1 Samuɛl 3:17 - EBƆRƐ BE KAWƆL

¹⁷ Nɛ Eli bishi mo le: “Manɛ nɛ Enyɛnpe Ebɔrɛ kaŋɛ fo? Sa maŋ ta shɛŋ ŋ ŋana ma so. Nɛ fo baa maŋ kaŋɛ ma kusɔ kama nɛ Enyɛnpe Ebɔrɛ na kaŋɛ fo, e beeŋ bar kasogberge gboŋgboŋi fo so,”

1 Samuɛl 3:17 ပူးပေါင်းရင်းမြစ်များ

2 Samuɛl 14:18

Nɛ ewura na kaŋɛ le: “Shin nɛ m bishi fo kesheŋ bishiso ere nɛ fo kaŋɛ ma kumo be kashenteŋ.” Nɛ kache na kaŋɛ le: “Yiramu, bishi ma kusɔ kama nɛ fee sha.”

2 Samuɛl 19:13

Kumo be kaman nɛ ewura Deevid naŋ kaŋɛ bumo fanɛ b kaŋɛ Amasa malɛ le: “Ŋkpal fo ka la ŋkurgepo so, yili kabre a yɔ, fo e naaŋ ki benapo nɛ Jɔab bee keniso na be enimu. Nɛ m baa maŋ wora loŋ, Ebɔrɛ e bishi ma!”

2 Samuɛl 3:35

Kamɔnchɛ na basa wora ania nɛ b sa Deevid kusɔ ko nɛ e ji, ama e daŋ bɔ ntaŋ nna fanɛ nɛ epeŋi baa maŋ tɔr pɔɛŋ nɛ n ji ajibi kumo ere Ebɔrɛ e mɔ mo!

2 Samuɛl 3:9

Nɛ m baa maŋ chɛ Deevid to nɛ e ji kuwura fanɛ kananɛ Enyɛnpe Ebɔrɛ nase kɔnɔ n sa mo fanɛ e beeŋ sɔ kuwurji na ashi Sɔɔl nɛ mbe kanaŋ kutɔ n sa mo nɛ e ki Israɛl nɛ Juda kikɛ be ewura, yili Dan be kasawule nɛ k wɔ kelargato be esoso na so n ya fo Bɛshiba nɛ k wɔ kelargato be kaseto be kaba so kikɛ na, kumo ere Ebɔrɛ e mɔ ma!”

1 Bewura 22:16

Nɛ ewura Ahab naŋ kaŋɛ: “Ŋ kaŋɛ fo alɛ damta fanɛ, fo baŋ yili Enyɛnpe Ebɔrɛ na be ketre to a malga, a daga fanɛ fo baa malga kashenteŋ! Alɛ fanɛ nɛ fee sha ŋ ka kaŋɛ fo le be kasheŋ?”

2 Bewura 6:31

Ndoŋ nna nɛ ewura na kaŋɛ le: “Nɛ m baa maŋ shin nɛ b chuge Elaisha be kumu kabre kumo ere Ebɔrɛ e gberge ma kusoe alegaiso.”

Nshɛ 141:5

Shin nɛ fo basa niŋiso e baa ŋini ma ekpa; ŋ kaŋ wora n foe nɛ b gberge ma kusoe. M maaŋ shin nɛ basa lubi e maŋkura ma kikɛ, ŋkpal manɛ so, mee kule Ebɔrɛ nna a gbiti bumo.

Jɛremaya 38:14

Ade kikɛ be kaman, kachako nɛ Ewura Zɛdikaya shuŋi fanɛ b ya bar ma mo kutɔ ashi bɔrɛlambu na be kabuna sasopo na ase. Ndoŋ nna nɛ e kaŋɛ ma le: “Mee sha kebishi fo kusɔ ko nna. Ma alɛ bee sha fo kaŋɛ kashenteŋ nɛ k wɔ kumo to kikɛ.”

Jɛremaya 42:4

Nɛ ma alɛ kaŋɛ le: “To, n nu kusɔ nɛ men kaŋɛ na! Meeŋ kule Enyɛnpe, anyi be Ebɔrɛ na, fanɛ kananɛ men kaŋɛ na. Kusɔ kama nɛ e kaŋ kaŋɛ ma, meeŋ kaŋɛ menyi. M maaŋ ta shɛŋ ŋ ŋana menyi so.”

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Maika 2:7

Menyi Israɛlebi nɛ men la Jeekɔb be kaman to ebi na kɔ ekpa nɛ men baa kaŋɛ fanɛ Enyɛnpe Ebɔrɛ na nya agbo nna n wora kusɔ nɛ e wora ere? Enyɛnpe Ebɔrɛ maa kaa nɛfa bekama nɛ baa wora asheŋ niŋiso nna a?”

Nɔmbɛs 23:17

Nɛ Balaam bɛta n ya tu Ewura Balak nɛ mo nɛ Mowab be benimu kraa yil esarga na ase. Nɛ Ewura Balak bishi Balaam kusɔ nɛ Enyɛnpe Ebɔrɛ kaŋɛ.

Matiu 26:63

Ama Yesu daŋ la to nna a yil. Nɛ bɔrɛmatapo nimuso na kaŋɛ mo le: “Ebɔrɛ nɛ e wɔ ŋkpa to ere so, kaŋɛ anyi, fo e la Kristo, Ebɔrɛ Pibinyɛn na a?”

Ruf be kawɔl 1:17

Kakpa nɛ feeŋ wu, ndoŋ nɛ meeŋ wu nɛ b puli ma ndoŋ. Nɛ mannɛ luwu e naaŋ barga ma nɛ fo to so, kusɔ kama nɛ n naaŋ kpal kumo so n shin nɛ ma nɛ fo barga abar, Enyɛnpe Ebɔrɛ na e bishi ma kɔnɔ ŋkpal loŋ so.”

1 Samuɛl 14:44

Nɛ Sɔɔl kaŋɛ Jonatan le: “Nɛ fo baa maŋ wu bre, kumo ere Ebɔrɛ e mɔ ma.”

1 Samuɛl 20:13

Nɛ fanɛ e bee sha ketɔrɔ fo malɛ nna, meeŋ kaŋɛ fo nseŋ chɛ fo to nɛ fo shile ŋ ŋana mo so. Nɛ ma alɛ kaa maŋ wora loŋ, kumo ere Enyɛnpe Ebɔrɛ e gberge ma kusoe. Ma kabɔrɛkule e la fanɛ Enyɛnpe Ebɔrɛ e chɛ fo to fanɛ kananɛ e chɛ n tuto to na,

1 Samuɛl 25:22

Ta a ba kachipurso nɛ mbe kanaŋ to be enyɛn kama kraa wɔ ŋkpa to, kumo ere Ebɔrɛ e mɔ ma!”

1 Samuɛl 3:16

Ama Eli daŋ tre mo nna ŋ kaŋɛ le: “Ma kebia Samuɛl!” Nɛ Samuɛl shuli so ŋ kaŋɛ: “Ma nde n nyɛnpe!”