1 Samuɛl 30:12 - EBƆRƐ BE KAWƆL

¹² nɛ figi be asɔrso wɔlso nɛ asɔrso jiso be asha anyɔ. E ka ji ajibi na nɛ e nya eleŋ, ŋkpal manɛ so, e daa maŋ ji shɛŋ ŋko n nuu nchu nchɛ asa kikɛ.

1 Samuɛl 30:12 ပူးပေါင်းရင်းမြစ်များ

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Nfabel 1:11

Jerusalɛm be basa na kikɛ daa fubel nna, jemanɛ nɛ b daa fin kusɔ jiso nɛ b ji na. B daa ta bumo be asɔ lela a chɛr ajibi nɛ baaŋ ji nseŋ nya ŋkpa nna. Le nɛ b daa kaŋɛ: “Enyɛnpe Ebɔrɛ, keni awurfoŋ nɛ anyee ji.”

Jona 1:17

Ndoŋ nna nɛ Enyɛnpe Ebɔrɛ shin nɛ kɔrɔtɔgboŋ ko ba ta Jona m min, nɛ e ji nchɛ asa nɛ nnyɛ asa ashi kɔrɔtɔgboŋ na be epunto.

Matiu 27:63

“Ebunyampo, an nyiŋi saŋɛ nɛ efɛpo na daa wɔ ŋkpa to ka kaŋɛ le: ‘Ŋ kaŋ wu, meeŋ tiŋi luwu na to kumo be kachɛ sasopo to.’

Demujipoana 15:19

Ndoŋ nna nɛ Ebɔrɛ shin nɛ kefalta pete a lar nchu ashi Lehi ndoŋ. Samsɔn ka nuu nchu na nɛ e naŋ nya eleŋ. Nɛ b nase kechubu na Ɛn Hakkɔre. Kumo be kifito la: ‘Esa nɛ e shu n tre be kechubu.’ Loŋ be kechubu na kraa wɔ Lehi hale nɛ mbre.

1 Samuɛl 14:27

Jonatan bre daa maŋ wɔ ndoŋ n nu kananɛ mo tuto bɔ ntaŋ na, amoso e daŋ ta mbe kekpabi nɛ e daŋ keta na be kɔnɔso nna n nyɔ mushoŋ na to n ji. E ka baŋ wora loŋ nɛ mbe anishito saŋɛ mo.

1 Samuɛl 30:11

Deevid be basa na be beko daŋ ya wu Ijipt be esa ko nna ashi kupuŋ to nseŋ bar mo Deevid kutɔ m ba sa mo ajibi nɛ nchu

1 Samuɛl 30:13

Ndoŋ nna nɛ Deevid bishi mo le: “Fo nyɛnpe e la wanɛ? Nnɛ nɛ fo shi?” Nɛ e yɛ: “Ijipt nɛ n shi nsaa la Amalɛk be esa ko be kenya; ama ma nchɛ asa nna na e ka yige ma n lɛ nfe ŋkpal ŋ ka bee lɔ so.