1 Samuɛl 31:1 - EBƆRƐ BE KAWƆL

¹ Kebeegboŋ nɛ baa tre Gilbɔa na so nɛ Filistiebi na daŋ yili a kɔ Israɛlebi na kena. B daŋ mɔ Israɛlebi na be bedamta kena na to nna nɛ bumo nɛ b ka na nɛ ewura Sɔɔl nɛ mbe mbinyɛnsobi malɛ shile.

1 Samuɛl 31:1 ပူးပေါင်းရင်းမြစ်များ

2 Samuɛl 1:21

Sa maŋ shin nɛ bɔrɛ ŋko bunyaŋ a ba Gilbɔa be abee so kikɛ. Sa maŋ shin nɛ kumo alɛ be ndɔana e naŋ wora ajibi. Benapo na be abɛlso kuŋso na kikɛ a dese kasawule a gbelti na. Nɛ Sɔɔl be kebɛlso kuŋso na gba ki kusɔ jiga.

2 Samuɛl 1:6

Nɛ kabrantiɛbia na kaŋɛ le: “N daŋ bɔla kebeegboŋ nɛ baa tre Gilbɔa na so a choŋ nna nseŋ wu ewura Sɔɔl nɛ e yirgi mbe kekpa so nɛ mo doŋana be egbaŋɛturko nɛ amo bediipoana bee chambɔ mo a wɔtɔ.

2 Samuɛl 4:4

Sɔɔl mo nanabiana na be eko e daa la Jonatan pibinyɛn Mifiboshɛf. Saŋɛ nɛ kubɔya shi Jezreel m ba fanɛ b mɔ Sɔɔl nɛ Jonatan na nɛ eche nɛ e bee keta Mifiboshɛf na ta mo a shile. Ŋkpal e ka daa kuse so, nɛ kebia na suge mbe enɔ to n tɔr ŋ ki bobi. Loŋ be saŋɛ nɛ Mifiboshɛf la nfɛ anu.

1 Samuɛl 12:25

Ama nɛ fanɛ men kraŋ baa wɔtɔ a wora alubi bre, Enyɛnpe Ebɔrɛ na beeŋ mur menyi nɛ men be ewura kikɛ.”

1 Samuɛl 28:1

Jemanɛ ko ka ba fo nɛ Filistiebi na gbargbar bumo be benapo nɛ b ya kɔ Israɛlebi kena. Ndoŋ nna nɛ Akish kaŋɛ Deevid le: “K daga fo nɛ fo basa gba ka chɛ ma to n ya kɔ.”

1 Samuɛl 28:15

Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 28:19

Echefo, Enyɛnpe Ebɔrɛ beeŋ shin nɛ Filisti be basa e pɔɔ Israɛl be benapo so, saŋɛ na so, fo nɛ fo mbia beeŋ wu m ba nfe m ba ti ma so.”

1 Samuɛl 28:4

Kachako nɛ Filisti be benapo na ba abar so m ba wora bumo be keeyi to m mata Shunɛm; nɛ Sɔɔl malɛ shin nɛ Israɛlebi na ya wora bumo be keeyi to ashi kebeegboŋ nɛ baa tre Gilbɔa na ase.

1 Samuɛl 29:1

Filistiebi be benapo na kikɛ ka ba shɛr abar so ashi Afɛk, nɛ Israɛlebi na malɛ wora bumo be keeyi to ashi ketirbu nɛ k wɔ Jizreel be ketaŋɛ na ase.