1 Samuɛl 30:23 - EBƆRƐ BE KAWƆL

²³ Le nɛ Deevid malɛ daŋ kaŋɛ bumo: “Ŋkurgepoana, men sa maŋ kaŋ ta asɔ nɛ Enyɛnpe Ebɔrɛ sa anyi n wora kejimuni. Enyɛnpe Ebɔrɛ na kuŋ anyi nseŋ shin nɛ an kɔ m pɔɔ basa nɛ baa ta kena a purgi basa a muu bumo be asɔ a shile na so.

1 Samuɛl 30:23 ပူးပေါင်းရင်းမြစ်များ

Jɛnesis 19:7

ŋ kaŋɛ bumo le: “N teriana, mee kule menyi nna, men sa maŋ kaŋ wora le be kesheŋ lubi ere!

Habakuk 1:16

Baa bunyaŋ bumo be ashewu nna nsaa lara esarga a sa amo, ŋkpal b ka bee bɔla ashewu na so a dii kedama nsaa nya ajibi lela a ji so.

Ashuŋ Shunso 22:1

“M braana nɛ n tutoana, men lo to n nu ma kamalga nɛ mee sha kemalga ŋ kuŋ ma kumu ashi menyi kutɔ ere.”

Ashuŋ Shunso 7:2

Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na

Ditɛronɔmi 8:10

Ade be kaman, menyeeŋ nya asɔ kama nɛ menyee sha n ji nseŋ ta kechɔrɔ n sa Enyɛnpe menyi be Ebɔrɛ na ŋkpal e ka sa menyi kasawule lela so.

Ditɛronɔmi 8:17

Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.

Ditɛronɔmi 8:18

Ama men baa nyiŋi fanɛ Enyɛnpe menyi be Ebɔrɛ na e sa menyi eleŋ nɛ men ta n fin kedamaya na. Mo alɛ wora loŋ nna a ŋini fanɛ, e bee ji kashenteŋ a sa mo nɛ men nananyɛnana be kɔnɔkoŋwule be ŋkre na nna hale nɛ mbre.

Demujipoana 19:23

Ndoŋ nna nɛ kanyɛnnimubi na lar n ya kaŋɛ bumo le: “Ayai, n teriana! Men jande, men sa maŋ wora le be kesheŋ lubi ere. Kanyɛn ere la ma efɔ nna.

1 Samuɛl 2:7

Fo Enyɛnpe Ebɔrɛ e to ketir nɛ kedamaya. Fo e naa ta basa ko a ki bebɔlpo ŋ kaa ta beko malɛ a ki basa gboŋ.

1 Samuɛl 30:22

Ama le nɛ Deevid be basa nɛ b daŋ yɔ kena na to nsaa la basa fuloŋ a kɔ amukpakpaso na bre daŋ kaŋɛ: “Ŋkpal basa ere ka maŋ tu anyi n yɔ kena ere to so, anyi nɛ bumo maaŋ barga asɔ nɛ an ya muu kena na to na n sa abar. Ama bumo be ekama beeŋ tiŋ ŋ keta mbe eche nɛ mbia bre a yɔ.”

1 Samuɛl 30:24

Wanɛ nɛ menyee fɛ fanɛ e beeŋ shuli m bɛ kusɔ nɛ men kaŋɛ ere so? Basa kama nɛ b ka keeyi to a keni anyi be asɔ so na nɛ bumo nɛ b yɔ kena na to na kikɛ beeŋ ji nna a sasa.”

1 Samuɛl 30:8

Ndoŋ nna nɛ Deevid bishi Enyɛnpe Ebɔrɛ le: “N ju m buu basa nɛ baa kre kena a purgi basa ere so a? Meeŋ nya bumo m pɛ a?” Nɛ Enyɛnpe Ebɔrɛ yɛ: “Nɛ fo ju m buu bumo so, feeŋ ya pɛ bumo n sɔ fo basa.”