1 Samuɛl 30:26 - EBƆRƐ BE KAWƆL

²⁶ Deevid ka bɛta n yɔ Ziklag nɛ e ta asɔ nɛ b ya muu kena to na be ako n ya sa mo teriana nɛ Juda be bejuŋkparpoana na nseŋ kaŋɛ bumo le be kubɔya ere: “Enyɛnpe Ebɔrɛ mo doŋana na kutɔ nɛ n suge asɔ ere nɛ m ba sa menyi fanɛ kakɛ na.”

1 Samuɛl 30:26 ပူးပေါင်းရင်းမြစ်များ

Jɛnesis 33:11

Amoso, jande sɔ kakɛ nɛ n ta n shuŋi a sa fo ere, ŋkpal manɛ so, Ebɔrɛ wu ma kuwɔr ga n sa ma kusɔ kama nɛ k daga ma.” Ŋkpal Jeekɔb ka mata Isɔɔ so ga so nɛ e sɔ kakɛ na.

2 Samuɛl 1:1

Israɛlebi be ewura Sɔɔl wu kena to nɛ Deevid kɔ m pɔɔ Amalɛkebi na so nseŋ bɛta m ba Ziklag.

2 Bewura 5:15

Kede be kaman nɛ Neeman nɛ basa nɛ mo nɛ bumo daŋ yɔ ndoŋ na kikɛ bɛta m ba anebi Elaisha kutɔ nɛ Neeman kaŋɛ le: “Naniere nɛ m pin fanɛ Ebɔrɛ kikɛ maŋ naa wɔtɔ ama Israɛl be Ebɔrɛ ere nawule. Amoso jande, sɔ ma kakɛ ere.”

Nshɛ 35:27

Shin nɛ bumo nɛ baa fin fanɛ n ji n lar na e cha awɔr kagbenefuliso ŋ kaŋɛ le: “Kemaŋkura e baa la Enyɛnpe na peya, Mbe kagbene e naa fuli ŋkpal mbe kenya be nɛnɛ so na.”

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

2 Kɔrintebi 9:5

Amoso nɛ n wu fanɛ a daga fanɛ n shin nɛ bekurgepoana ere e juŋkpar ma n yɔ men kutɔ n ya shin nɛ men bela men be kakɛ gboŋgboŋi nɛ men nase kɔnɔ fanɛ menyeeŋ sa na n yili. Saŋɛ na so, kakɛ na beeŋ baa yil fanɛ kashaso be kakɛ, mannɛ fanɛ kanyaŋso be kakɛ.

1 Samuɛl 18:17

Kachako nɛ Sɔɔl kaŋɛ Deevid le: “Nɛ feeŋ nya kenyɛn a kɔ Enyɛnpe Ebɔrɛ be ana a sa ma bre, kumo ere ma alɛ beeŋ ta m pibiche nimuso Mɛrab n sa fo.” Sɔɔl be nfɛra e daa la fanɛ nɛ e wora loŋ, Filistiebi na beeŋ nya Deevid m mɔ, saŋɛ na so k maaŋ ba fanɛ mo e mɔ mo.

1 Samuɛl 25:27

Amoso n nyɛnpe, sɔ ma kakɛ ere n sa fo basa na.

1 Samuɛl 25:28

Jande, nɛ n wora fo kulubi ko gba nna, fo ta m paŋ ma. Enyɛnpe Ebɔrɛ na beeŋ shin nɛ fo ki ewura nɛ fo kanaŋ to ebi e baa ji kuwura ŋkpal fo ka bee kɔ a sa mo so. Ma kabɔrɛkule e la fanɛ fo maaŋ wora kulubi kikɛ hale nɛ fo ba lar durnya ere to.

1 Samuɛl 30:20

Ama Amalɛk be basa na be mbolpɔ nɛ ana nɛ b kɔ na bre, e daŋ shin nna nɛ b barga amo n ya yili ŋ kɔr. Nɛ ekama malɛ shuli so fanɛ loŋ be asɔbɔya na e baa la Deevid peya.

1 Samuɛl 30:25

Amoso Deevid daŋ yili kumo fanɛ mbra nna n sa Israɛlebi na, nɛ bumo alɛ bɛ kumo so hale m ba fo nɛ mbre.