1 Samuɛl 7:10 - EBƆRƐ BE KAWƆL

¹⁰ Samuɛl kraa lara sarga na nna, nɛ Filistiebi na gbaŋ m buu bumo so nɛ b kɔ bumo, nɛ Enyɛnpe Ebɔrɛ shin nɛ bɔrɛ ponte nɛ Filistiebi na be nfɛra wul bumo to nɛ keyeŋiyeŋi tɔr bumo so nɛ b shile.

1 Samuɛl 7:10 ပူးပေါင်းရင်းမြစ်များ

Nshɛ 18:15

Nɛ fo kaponte na shin nɛ teku be kasawulebi wɔlto a dese kpantaŋkpalaŋ, nɛ kasawule be gbaltɔlase lar n dese kpatokplo.

Nshɛ 29:3

Enyɛnpe Ebɔrɛ na be ebɔl bee gbri teku so nna fanɛ bɔrɛ ka bee ponte na.

Nshɛ 29:4

Enyɛnpe Ebɔrɛ na be ebɔl kɔ eleŋ nna; nɛ mbe kamalga kɔ yuku kumo to.

Nshɛ 78:66

E daŋ bri mo doŋana nna n ju, n shin nɛ b ji nyɔmɔ mbaanaayɔ.

Zakareya 4:6

Kumo be kaman nɛ malaika na kaŋɛ fanɛ n ta Enyɛnpetale Ebɔrɛ na be kubɔya ere n sa Zerubabel. E yɛ: “Feeŋ pɔɔ fo doŋana so ama mannɛ kena to be eleŋ ŋko kuwibi to be eleŋ nɛ feeŋ ta ŋ kɔ m pɔɔ bumo so. Ma Kiyoyu na be eleŋ so nɛ feeŋ ta m pɔɔ so.”

Ditɛronɔmi 28:7

“Enyɛnpe Ebɔrɛ na beeŋ chɛ to ŋ kɔ m pɔɔ men doŋana so. Baaŋ mel abar m bɔla kaboŋ koŋwule m ba menyi so, ama baaŋ pesaŋ to m bɔla mboŋ damta so m bɛta n shile.

Joshuwa 10:10

Amɔriebi na ka wu Israɛl be benapo na nɛ Enyɛnpe Ebɔrɛ shin nɛ keyeŋiyeŋi tɔr bumo so, nɛ Israɛlebi na mɔ bumo ga ashi Gibiɔn, nseŋ ju m buu bumo so m bɔla kebee ase ashi Bɛf Hɔrɔn a mɔ bumo hale n ya fo kelargato be kaseto be kaba so ashi Azeka nɛ Makɛda kikɛ.

Demujipoana 4:15

Barak nɛ mbe benapo ka ya tu Sisɛra nɛ mbe benapo e kɔ nɛ Enyɛnpe Ebɔrɛ na shin nɛ keyeŋiyeŋi tɔr Sisɛra nɛ mbe benapo so. Ndoŋ nna nɛ Sisɛra tɛ mbe gbaŋɛturko so ŋ gbelge nseŋ lara keya fuful a shile.

Demujipoana 5:20

Achɛkpabi gba shi esoso ŋ kɔ. Jemanɛ nɛ achɛkpabi na bee tia a firgi a choŋ esoso na, nɛ e kɔ Sisɛra kena.

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.

1 Samuɛl 12:17

Mannɛ ketarso nde a? Meeŋ kule Enyɛnpe Ebɔrɛ nɛ e shin nɛ bɔrɛ e ba nseŋ ponte eleŋso. Le be kesheŋ kaŋ wora na, nɛ menyeeŋ pin men ka wora kulubi gboŋgboŋi ŋ gbiti Enyɛnpe Ebɔrɛ, ŋkpal men ka kule mo fanɛ e sa menyi ewura so.”

1 Samuɛl 14:15

Ndoŋ nna nɛ kufu pɛ Filisti be benapo na ga. Bumo nɛ b wɔ keeyi na to na nɛ bumo nɛ b wɔ kade na be kupuŋ to na gba nɛ benapo nɛ baa ta kena a purgi basa na nɛ benapo nɛ b wɔ anishito a kuŋ keeyi na kikɛ daa chicha kufuso nna, nɛ Ebɔrɛ shin nɛ kasawule gbuŋgbuŋ nɛ keyeŋiyeŋi tɔr bumo so.

1 Samuɛl 2:10

Bekama nɛ baa kɔ fo Enyɛnpe Ebɔrɛ na beeŋ mur cheche. Feeŋ shin nɛ bɔrɛ e shi esoso m ponte ŋ kɔ bumo. Fo Enyɛnpe Ebɔrɛ na beeŋ ji durnya ere kikɛ demu, nseŋ ta eleŋ nɛ yuku n sa fo ewura lara so.”

1 Samuɛl 7:11

Nɛ Israɛlebi na lar Mizpa n ju m buu Filistiebi na so m mɔ bumo n ya kaa taga to Bɛf Kaar.