1 Samuɛl 30:8 - EBƆRƐ BE KAWƆL

⁸ Ndoŋ nna nɛ Deevid bishi Enyɛnpe Ebɔrɛ le: “N ju m buu basa nɛ baa kre kena a purgi basa ere so a? Meeŋ nya bumo m pɛ a?” Nɛ Enyɛnpe Ebɔrɛ yɛ: “Nɛ fo ju m buu bumo so, feeŋ ya pɛ bumo n sɔ fo basa.”

1 Samuɛl 30:8 ပူးပေါင်းရင်းမြစ်များ

Jɛnesis 14:16

Ndoŋ nɛ Eebram ya suge asɔ nɛ b daŋ ta na nseŋ bɛta mo sipo pibi Lɔt nɛ mbe asɔ nɛ ana nɛ beche nɛ basa pɔtɛ nɛ b daŋ ti so na kikɛ nyam m ba.

2 Samuɛl 5:19

Nɛ Deevid bishi Enyɛnpe Ebɔrɛ le: “K daga ŋ ka ya kɔ Filistiebi ere kena a? Meeŋ tiŋ m pɔɔ bumo so a?” Nɛ Enyɛnpe Ebɔrɛ shuli so ŋ kaŋɛ: “Mm, ya kɔ bumo! Meeŋ shin nɛ men kɔ m pɔɔ bumo so kashenteŋto!”

2 Samuɛl 5:23

Nɛ Deevid naaŋ bishi Enyɛnpe Ebɔrɛ kusɔ nɛ e beeŋ wora, nɛ e kaŋɛ mo le: “Men sa maŋ kaŋ ta kena n tu bumo nfe, ama men bela ase n ya kuŋ bumo ndibi nɛ baa tre balsam na ase ŋ kɔ bumo ndoŋ.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 15:9

Edompo na daŋ ji njɔŋ nna ŋ kaŋɛ: ‘Meeŋ ju m buu bumo so n ya pɛ bumo nseŋ barga bumo be asɔ to n ta amo nɛ mee sha kikɛ. Meeŋ pee ma tokobi m mɔ bumo.’

Nɔmbɛs 27:21

Bɔrɛmatapowura Eliaza beeŋ baa ŋini mo kusɔ nɛ ma, Enyɛnpe Ebɔrɛ bee sha e ka bee wora. Loŋ e naŋ shin nɛ e baa tiŋ a juŋkpar Israɛlebi na a yɔ a ba.”

Demujipoana 20:18

Kumo be kaman nɛ Israɛl be basa na yɔ kakpa nɛ baa shuŋ Ebɔrɛ ashi kade nɛ baa tre Bɛtɛl na n ya kule Ebɔrɛ m bishi: “Yiri mo e naaŋ juŋkpar anyi n ya kɔ Bɛnjamin be yiri to ebi na kena?” Nɛ Enyɛnpe Ebɔrɛ na kaŋɛ: “Juda be yiri to be basa e naŋ juŋkpar.”

Demujipoana 20:28

Nɛ Israɛl be basa na naŋ bishi Enyɛnpe Ebɔrɛ na le: “An naaŋ bɛta n ya kɔ Bɛnjamin be basa nɛ b la an kurgepoana na kena ŋko an sa maŋ naŋ yɔ?” Nɛ Enyɛnpe Ebɔrɛ na kaŋɛ le: “Men yɔ! Echefo bre meeŋ shin nɛ men kɔ m pɔɔ bumo so.”

Demujipoana 8:4

Gidiɔn nɛ mbe benapo alfa asa na daŋ ju m buu Midianebi na so hale n ya dii Jɔɔdan be lɔr na. B daŋ gben a chul to bre, ama b daa maŋ yige kebaaju a buu bumo doŋana na so.

1 Samuɛl 10:22

Ndoŋ nna nɛ b bishi Enyɛnpe Ebɔrɛ le: “Esa ko kraŋ naa wɔtɔ a?” Nɛ Enyɛnpe Ebɔrɛ kaŋɛ fanɛ Sɔɔl e ka, ama mo alɛ ŋana esulɔ na be kaman.

1 Samuɛl 14:37

Nɛ Sɔɔl bishi Ebɔrɛ le: “N naaŋ ya kɔ Filistiebi na kena a? Feeŋ shin nɛ an kɔ m pɔɔ bumo so a?” Ama kumo be kamɔnchɛ na Ebɔrɛ daŋ maŋ kaŋɛ bumo shɛŋ.

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.

1 Samuɛl 30:18

Ndoŋ nɛ Deevid sɔ mbe beche anyɔ na nɛ kusɔ kama nɛ Amalɛk be basa na daŋ ta na kikɛ.

1 Samuɛl 30:19

Bumo be kusɔ kama daa maŋ foe ŋkpal manɛ so Deevid daŋ sɔ mbe basa na be mbinyɛnsobi nɛ mbichesobi nɛ asɔbɔya nɛ Amalɛkebi daŋ ta na kikɛ na m bɛta n yɔ.