1 Samuɛl 3:11 - EBƆRƐ BE KAWƆL

¹¹ Nɛ Enyɛnpe Ebɔrɛ kaŋɛ mo le: “Samuɛl, Meeŋ wora kusɔ ko Israɛl be efuli so kachako nɛ kɔnɔ e mɔ ekama nɛ e nu kumo be asheŋ.

1 Samuɛl 3:11 ပူးပေါင်းရင်းမြစ်များ

2 Bewura 21:12

Amoso ma Enyɛnpe Israɛl be Ebɔrɛ na beeŋ shin nɛ jɛrbi e ba Jerusalɛm to nɛ Juda be efuli so, nɛ k chinchiŋ esa kama nɛ e beeŋ nu kumo be asheŋ ga.

Job be kawɔl 41:9

Esa kama nɛ e wu kusɔkpaŋ lubi gboŋgboŋi na kenishiso bee paŋ mbe kenyɛn nna nseŋ tɔr kasawule.

Aizaaya 28:19

Jɛrbi beeŋ gbelge menyi so kachipurso nɛ kapaso nɛ kanyɛso kikɛ nna fanɛ nchu ka bee bɔlɔ a ba na. Kubɔya popɔr kama malɛ nɛ k beeŋ shi Ebɔrɛ kutɔ m ba menyi kutɔ beeŋ ta kufugboŋ m pɛ menyi!

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Jɛremaya 19:3

An ka yɔ ndoŋ nɛ Enyɛnpe Ebɔrɛ na kaŋɛ ma fanɛ ŋ kaŋɛ bumo le: “Juda be efuli so be bewura nɛ Jerusalɛm to be basa, men nu kusɔ nɛ ma, Enyɛnpetale Israɛl be Ebɔrɛ na kɔ nɛ ŋ kaŋɛ menyi. Meeŋ bar tɔrɔ gboŋgboŋi nfe nɛ k chinchiŋ esa kama nɛ e beeŋ nu kumo be asheŋ.

Habakuk 1:5

Ndoŋ nna nɛ Enyɛnpe Ebɔrɛ na kaŋɛ mbe basa le: “Men dara efuli pɔtɛana nɛ a kulti menyi na ŋ keni. Kusɔ nɛ menyeeŋ wu na beeŋ mɔ menyi kɔnɔ alegaiso. Meeŋ wora kusɔ ko menyi be jemanɛ to, nɛ men nu kumo gba menyi maaŋ yirda.

Luuk 21:26

Kufu beeŋ pɛ basa, hale nɛ b ya kaa chɛl ŋkpal emamachisheŋ nɛ baaŋ wu a ka beeŋ wora durnya ere to so, ŋkpal manɛ so, ebɔrɛso be eleŋana kikɛ beeŋ wea abarto.

Ashuŋ Shunso 13:41

‘Menyi nɛ menyee fɛl kusɔ nɛ Ebɔrɛ kaŋɛ na, men nu nfe. Menyeeŋ kooba nseŋ wu. Meeŋ wora kusɔ ko menyi be ŋkpa ere to, ama esa bugi kumo to n sa menyi gba, men maaŋ yirda kumo.’ ”

1 Samuɛl 3:10

Ndoŋ nna nɛ Enyɛnpe Ebɔrɛ ba yili Samuɛl kutɔ n tre mo kananɛ e daŋ tre mo na: “Samuɛl! Samuɛl!” Ndoŋ nna nɛ Samuɛl shuli so ŋ kaŋɛ le: “Baa malga, fo kayɛrbi bee nu.”

1 Samuɛl 4:10

Ndoŋ nna nɛ Filistiebi na naaŋ ya kɔ Israɛlebi na kena m pɔɔ bumo so alegaiso m mɔ bumo be basa ŋgboŋ adesa, nɛ bumo nɛ b ka na kikɛ shile n yɔ bumo be elaŋ to.