1 Samuɛl 5:3 - EBƆRƐ BE KAWƆL

³ Ŋklade kachipurdidi nɛ Ashdɔd be basa na wu kegbir na be kapɔrduli ka tɔr kasawule a dese kumo be epun so ashi Enyɛnpe Ebɔrɛ be ŋkre be deka na be anishito. Ndoŋ nna nɛ b naŋ niŋi kumo to n yili kumo be eyilikpa.

1 Samuɛl 5:3 ပူးပေါင်းရင်းမြစ်များ

1 Bewura 18:26

Nɛ b mɔ gbolu nɛ b sa bumo na n wora kananɛ b ŋini na nseŋ yili chipurso ŋ kule bumo be kegbir Baal na hale n ya fo kapaso. Le nɛ b daa cha awɔr a kaŋɛ: “Baal, nu anyi be kekule!” B daa boŋ nshɛ nna a cha awɔr a cha a kulti bɔrɛsure nɛ b pɔr na ama b daa maŋ nu shɛŋ.

Nshɛ 115:7

Agbirana na kɔ enɔana, ama a maaŋ tiŋ m pɛ shɛŋ to, a kɔ aya, ama a maaŋ tiŋ n nite; a maaŋ tiŋ m malga ŋ kaŋɛ shɛŋ.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Ɛksodɔs 12:12

Kumo be kanyɛ na meeŋ ba Ijipt be efuli so m ba mɔ ewurkoŋnyɛn kikɛ, meeŋ mɔ edimɛdi nɛ asɔbɔya kikɛ peya. Ma alɛ beeŋ gberge Ijipt be efuli so be agbirana kikɛ kusoe. Ma e la Enyɛnpe Ebɔrɛ na.

Aizaaya 19:1

Kubɔya nɛ k wɔtɔ a laŋɛ Ijipt be efuli be kaplɛa so nde. Enyɛnpe Ebɔrɛ na bɔla kuwɔlpa so nna a ba Ijipt be efuli so manaŋ manaŋ. Kufu pɛ Ijipt be agbirana nna nɛ a bee chicha mbe anishito, nɛ kumo be basa malɛ be ŋgbene jija bumo ga nɛ b paŋ kenyɛn.

Aizaaya 40:20

Esa nɛ e maaŋ tiŋ n nya shuwa ŋko gbiti n lɔŋɛ kegbir bee ku kedibi nɛ k maa tiŋ a bɛ manaŋ nna a lɔŋɛ kumo. E bee fin esa nɛ e nyi kashɛl nɛnɛ nna nɛ e shɛl kegbir nɛ k maaŋ melgi n tɔr nna.

Aizaaya 41:7

Eshɛlpo na bee kaŋɛ bɔyɛpo le nna: ‘Fo wora asɔ!’ Nɛ esa nɛ mo alɛ bee fifɛa kegbir na so nɛ k bee ki bɔlbɔlbi na malɛ bee leŋ emo nɛ e bee ber kegbir na a mata abar so na to. B yɛ: ‘Kumo be keŋalga m mata abar so walɛ paa!’ Anyembi nɛ b ta ŋ gbir kegbir na n yili kumo be eyilikpa.

Aizaaya 46:7

Baa kaa sulɔ agbirana na bumo be abatimu so nna n ya ka yili amo be eyilikpa nɛ e maa nite. Nɛ esa baŋ yɔ amo ase n ya malga amo kutɔ gba, a maaŋ tiŋ n tuge mo ŋko m mɔlga amodoŋwura ashi tɔrɔ kikɛ to.

Jɛremaya 10:8

Agbirana maŋ kɔ tɔnɔ nɛ kechɛto kikɛ n sa basa. Esa kama nɛ e bee shuŋ amo la ewulpo nna.

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Maak 3:11

Saŋkama nɛ ayoyu lubi nɛ b wɔ basa to na baŋ wu Yesu, b daa shin nɛ basa na bee lar nna a tɔr mbe anishito a boŋ to a kaŋɛ: “Fo e la Ebɔrɛ Pibinyɛn na.”

1 Samuɛl 6:1

Enyɛnpe Ebɔrɛ be ŋkre be deka na ka ji afɔl ashunu ashi Filisti be efuli so be kaman,

1 Samuɛl 6:5

Men ta asɔ nɛ men lɔŋɛ nɛ a duli eshiboe nɛ a bee jija men be adɔjibi na nɛ amo nɛ a duli achuubɔbɔ a tɔrɔ menyi na n ti ŋkre be deka na so n yɔ nɛ a baa ŋini fanɛ menyee sa Israɛl be Ebɔrɛ na bunyaŋ. Nɛ men wora loŋ bre, ashere e maaŋ naŋ shin nɛ etɔrɔ e ba menyi nɛ men be agbirana nɛ menyi be kasawule ere so.