1 Samuɛl 5:7 - EBƆRƐ BE KAWƆL

⁷ B ka wu kusɔ nɛ k bee wora na nɛ b kaŋɛ abar le: “Israɛl be Ebɔrɛ na e naa gberge anyi nɛ an be kegbir Dagɔn ere kusoe na. Anyi maaŋ naŋ shin nɛ Ebɔrɛ be ŋkre be deka ere e baa wɔ anyi kutɔ nfe.”

1 Samuɛl 5:7 ပူးပေါင်းရင်းမြစ်များ

2 Samuɛl 6:9

Ndoŋ nna nɛ Deevid fara a ŋana Enyɛnpe Ebɔrɛ na nseŋ kaŋɛ le: “Nuso nɛ meeŋ wora n ta ŋkre be deka ere a yɔ?”

1 Kronikɛls 15:13

Ŋkpal men ka daa maŋ wɔtɔ nɛ men sulɔ kumo sososo na so, Enyɛnpe Ebɔrɛ daŋ gberge anyi kusoe nna ŋkpal anyi ka daa maŋ wora kusɔ nɛ k daga so.”

Ɛksodɔs 10:7

Ndoŋ nna nɛ ewura Fɛɛro be beyaasepo na kaŋɛ mo le: “Shin nɛ basa na e yɔ n ya bunyaŋ Enyɛnpe Ebɔrɛ, bumo be Ebɔrɛ na, ŋkpal manɛ so, fo maŋ nyi fanɛ Ijipt bee mur nna ere a?”

Ɛksodɔs 12:33

Kede be kaman Ijiptebi na daŋ fuge Israɛlebi na be aya ase kenishipereso nna fanɛ b lar bumo be kasawule so manaŋ. B yɛ: “Nɛ mannɛ aloŋ, anyi Ijiptebi kikɛ beeŋ wu n loge.”

Ɛksodɔs 8:28

Ade kikɛ be kaman nɛ Fɛɛro kaŋɛ: “To, n nu, meeŋ shin nɛ men yɔ keshishɛrsawule na so ya lara sarga n sa Enyɛnpe Ebɔrɛ nɛ e la men be Ebɔrɛ na, ama men sa maŋ yɔ kufɔ ga bre. Ama pɔɛŋ nɛ men yɔ men kule Ebɔrɛ nɛ ashushombi ere e yɔ ŋ ka anyi.”

Ɛksodɔs 8:8

Ama ade kikɛ be kaman nɛ Fɛɛro naŋ tre Mosis nɛ Ɛɛrɔn ŋ kaŋɛ bumo: “Men kule Enyɛnpe Ebɔrɛ nɛ e ta epulo ere ashi ma nɛ ma basa so nɛ n shin nɛ basa na e yɔ n ya lara esarga n sa Enyɛnpe Ebɔrɛ na.”

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Jɛremaya 48:7

Mowabebi, men ta menyi be yirda nna n wɔtɔ menyi be eleŋ nɛ kedamaya to, ama naniere bedoŋ beeŋ kɔ m pɔɔ menyi so nseŋ yɛr menyi be kegbir nɛ baa tre Chemɔsh na nɛ kumo be agbirwuraana nɛ benimuana na efuli pɔtɛ wɔfɔ so.

1 Samuɛl 4:8

Nuso be asheŋ nde? Wanɛ e naaŋ tiŋ m mɔlga anyi ashi Israɛl be Ebɔrɛ lempo ere be enɔ to? Loŋ be Ebɔrɛ ere e shin nɛ alɔ be yiri yiri ba mɔ Ijiptebi ashi keshishɛrsawule na to dra dra na.

1 Samuɛl 5:6

Enyɛnpe Ebɔrɛ daŋ shin nna nɛ etɔrɔ damta tɔr Ashdɔd be basa na nɛ basa nɛ b wɔ nde nɛ a mata bumo na so ga. E daŋ shin nna nɛ achuubɔbɔ pɛ bumo nɛ keyeŋiyeŋi malɛ gba tɔr bumo so ga.

1 Samuɛl 5:8

Ndoŋ nna nɛ b shuŋi mbɔ n tre Filistiebi na be bewura anu na kikɛ m ba shɛr m bishi bumo le: “Nuso nɛ anyeeŋ wora Israɛlebi be Ebɔrɛ be ŋkre be deka ere?” Nɛ b kaŋɛ bumo le: “Men ta kumo n yɔ Gaaf.” Ndoŋ nna nɛ b ta kumo n yɔ ndoŋ.

1 Samuɛl 6:20

Ndoŋ nna nɛ Bɛf Shimɛsh be benyɛn na bishi abar le: “Wanɛ e naŋ tiŋ n yili Enyɛnpe Ebɔrɛ cheembi ere be anishito n ji efute? K daga fanɛ an lara ŋkre be deka ere nfe, ama nnɛ nɛ anyeeŋ yɛr kumo?”