1 Samuɛl 7:12 - EBƆRƐ BE KAWƆL

¹² Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”

1 Samuɛl 7:12 ပူးပေါင်းရင်းမြစ်များ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 35:14

Ebɔrɛ ka yige mo n choŋ na nɛ Jeekɔb yuu ndulgi be kejembu ndoŋ nseŋ chulgi asɔnuuso ko nɛ ŋku n wurge kumo so fanɛ sarga na n sa Ebɔrɛ.

Nshɛ 71:17

Ma kebiato kikɛ nɛ fo ŋini ma asheŋ; hale nɛ mbre, ŋ kraa malga fo emamachisheŋ be asheŋ a sa basa.

Nshɛ 71:6

Ma kebiato kikɛ nɛ n ta ma kumu n to fo so hale m ba fo mbre. Fo e shin nɛ b kurge ma nɛ kayurwushi; ma alɛ beeŋ baa kpaŋ fo mbaanaayɔ.

Ɛksodɔs 17:15

Ade kikɛ be kaman nɛ Mosis pɔr bɔrɛsure nseŋ nase kumo: ‘Enyɛnpe Ebɔrɛ na e la ma Kekɔmpɔɔso be tuuta.’

Aizaaya 19:19

Kumo be kaman nɛ basa na e pɔr bɔrɛsure n sa Enyɛnpe Ebɔrɛ na ashi Ijipt be kasawule so nseŋ naŋ yuu kanyiŋi be ajembu ashi Ijipt nɛ efuli pɔtɛana be egbaŋ to n sa mo.

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.

2 Kɔrintebi 1:10

Loŋ be kenishipere lubi be asheŋ na to nɛ e daŋ mɔlga anyi ashi to, mo alɛ beeŋ naŋ mɔlga anyi. An ta anyi be tama nna n deŋi mo so fanɛ e beeŋ naŋ lɔŋɛ m mɔlga anyi

Joshuwa 4:9

Kumo be kaman nɛ Joshuwa shin nɛ basa ko malɛ tise ajembu kuduanyɔ n deŋi abar so kakpa nɛ bɔrɛmatapoana nɛ b sulɔ Enyɛnpe be ŋkre be deka na yil na. Loŋ be ajembu na kraa dese ndoŋ hale kabre.

1 Samuɛl 14:35

Nɛ Sɔɔl pɔr bɔrɛsure n sa Enyɛnpe Ebɔrɛ ndoŋ. Kumo e daa la bɔrɛsure sososo mo nɛ e pɔr.

1 Samuɛl 4:1

Kachako nɛ Israɛlebi na yɔ nɛ b ya kɔ Filistiebi kena nseŋ ya wora bumo be keeyi to ashi Ebeneeza nɛ Filistiebi na bela ase n ya wora bumo alɛ be keeyi to ashi Afɛk.

1 Samuɛl 5:1

Filistiebi na ka sɔ Ebɔrɛ be ŋkre be deka na nɛ b ta kumo ashi Ebeneeza n yɔ Ashdɔd bumo be kade to,

1 Samuɛl 7:11

Nɛ Israɛlebi na lar Mizpa n ju m buu Filistiebi na so m mɔ bumo n ya kaa taga to Bɛf Kaar.