1 Samuɛl 3:4 - EBƆRƐ BE KAWƆL

⁴ nɛ Enyɛnpe Ebɔrɛ tre Samuɛl nɛ e shuli so ŋ kaŋɛ: “Ma nde,”

1 Samuɛl 3:4 ပူးပေါင်းရင်းမြစ်များ

Jɛnesis 22:1

Eebraham wɔtɔ loŋ nɛ kachako Ebɔrɛ ba nɛ e ba wora mo ŋ keni, nseŋ tre mo: “Eebraham!” Nɛ Eebraham shuli ŋ kaŋɛ: “Ma nde.”

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Nshɛ 99:6

Mosis nɛ Ɛɛrɔn daa la mbe bɔrɛmatapoana nna, nɛ anebi Samuɛl malɛ daa la esa nɛ e daa bɔla Ebɔrɛ be ketre to a kule mo. Enyɛnpe Ebɔrɛ na nɛ bumo kikɛ daa shu a tre, nɛ e daa nu a sa bumo.

Ɛksodɔs 3:4

Enyɛnpe Ebɔrɛ ka wu fanɛ Mosis firgi n taga to nɛ e keni na nɛ e tre mo ashi kupumbi na to ŋ kaŋɛ: “Mosis, Mosis!” Nɛ Mosis shuli ŋ kaŋɛ le: “Ma nde.”

Aizaaya 6:8

Kede be kaman nɛ n nu Enyɛnpe Ebɔrɛ na ka kaŋɛ le: “Wanɛ nɛ meeŋ shuŋi? Wanɛ e naaŋ baa la anyi be kabɔ?” Nɛ n shuli ŋ kaŋɛ: “Meeŋ yɔ! Shuŋi ma!”

Ashuŋ Shunso 9:4

Nɛ e tɔr kasawule nseŋ nu ebɔl ka bee bishi mo: “Sɔɔl, Sɔɔl, manɛ e ba nɛ fee tɔrɔ ma?”

1 Kɔrintebi 12:28

Asɔri na to, basa nɛ Ebɔrɛ juŋkpar n lara e la beshuŋipo, bumo nɛ b bɛ so e la abɔrɛsheŋ be bewuŋkaŋɛpo, besasopo e la beŋinipo, n ta emamachishumpoana m bɛ so, n ta bechɛpo nɛ bechɛtopo nɛ bumo nɛ baa keni ashuŋ be asheŋ to so m bɛ so nseŋ ta bumo nɛ baa gbar ŋgbar mo nɛ bumo gbagba maa nu m bɛ so.

1 Samuɛl 3:5

Nseŋ shile n yɔ Eli kutɔ n ya kaŋɛ mo le: “Fo ka tre ma na, ma nde.” Ama le nɛ Eli daŋ kaŋɛ: “Ma ere maŋ tre fo; bɛta n ya dese.” Ndoŋ nna nɛ Samuɛl bɛta n ya dese.