1 Samuɛl 29:6 - EBƆRƐ BE KAWƆL

⁶ Ndoŋ nna nɛ Akish tre Deevid ŋ kaŋɛ mo le: “Israɛl be Ebɔrɛ nɛ e wɔ ŋkpa to na be ketre so, fee ji kashenteŋ a sa ma. N daa beeŋ ba sha fanɛ ma nɛ fo kikɛ ka ya kɔ kena ere. Baŋ yili kachɛ nɛ fo ba ŋ kutɔ na hale m ba fo kabre, ma ere maŋ wu kulubi kikɛ fo so. Ama bewura nɛ b ka na bre kikɛ maa sha fo ka yɔ kena na to.

1 Samuɛl 29:6 ပူးပေါင်းရင်းမြစ်များ

Jɛnesis 16:6

Ndoŋ nna nɛ Eebram kaŋɛ: “To, Heega la fo kebita nna, nsaa wɔ fo kaseto, amoso, wora mo kusɔ kama nɛ fee sha.” Ŋkpal loŋ so nɛ Sɛɛrai fara a wora Heega asheŋ nɛ a maŋ daga, nɛ e shile.

2 Samuɛl 3:25

E ba nna nɛ e ba fule fo m pin kusɔ nɛ fee wora kikɛ nɛ kaplɛkama nɛ fee du fo aya. Ma alɛ baa nyi geeŋ fanɛ fo nyi kumo be loŋ!”

2 Bewura 19:27

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

Nshɛ 121:8

Fo keyɔ nɛ keba kikɛ to, mo e naaŋ baa kuŋ fo mbaanaayɔ.

Aizaaya 37:28

Ama ma ere nyi kusɔ kama a laŋɛ fo kaplɛa so. N nyi kusɔ nɛ fee wora nɛ kakpa nɛ fee yɔ kikɛ. Ma alɛ naa nyi kananɛ fee nya agbo ga a wora ma.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Nɔmbɛs 27:17

nsaa beeŋ tiŋ ŋ ŋini bumo kena be kekɔ saŋɛ na so fo basa maaŋ baa du fanɛ mbolpɔ nɛ b maŋ kɔ ekpapo na.”

Matiu 5:16

Men baa shin nɛ men be kefulto e baa nyaŋɛ nɛnɛ ga nɛ basa e tiŋ n wu men be ashuŋ lela nseŋ maŋkura men Tuto nɛ e wɔ ebɔrɛso na.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Joshuwa 22:30

Bɔrɛmatapowura Finihas nɛ benimu kudu nɛ b daŋ ti mo so nsaa la epeŋitɔrkpa be eyiri yiri be mbuna mbuna be bejuŋkparpoana na ka nu kusɔ nɛ Ruben nɛ Gad nɛ Manase be epeŋilarkpa be kaba so be bejuŋkparpo na kaŋɛ na, nɛ b wu fanɛ b kɔ akpa.

1 Pita 2:12

Men baa kɔ da lela a wɔ basa nɛ b maŋ la bebɛsopo na to, saŋɛ na so nɛ b kaa malga a gbiti menyi fanɛ alubiworapoana, baaŋ wu men be alelasheŋ nseŋ ta kemaŋkura n sa Ebɔrɛ kachɛ nɛ e beeŋ ba na.

1 Pita 3:16

Ama men baa kɔ amu be kebar kaseto nɛ bunyaŋ a wora loŋ nsaa maŋ shin nɛ kesheŋ lubi e baa wɔ men be nfɛra fɛsoana to, saŋɛ na so anishinyɔr beeŋ pɛ bekama nɛ baa malga asheŋ lubi a gbiti menyi ŋkpal men ka la Kristo be basa a wora alelasheŋ na so.

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 28:10

Ndoŋ nna nɛ Sɔɔl nase kɔnɔ ŋ kaŋɛ le: “Enyɛnpe Ebɔrɛ nɛ e la ma shɛdajipo na be ketre so, kasogberge kikɛ maaŋ ba fo so ŋkpal fo ka kpal ma so.”

1 Samuɛl 29:3

Filisti be benapo be benimu na ka wu bumo, nɛ b bishi le: “Manɛ nɛ Israɛlebi ere bee wora nfe?” Nɛ Akish kaŋɛ le: “Deevid nɛ e daa la Sɔɔl nɛ e la Israɛl be ewura be kayɛrbi na nna? E wɔ ŋ kutɔ nfe n chɛr ga. Yili jemanɛ nɛ e ba ŋ kutɔ na malɛ m ba fo mbre m maŋ wu kulubi ko ashi mo so.”

1 Samuɛl 29:7

Amoso bɛta a yɔ epe nɛ kagbenewushi. Sa maŋ kaŋ wora kusɔ kama nɛ k beeŋ jija bumo be ŋgbene.”

1 Samuɛl 5:8

Ndoŋ nna nɛ b shuŋi mbɔ n tre Filistiebi na be bewura anu na kikɛ m ba shɛr m bishi bumo le: “Nuso nɛ anyeeŋ wora Israɛlebi be Ebɔrɛ be ŋkre be deka ere?” Nɛ b kaŋɛ bumo le: “Men ta kumo n yɔ Gaaf.” Ndoŋ nna nɛ b ta kumo n yɔ ndoŋ.