1 Samuɛl 6:17 - EBƆRƐ BE KAWƆL

¹⁷ Asɔ anu nɛ Filistiebi na ta shuwa n lɔŋɛ nɛ a du fanɛ achuubɔbɔ nɛ b ta n ti ŋkre be deka na so n yɔ Bɛf Shimɛsh na be kekama daŋ yili nna a ŋini bunyaŋ nɛ Filistiebi be nde nɛ baa tre Ashdɔd nɛ Gaaza nɛ Ashkɛlɔn nɛ Gaaf nɛ Ekrɔn na kɔ a sa Enyɛnpe Ebɔrɛ.

1 Samuɛl 6:17 ပူးပေါင်းရင်းမြစ်များ

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 21:22

Le be basa ana gboŋgboŋi ere kikɛ daŋ shi Rafa be kanaŋ to nna ashi Gaaf nɛ Deevid nɛ mbe benapo mɔ bumo kikɛ.

2 Bewura 1:2

Kachako nɛ Israɛl be efuli so be Ewura Ahaziya shi mbe laŋ be kuchoŋi be esoso ashi Samɛria be kade to n tɔrto nseŋ doro ga. Ŋkpal loŋ so e daŋ shuŋi mbɔ Ekrɔn be kade to nna fanɛ b ya bishi Filistiebi be kegbir nɛ baa tre Baalzebɔb na ŋ keni e beeŋ nya alenfia ŋko e maaŋ nya?

2 Kronikɛls 26:6

Ewura Uziya daŋ ya kɔ Filistiebi na kena nna nseŋ da Gaaf nɛ Jamnia nɛ Ashdɔd be nde na kikɛ be egbalana n lɛ. Kumo be kaman nɛ e wora nde popɔr m mata Ashdɔd nseŋ pɔr egbalana ŋ kulti amo nɛ Filisti be efuli so be nde ko.

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Eemɔs 1:6

Enyɛnpe Ebɔrɛ yɛ: “Gaaza be basa wora alubi n ya baŋ so. Amoso a ba naa wora shɛŋ, meeŋ gberge bumo kusoe ŋkpal b ka ta efuli lelemu be basa ŋ ki anya n ya fa n sa Edɔmebi so.

Eemɔs 6:2

Men yɔ Kalnee be kade to n ya keni. Kumo be kaman nɛ men naŋ yɔ kadegboŋ nɛ baa tre Hamaf na nseŋ yili ndoŋ n yɔ Filisti be efuli so be kade nɛ baa tre Gaaf na. Amo be amo e bɔ Juda nɛ Israɛl be efuliana? Ŋko loŋ be efuliana na e shishibi a chɔ menyeya a?

Ditɛronɔmi 28:27

Enyɛnpe Ebɔrɛ na beeŋ shin nɛ asɔ puŋiso e tɔr menyi so fanɛ kananɛ e daŋ wora Ijiptebi na. E beeŋ shin nɛ achuubɔbɔ e to n to menyi be eyurana so, nɛ ajijeli a pɛ menyi nɛ men baa wule eyur, ama menyi alɛ maaŋ nya kechɛ kikɛ.

Demujipoana 1:18

Judaebi na daŋ naŋ kɔ m pɔɔ ndegboŋ nɛ baa tre Gaaza nɛ Ashkɛlɔn nɛ Ekrɔn na nɛ nsawule nɛ a mata amo be kekama na so nna.

Demujipoana 14:19

Nɛ Enyɛnpe Ebɔrɛ na be Kiyoyu gbelge Samsɔn so nɛ e nya eleŋ nseŋ yɔ kadegboŋ nɛ baa tre Ashkɛlɔn na n ya mɔ benyɛn adesa nseŋ gbaŋ bumo be epiŋi nɛ asɔbuuso m ba sa basa nɛ b pin mbe keyiremu na be kusɔ nɛ k bee ŋini na. Kumo be kaman nɛ e nya agbo nseŋ bɛta n yɔ epe.

Demujipoana 16:1

Kachako nɛ Samsɔn yɔ Filistiebi be kadegboŋ ko nɛ baa tre Gaaza na n ya wu sakaleche ko ndoŋ. Ndoŋ nna nɛ e yɔ nɛ e ya tu sakaleche na n dese ŋklade.

Demujipoana 16:21

Ndoŋ nna nɛ Filisti be basa na ba pɛ mo nseŋ lute mbe anishi. Kumo be kaman nɛ b ta mo n yɔ Gaaza nseŋ ya ta danyaŋ be ŋgbɛlɛbi ŋ kre mo nseŋ shin nɛ e bee ŋin kuboo jembu a kɔr asɔ ashi kabuti to.

1 Samuɛl 5:1

Filistiebi na ka sɔ Ebɔrɛ be ŋkre be deka na nɛ b ta kumo ashi Ebeneeza n yɔ Ashdɔd bumo be kade to,

1 Samuɛl 5:10

Ndoŋ nna nɛ b ta ŋkre be deka na n yɔ Ekrɔn, ama b kaa bee luri kade na to na nɛ basa na fara a cha awɔr a kaŋɛ le: “B bar Israɛl be Ebɔrɛ be ŋkre be deka na nfe nna nɛ k ba mɔ anyi nɛ an wɔ kade ere to kikɛ!”

1 Samuɛl 5:8

Ndoŋ nna nɛ b shuŋi mbɔ n tre Filistiebi na be bewura anu na kikɛ m ba shɛr m bishi bumo le: “Nuso nɛ anyeeŋ wora Israɛlebi be Ebɔrɛ be ŋkre be deka ere?” Nɛ b kaŋɛ bumo le: “Men ta kumo n yɔ Gaaf.” Ndoŋ nna nɛ b ta kumo n yɔ ndoŋ.

1 Samuɛl 6:4

Nɛ basa na naŋ bishi le: “Nuso be kakɛ e daga an ka ta n ya sa mo?” Nɛ agbirwuraana na nɛ bekpalpo na kaŋɛ: “Men ta shuwa n lɔŋɛ asɔ anu fanɛ achuubɔbɔ nseŋ naŋ ta shuwa n lɔŋɛ eshiboe anu nɛ a yili n sa Filisti be bewura anu na, ŋkpal manɛ so kulɔ na teŋ pɛ menyi nɛ bewura na kikɛ.