1 Samuɛl 3:19 - EBƆRƐ BE KAWƆL

¹⁹ Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.

1 Samuɛl 3:19 ပူးပေါင်းရင်းမြစ်များ

Jɛnesis 21:22

Jemanɛ na so nɛ Abimelɛk nɛ mbe benapo be enimu nɛ baa tre Fikɔl na yɔ Eebraham kutɔ n ya kaŋɛ mo le: “An wu fanɛ kusɔ kama nɛ fee wora, Ebɔrɛ wɔ fo kutɔ nna,

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 39:2

Enyɛnpe na daa wɔ Josɛf kutɔ nna a nɛfa mo ashi kusɔ kama nɛ e bee wora ashi mo nyɛnpe Ijiptnyɛn na be laŋ to.

Jɛnesis 39:3

Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

1 Bewura 8:56

“Kemaŋkura e baa la Enyɛnpe Ebɔrɛ nɛ e nase kɔnɔ fanɛ e beeŋ sa mbe basa kagbenewushi na peya. E daŋ bɔla mbe kayɛrbi Mosis so nna n shin nɛ mbe nnɔ naseso nɛ e nase n sa bumo na kikɛ bɔlɔ so.

2 Bewura 10:10

Nlantaŋɛ nɛ amu ere bee nyiŋi anyi kusɔ nɛ Enyɛnpe Ebɔrɛ na kaŋɛ a laŋɛ Ahab be kaman to ebi be kaplɛa so na ka beeŋ bɔlɔ so kashenteŋ nna. Anebi Elaija so nɛ Enyɛnpe Ebɔrɛ na bɔla n wora kusɔ nɛ e kaŋɛ fanɛ e beeŋ wora na.”

2 Bewura 15:12

Kusɔ nɛ Enyɛnpe nase kɔnɔ n sa Jehu na bɔlɔ so. E yɛ: “Yili fo kenana m ya fo fo kenana gbiramuli be jemanɛ so fo basa e naaŋ baa ji Israɛl be efuli so be kuwura.”

2 Bewura 22:16

kubɔya nɛ k shi Enyɛnpe Ebɔrɛ kutɔ nde. Ebɔrɛ yɛ: “Meeŋ gberge Jerusalɛm be basa kikɛ kusoe fanɛ kananɛ b kraŋ mbra be kawɔl na to ashi Juda be ewura be anishito na.

Aizaaya 43:2

Nɛ men bɔla lɔr chiŋgeliŋ to gba, ma nɛ menyi e naaŋ baa la. Etɔrɔ nɛ e beeŋ ba menyi so maaŋ pɔɔ menyi so. Nɛ men bɔla edɛ to gba, a maaŋ chɔɔ menyi. Kechɔŋkeni kpakpaso kama nɛ k beeŋ ba menyi so maaŋ pɔɔ menyi so.

Aizaaya 44:26

Ama ma e naa shin nɛ ma anebiana be abɔya bee wora a bɔlɔ so kashenteŋto. Le nɛ baa kaŋɛ: ‘Basa beeŋ ba bɔlɔ Jerusalɛm to, nɛ Enyɛnpe Ebɔrɛ na malɛ e lɔŋɛ nde bureso nɛ a wɔ Juda be efuli so na m pɔr.’

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Luuk 1:28

Le nɛ malaika na daŋ ba kaŋɛ mo: “Kumulelawura, fo kechɔrɔ nde. Ebɔrɛ yɛ e wɔ fo kutɔ.”

Luuk 1:80

Nɛ kebia na daŋ eyur to a kɔ Kiyoyu Cheeŋ na be eleŋ ga. Kiyi to nɛ e daa wɔ n ya fo jemanɛ nɛ e fara a bɔ mbe kubɔya a sa Israɛlebi na.

Luuk 2:40

Nɛ kebia na daŋ eyur to a kɔ eleŋ, nɛ kanyiasheŋ bɔlɔ mo to nɛ Ebɔrɛ malɛ be kasha wɔ mo so.

Luuk 2:52

Nɛ Yesu daŋ eyur to a wɔtɔ a pin kanyiasheŋ a ti so nsaa nya kasha ashi Ebɔrɛ nɛ basa kutɔ.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 18:22

Nɛ fanɛ anebi baŋ sa kubɔya ko ashi Enyɛnpe Ebɔrɛ na be ketre to nɛ k maŋ ba kashenteŋ nseŋ wora m bɔlɔ so, kumo ere kubɔya na maŋ shi Enyɛnpe Ebɔrɛ na kutɔ nna na. Anebi na gbagba be nfɛra to nɛ kubɔya na shi nɛ a maŋ daga fanɛ men baa ŋana loŋ be anebi na.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Joshuwa 21:45

Enyɛnpe Ebɔrɛ be nnɔ nɛ e daŋ nase n sa Israɛlebi na kikɛ daŋ bɔlɔ so nna.

Demujipoana 13:24

Jemanɛ ko ka fo, nɛ Manoa be eche kurge ebinyɛn nseŋ nase mbe ketre Samsɔn. Kebia na ka bee daŋ nɛ Enyɛnpe Ebɔrɛ na nɛfa mo.

1 Samuɛl 10:7

Le be etɔɔnɛsheŋ ere baŋ wora m bɔlɔ so, kumo ere fo wora kusɔ kama nɛ fee fɛ fanɛ k walɛ, ŋkpal manɛ so, Ebɔrɛ beeŋ baa juŋkpar fo.

1 Samuɛl 12:2

Men gbagba ere wu kananɛ n juŋkpar menyi saŋɛ so nɛ n la kabrantiɛ na kikɛ. Naniere bre m bel nɛ ma emin malɛ gba fuli. Ma mbinyɛnsobi gba ki benimu. Naniere k daga men ka keni kananɛ menyi be ewura na beeŋ ba keni menyi so.

1 Samuɛl 16:18

Nɛ mbe nyɛrbi na be eko kaŋɛ: “Kanyɛn ko nɛ baa tre Jɛsi nɛ e wɔ Bɛtlɛhɛm na be kebia nyi jaŋjilaŋ be kelaŋ ga. E la enapo mo nɛ e kɔ kenyɛn nna ga nsaa walɛ kayɛrbi ga nɛ mbe mmalga gba wɔ ebel nɛ Enyɛnpe Ebɔrɛ na wɔ mo kutɔ.”

1 Samuɛl 18:12

Kumo be kaman nɛ Sɔɔl fara a ŋana Deevid ŋkpal Enyɛnpe Ebɔrɛ ka daa chɛ Deevid to nseŋ kplaŋ mo ere Sɔɔl so so.

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.

1 Samuɛl 18:5

Deevid daa ji kɔŋkɔŋ kusɔ kama nɛ Sɔɔl daa shuŋi mo fanɛ e ya wora to nna. Nɛ Sɔɔl ta mo ŋ ki mbe benapo be enimu gboŋ ko. Kumo be loŋ daŋ wora ekama nɛ Sɔɔl be benapo be benimu na kikɛ ebel ga.

1 Samuɛl 2:21

Nɛ Enyɛnpe Ebɔrɛ nɛfa Haana nɛ e naŋ kurge mbinyɛnsobi asa nɛ mbichesobi anyɔ. Le be saŋɛ ere kikɛ nɛ Samuɛl bee daŋ nsaa shuŋ Enyɛnpe Ebɔrɛ na be kushuŋ.

1 Samuɛl 2:26

Saŋkama malɛ Samuɛl daŋ baa daŋ eyurto nna a ti so nsaa nya kasha ashi Enyɛnpe Ebɔrɛ nɛ basa kikɛ kutɔ.

1 Samuɛl 9:6

Nɛ kayɛrbi na kaŋɛ le: “N nyɛnpe, kebɔrɛnya ko wɔ kade ere to nɛ basa bee sa mo bunyaŋ ga, ŋkpal manɛ so kusɔ kama nɛ e baŋ kaŋɛ, k bee wora kashenteŋ nna. An yɔ mo kutɔ, ashere e beeŋ tiŋ ŋ ŋini anyi kakpa nɛ ekurma na wɔ.”