1 Samuɛl 31:12 - EBƆRƐ BE KAWƆL

¹² nɛ bumo be basa nɛ b kɔ kenyɛn ga na koso kanyɛso na kikɛ n nite n yɔ Bɛf Shan, n ya lara Sɔɔl nɛ mbe mbinyɛnsobi na be eyurana ashi egbal na so m bɛta amo n yɔ Jabesh n ya chɔɔ amo ndoŋ.

1 Samuɛl 31:12 ပူးပေါင်းရင်းမြစ်များ

1 Kronikɛls 10:12

nɛ bumo be basa nɛ b kɔ kenyɛn ga na koso n ya ta Sɔɔl nɛ mbe mbinyɛnsobi na be kebuni n yɔ Jabesh n ya puli kedibi gboŋgboŋi ko be kifito, nseŋ kishi nchɛ ashunu a ŋini kananɛ bumo be ŋgbene daŋ jija bumo.

2 Kronikɛls 16:14

nɛ b ta mo n ya puli mo gbagba be kejembu laŋ be nchaŋ nɛ e shin nɛ b kur n nase mo ashi Jerusalɛm nɛ k wɔ Ewura Deevid be kade to na to. B daŋ ta efɛa belbelso be duwu nna nɛ etulale be ŋkuana n ya gbiti mbe kebuni pɔɛŋ n ta mo m puli, nseŋ puga edɛgboŋ mbe keelibuna n shu mbe keeli bunyanso.

Jɛremaya 34:5

Feeŋ wu kayurwushi so nɛ b puga ndishiŋ n shu fo keeli m a ŋini bunyaŋ nɛ b kɔ a sa fo. Baaŋ shu fo keeli fanɛ kananɛ b shu fo nananyɛnana nɛ b daa la bewura nseŋ wu na be nli na. Baaŋ baa shu fo keeli a kaŋɛ: ‘Anyi be ewura e wu! Anyi be ewura e wu o!’ Ma, Enyɛnpe Ebɔrɛ e kaŋɛ na.”

Eemɔs 6:10

Esa nɛ e wu na mo kurgepo nɛ e la keeliwura na e naŋ ya lara kebuni na kowu. Kumo be kaman nɛ e bishi esa kama nɛ e ka laŋ na to le: “Fo nɛ esa ko e wɔtɔ a? Ndoŋ nna nɛ esa na e kaŋɛ le: ‘M-m!’ ” Kumo be kaman nɛ ekurgepo na e kaŋɛ le: “Men loto! Men shin nɛ an baa de kananɛ anyee ti an Nyɛnpe Ebɔrɛ na be ketre so.”

1 Samuɛl 31:10

Kumo be kaman nɛ b ta mbe kena to be akɔsɔ na kikɛ n ya yili kegbirche Ashtɔrɛf be lambu to nseŋ gbir mo nɛ mbe mbia asa be eyurana malɛ m mata Bɛf Shan be kade to be egbal be kowushina.