɛ Haana bɛta n yɔ bumo be kade to Raama, ama kebinyɛnsobi Samuɛl bre daŋ shir bɔrɛmatapo Eli kutɔ nna ashi Shilo a shuŋ Enyɛnpe Ebɔrɛ na.

1 Samuɛl 28:3

Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.

1 Samuɛl 8:4

Ndoŋ nna nɛ Israɛl be bejuŋkparpoana na kikɛ gbargbar abar n yɔ Samuɛl kutɔ ashi Raama

1 Samuɛl 9:12

Nɛ b yɛ: “Mm, e wɔ kade to kabre ŋkpal manɛ so, baa sha kelara sarga ashi kebee nɛ k mata nfe ere so kabre nna. Mo e wɔ menyi be anishito a yɔ na, amoso men wora manaŋ.