1 Samuɛl 6:14 - EBƆRƐ BE KAWƆL

¹⁴ Ndoŋ nna nɛ ana na gberge turko na m ba kanyɛn ko nɛ e shi Bɛf Shimɛsh nɛ baa tre mo Joshuwa be ndɔ to m ba yili kejembu gboŋgboŋi ko ase. Nɛ basa ko ba kuya turko na be ndibi to m puga edɛ nseŋ mɔ ana na n ta amo n chɔɔ n lara sarga n sa Enyɛnpe Ebɔrɛ.

1 Samuɛl 6:14 ပူးပေါင်းရင်းမြစ်များ

2 Samuɛl 24:18

Kumo be kamɔnchɛ kikɛ nɛ Gad yɔ Deevid kutɔ n ya kaŋɛ mo le: “Yɔ Aruna be kugooro na so n ya pɔr bɔrɛsure n sa Enyɛnpe Ebɔrɛ.”

2 Samuɛl 24:22

Nɛ Aruna kaŋɛ le: “Ta kumo n wora kusɔ kama nɛ k par fo n sa Enyɛnpe Ebɔrɛ na. Ana gba nde! Feeŋ tiŋ n ta amo n lara sarga chɔɔso bɔrɛsure na so; nseŋ ta bumo be abɔto be abarga nɛ ndibi nɛ b kɔ a bri ayu na malɛ m puga edɛ.”

2 Samuɛl 24:25

nseŋ pɔr bɔrɛsure ndoŋ n sa Enyɛnpe Ebɔrɛ. Kumo be kaman nɛ e lara esarga chɔɔso nɛ kɔnɔkoŋwuleso be esarga. Ndoŋ nna nɛ Enyɛnpe Ebɔrɛ na nu mbe kabɔrɛkule nɛ aleblawu nɛ k wɔ Israɛl na kikɛ ku.

1 Bewura 19:21

Ndoŋ nna nɛ Elaisha ya mɔ mbe ana dɔso na nseŋ ta amo be abɔto be ndibi na m puga edɛ n daŋɛ amo be eblaŋ na n ta n sa basa na nɛ b we. Kumo be kaman nɛ e ya bɛ anebi Elaija so a chɛ mo to.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Demujipoana 21:4

Kare ka chɛ kachipurdidi nɛ basa na pɔr bɔrɛsure nseŋ lara esarga nɛ a bee par Ebɔrɛ nsaa bar bumo alɛ nɛfa.

Demujipoana 6:26

Kumo be kaman nɛ fo pɔr bɔrɛsure nɛ k daga n sa Enyɛnpe fo Ebɔrɛ na ketempreŋ ere so. Feeŋ ta Ashira be kedibi na m ba kpal to m puga edɛ nseŋ mɔ gbolu na n chɔɔ kumo so n lara sarga n sa ma.”

1 Samuɛl 11:5

K maŋ chɛr ko nɛ Sɔɔl shi ndɔ to m bɛ mbe ana dɔso so a ba m ba bishi bumo le: “Manɛ e wora a? Manɛ nna nɛ ekama bee shu loŋ?” Ndoŋ nna nɛ b kaŋɛ mo kusɔ nɛ mbɔ nɛ b shi Jabesh na ba kaŋɛ.

1 Samuɛl 20:29

E yɛ, ‘Jande, shin nɛ n yɔ Bɛtlɛhɛm, ŋkpal manɛ so ma kanaŋ bee lara sarga nna kabre, amoso nɛ mee sha fanɛ ma alɛ gba e ba wɔ ndoŋ. Nɛ fanɛ n la fo teri gbagba nna bre, kumo ere fo sa ma ekpa nɛ n ya wu ŋ kurgepoana.’ Amoso nɛ e maŋ wɔ fo ejikpa nfe na.”

1 Samuɛl 6:13

Bɛf Shimɛsh be basa daa wɔ ketaŋɛ to nna a teŋi bumo be ayu. B ka maŋ bumo be amu so nseŋ wu ŋkre be deka na, nɛ bumo be ŋgbene fuli bumo ga hale nɛ b yige kasɔteŋi na.

1 Samuɛl 6:18

Shuwa be asɔ anu nɛ a du fanɛ eshiboe na be kekama malɛ daŋ yili nna n sa Filistiebi be nde nɛ b pɔr egbal ŋ kulti na nɛ ndewurbi nɛ a mata amo na be bewura anu na. Kejembu gboŋgboŋi nɛ Livaiebi na daŋ ta Enyɛnpe Ebɔrɛ be ŋkre be deka na n ya yili so ashi Bɛf Shimɛsh be kanyɛn ko nɛ baa tre Joshuwa na be ndɔ to na, kraa dese shɛda so hale kabre.