Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Samuɛl 30:6 - EBƆRƐ BE KAWƆL

6 Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.

အခန်းကိုကြည့်ပါ။ ကော်ပီ




1 Samuɛl 30:6
51 ပူးပေါင်းရင်းမြစ်များ  

Ndoŋ nna nɛ kufu nɛ kagbenejija damta tɔr Jeekɔb so nɛ e barga mbe basa nɛ mbe ana nɛ ekurma nɛ mbolpɔ nɛ mboe nɛ b wɔ mo kutɔ na to ntuŋnyɔ.


Fo gbagba na nyi fo tuto Deevid nɛ mbe basa ka bee pere kenishi a kɔ kena ga, bumo alɛ nseŋ naŋ lubi a chɔ shishiri nɛ b mɔ kumo be mbia. Fo tuto nyi kena to nɛnɛ ga amoso e maaŋ tu mbe benapo n dese kakpa koŋwule kanyɛ ere.


Ama e ka fo Elaisha kutɔ kebee na so, nɛ e gbir m pɛ mbe keyadra to. E ka wora loŋ na nɛ Gehazi bee shin nɛ a ŋin mo ashi Elaisha kutɔ nɛ Elaisha kaŋɛ: “Yige mo ŋkpal manɛ so n wu fanɛ mbe kagbene jija ga! Enyɛnpe Ebɔrɛ na malɛ maŋ naŋ kaŋɛ ma shɛŋ a yɔ mbe kaplɛa so.”


Hale nɛ Ebɔrɛ bee sha kemɔ ma gba, ŋ kraa beeŋ yirda mo.


Ŋ ka daa ji awurfoŋ ga na gba, m maŋ yige yirda nɛ ŋ kɔ ashi mo to na.


Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.


Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.


Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.


Mɔlga ma ashi etɔrɔ nɛ ma kagbenejija gboŋgboŋi nɛ k bee ti so ere to.


Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.


Amoso menyi kikɛ nɛ men be yirda deŋ Enyɛnpe Ebɔrɛ na so na, e baa kɔ eleŋ nsaa leŋ men be amu to.


Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.


Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so.


Fo agbo ba ma so nna fanɛ teku be nchu ka baga to m muni ma so na, ŋko nchu ka shi kebee be awɔlto a wurge waa waa na.


Enyɛnpe Ebɔrɛ n yirda fo, amoso kufu maŋ kɔ ma. Manɛ nɛ dimɛdi beeŋ tiŋ n wora ma?


Enyɛnpe Ebɔrɛ na to nɛ ma kiyoyu bee nya ewushi. Mo nawule e naa mɔlga ma.


Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.


Enyɛnpe Ebɔrɛ, ba mɔlga ma ashi kumukpakpaso wuraana nɛ basa nɛ baa mɛaŋ ma be enɔ to.


O Enyɛnpetale Ebɔrɛ, fo e la ma tama kikɛ, ma kebifɔlbi to kikɛ nɛ n ta yirda n deŋi fo so.


Asheŋ na ka daŋ ki loŋ na nɛ Mosis shu n tre Enyɛnpe Ebɔrɛ m bishi mo: “Nuso nɛ meeŋ wora basa ere? A ka gbrɛbi nɛ b kpa ma ajembu m mɔ nna na.”


Enyɛnpe Ebɔrɛ du fanɛ ketempreŋ kuŋso nna nɛ basa nɛ baa wora asheŋ niŋiso bee shile a yɔ mo kutɔ n ya kaa nya kekuŋ.


Betirpo nɛ basa nɛ b maaŋ tiŋ n chɛ bumo be amu to shile m ba buu fo etɔrɔ be jemanɛ nseŋ nya bumo be amu. Fo e kuŋ bumo ashi bɔrɛfugboŋ to nseŋ sa bumo kayul epeŋi nyaŋnyaŋso so. Bedoŋ nɛ b maa wu kuwɔr kre m ba fanɛ gbaŋgbaŋ to be afugboŋ,


Enyɛnpe Ebɔrɛ, kewora fanɛ fo ka ta ma nna n wɔtɔ kakpa lempo a kuŋ ma nsaa sa ma eleŋ, a chɛ ma to ashi tɔrɔ be jemanɛ. Efuli pɔtɛana be basa beeŋ shi durnya to be mboŋ wɔfɔ m ba fo kutɔ m ba kaŋɛ le: “An nananyɛnana daŋ lɔŋɛ agbirana nɛ e maa ji kashenteŋ nsaa maa kɔ tɔnɔ kikɛ n sa bumo na nna.”


“Ma tɔrɔ to nɛ n shu n tre fo, Enyɛnpe Ebɔrɛ na, nɛ e nu ma kekule. N wɔ nchaŋ chiŋgeliŋ to nna nseŋ kule fo fanɛ fo chɛ ma to, nɛ fo alɛ nu ma kekule.


Ŋkpal kusɔ nɛ Joshuwa nɛ Kalɛb kaŋɛ na so Israɛlebi na daa sha kekpa bumo ajembu nna m mɔ, ama epul na to nɛ Enyɛnpe Ebɔrɛ be kemaŋkura lar Israɛlebi na so nseŋ buu Enyɛnpe be wajɛbu cheembi na so.


Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”


Ndoŋ nna nɛ Pailat bishi bumo le: “To, nɛ nuso nɛ meeŋ wora Yesu nɛ baa tre Kristo na?” Nɛ bumo kikɛ kaŋɛ: “Gbir mo m mata kedibi largato so.”


E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.


Saŋɛ nɛ Eebraham daŋ yirda nseŋ tama na, e daa maŋ wu shɛŋ pɔɛŋ nna nseŋ tama. Amoso nɛ e ki efuli damta so ebi bumo tuto fanɛ kananɛ abɔrɛsibɛ na kaŋɛ mo le na: “Loŋ nɛ fo kaman to ebi beeŋ ba wora keshi a sa.”


Mbe yirda daa maŋ gbuŋgbuŋ to n shin nɛ e fara a lar Ebɔrɛ be kɔnɔ naseso be kaman. E daŋ nya yirda be eleŋ nna n ti so nseŋ ta kemaŋkura n sa Ebɔrɛ.


To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?


Nɛ an baŋ ji awurfoŋ, menyi be keleŋto nɛ kumɔlga so so nɛ an ji loŋ be awurfoŋ na. Nɛ an baa nya keleŋto, kumo ere, menyi alɛ gba beeŋ nya loŋ be keleŋto nna na. Kumo alɛ e naa shin nɛ menyee nya eleŋ nɛ men tiŋ n nyiti awurfoŋ koŋwule nɛ anyee ji na.


Saŋɛ damta baa nyaŋ anyi nna, ama anyi alɛ maa bɛa to. Saŋko anyee wulto to, ama anyi alɛ maa wulto to cheche.


Hale an ka ba Masɛdonia, anyi be eyurana ere maŋ nya ewushi kikɛ. Anyi nɛ kekɔrfɛ e daa la kaplɛkama, anyi nɛ basa be nlu malɛ e daa la nɛ kufu malɛ daŋ bɔlɔ anyi be ŋgbene to.


Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”


Ndoŋ nna nɛ Dan be yiri to be basa na kaŋɛ: “Sa maa malga a kesar anyi. Fo baŋ shin nɛ an nya agbo, fo nɛ fo kanaŋ kikɛ beeŋ wu.”


Ndoŋ nna nɛ Israɛl be basa na yɔ kakpa nɛ baa shuŋ Ebɔrɛ na n ya shu Enyɛnpe Ebɔrɛ na be anishito hale nɛ kaase fo. Nɛ b naŋ bishi Enyɛnpe Ebɔrɛ na le: “A daga fanɛ an naŋ bɛta n ya kɔ an kurgepoana Bɛnjamin be basa na a?” Nɛ Enyɛnpe Ebɔrɛ na kaŋɛ: “Mm, men bɛta n yɔ!” Ndoŋ nna nɛ Israɛl be benapo na naŋ nya keleŋto nseŋ ya yili mboŋ nɛ b daŋ yili kachɛ sososo na


Haana be kagbene daŋ jija mo nna ga nɛ kabɔltoduŋi pɛ mo, amoso e ka daa kule Ebɔrɛ na kikɛ nɛ e bee shu,


Ndoŋ nna nɛ Jonatan yɔ Deevid kutɔ n ya leŋ mo to ŋ kaŋɛ mo fanɛ Ebɔrɛ beeŋ kuŋ mo,


Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ