1 Samuɛl 31:4 - EBƆRƐ BE KAWƆL

⁴ Nɛ Sɔɔl kaŋɛ enapo nɛ e bee keta mbe akɔsɔ na le: “Ta fo tokobi m mɔ ma! Ŋkpal manɛ so, m maa sha Filistiebi, nnyamase ere ka mɛaŋ ma m mɔ.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

1 Samuɛl 31:4 ပူးပေါင်းရင်းမြစ်များ

2 Samuɛl 1:1

Israɛlebi be ewura Sɔɔl wu kena to nɛ Deevid kɔ m pɔɔ Amalɛkebi na so nseŋ bɛta m ba Ziklag.

2 Samuɛl 1:14

Nɛ Deevid kaŋɛ mo le: “Manɛ nna nɛ fo nya kagbene m mɔ Enyɛnpe Ebɔrɛ be ewura lara so?”

2 Samuɛl 1:20

Sa maŋ ber kumo be kubomboŋ ashi Gaaf ŋko Ashkɛlɔn be abɔrbiana so. Nɛ mannɛ aloŋ, Filisti be nnyamaseche na be ŋgbene beeŋ fuli bumo nɛ b baa tɛto kagbenefuliso

2 Samuɛl 1:6

Nɛ kabrantiɛbia na kaŋɛ le: “N daŋ bɔla kebeegboŋ nɛ baa tre Gilbɔa na so a choŋ nna nseŋ wu ewura Sɔɔl nɛ e yirgi mbe kekpa so nɛ mo doŋana be egbaŋɛturko nɛ amo bediipoana bee chambɔ mo a wɔtɔ.

2 Samuɛl 17:23

Ahitofɛl ka wu fanɛ b maŋ bɛ mbe kasotoji na so na, nɛ e dii n chena mbe kurma so n yɔ mbe kade to Gilo. E ka koli mbe laŋ to be kusɔ kama abar so n loge, nɛ e ya chɛ efɔl. Kakpa nɛ b puli mo nananyɛnana na nɛ b daŋ puli mo alɛ gba.

2 Samuɛl 21:12

nɛ e ya sɔ Sɔɔl nɛ mo pibi Jonatan be kebuni be awibi ashi Jabesh Giliad be basa na kutɔ. Filistiebi e daŋ mɔ Sɔɔl nɛ Jonatan ashi Gilbɔa be kebeegboŋ na ase saŋɛ nɛ bumo nɛ Israɛlebi daa kɔ kena na nseŋ ta bumo be eyurana n ya chɛ n shiga egbal nɛ b pɔr ŋ kulti Bɛfshan na be kowushina nɛ Jabesh Giliad be basa ya yuri bumo be eyurana na n yɔ bumo pe n ya chɔɔ.

1 Bewura 16:18

Zimri ka wu fanɛ b kɔ m pɔɔ kade na so, nɛ e ya luri ewura be laŋ na to be kumɔlga be kakpa lempo na to nseŋ wɔtɔ laŋ na edɛ nɛ k suse so n chɔɔ mo m mɔ.

1 Bewura 16:27

B sibɛ kusɔ kama nɛ ewura Omri daŋ wora be asheŋ nna n wɔtɔ Israɛl be bewura be adrasheŋ be nwɔl to.

1 Kronikɛls 10:4

Nɛ Sɔɔl kaŋɛ enapo nɛ e bee sulɔ mbe akɔsɔ na le: “Pee fo tokobi m mɔ ma! M maa sha Filistiebi, nnyamase ere ka wora ma eyurto nseŋ mɔ ma.” Ama enapo na daŋ kini kewora loŋ nna ŋkpal kufu ka daŋ pɛ mo ga so. Ndoŋ nna nɛ Sɔɔl ta mo gbagba be tokobi be kumu ase n yuu kasawule nseŋ tɔr kumo so.

Demujipoana 14:3

Ndoŋ nna nɛ b kaŋɛ mo le: “Beche nɛ b walɛ m par fo maŋ wɔ fo kurgepoana Israɛl be basa ere kikɛ to nna a? Nɛ manɛ nna nɛ fo ya kaa fin eche Filisti be basa nɛ b la nnyamase ere to?” Nɛ Samsɔn kaŋɛ: “Men ya sha mo n sa ma, ŋkpal manɛ so, mo nɛ mee sha.”

Demujipoana 9:54

Ndoŋ nna nɛ Abimelɛk tre kabrantiɛfɔlbi nɛ e bee keta mbe akɔsɔ na ŋ kaŋɛ mo le: “Pee fo tokobi m mɔ ma nɛ b sa maŋ kaŋ kaŋɛ fanɛ eche e mɔ ma.” Nɛ mbe kayɛrbi na pee tokobi n da mo m mɔ.

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 17:26

Nɛ Deevid bishi benapo nɛ b yili n taga mo to na le: “Manɛ nɛ baaŋ sa esa kama nɛ e beeŋ mɔ Filisti be esa ere nseŋ lara Israɛl ashi le be anishinyɔr ere to? Kanyamase jiga ere malɛ e la wanɛ nɛ e bee keni Ebɔrɛ nɛ e wɔ ŋkpa to na be benapo jiga?”

1 Samuɛl 17:36

M mɔ ebuluŋ nɛ eshishiri kikɛ, amoso loŋ be ekpa koŋwule na so nɛ meeŋ bɔla so m mɔ Filisti be kanyamasenyɛn nɛ e bee keni Enyɛnpe Ebɔrɛ nɛ e wɔ ŋkpa to na be benapo jiga na.

1 Samuɛl 26:10

Enyɛnpe Ebɔrɛ nɛ e la ma shɛdajipo ere be ketre to, n nyi fanɛ mo ere Enyɛnpe Ebɔrɛ na gbagba beeŋ shin nɛ Sɔɔl e wu saŋɛ ŋko kachɛ nɛ e yili n sa mo ŋko n shin nɛ b mɔ mo kena to.

1 Samuɛl 31:5

Enapo nɛ e bee keta Sɔɔl be akɔsɔ na ka wu fanɛ Sɔɔl wu na, nɛ mo alɛ gba wora kananɛ Sɔɔl wora na gbagba n mɔ mbe kumu.