1 Samuɛl 31:9 - EBƆRƐ BE KAWƆL

⁹ Ndoŋ nna nɛ Filistiebi na ku Sɔɔl be kumu ŋ gbaŋ mbe kenyɛnkale nseŋ shuŋi mbɔ fanɛ b nite Filisti be efuli so be agbir be alambu to nɛ kaplɛkama nɛ basa wɔ ŋ bɔ baru lela ere.

1 Samuɛl 31:9 ပူးပေါင်းရင်းမြစ်များ

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

1 Samuɛl 17:51

Deevid daŋ shile nna n ya pe Goliɛf be tokobi ashi kumo be efar to ŋ ku Goliɛf be kumu. Filistiebi na ka wu fanɛ bumo kikɛ to be elempo na wu, nɛ b lara keya n shile.

1 Samuɛl 17:54

Ndoŋ nna nɛ Deevid ta Goliɛf be kumu na n yɔ Jerusalɛm, nseŋ ta mbe akɔsɔ na bre n nase mo ere Deevid be wajɛbu to.

1 Samuɛl 31:4

Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

1 Samuɛl 31:8

B ka kɔ kena na ŋ klade, nɛ Filistiebi na yɔ nɛ b ya muu basa nɛ b wu na be asɔ nseŋ wu fanɛ Sɔɔl nɛ mbe mbinyɛnsobi asa na wu a dese kebeegboŋ nɛ baa tre Gilbɔa na so.