1 Samuɛl 28:21 - EBƆRƐ BE KAWƆL

²¹ Ndoŋ nna nɛ kache na firgi n taga mo to n wu fanɛ kufu pɛ mo alegaiso, nɛ e kaŋɛ mo le: “Yiramu, n ta ma kumu nna ŋ kpa kelera pɔɛŋ nseŋ wora kusɔ nɛ fo kaŋɛ ma fanɛ n wora ere na.

1 Samuɛl 28:21 ပူးပေါင်းရင်းမြစ်များ

2 Bewura 6:11

Siriya be ewura na ka pin kumo be loŋ nɛ e nya agbo alegaiso nseŋ tre mbe benapo be benimu m bishi bumo le: “Menyi be emo e naa kaŋɛ Israɛl be ewura anyi be ashiri?”

Job be kawɔl 13:14

Kusɔ kama nɛ k nya ma shi ŋ gbagba be kumu to nna.

Demujipoana 12:3

Ma alɛ ka wu fanɛ menyi maa ba nɛ men ba chɛ to so nɛ n ta ma ŋkpa ŋ kpa kelera nseŋ dii kaba ndoŋ n ya kɔ Ammɔn be basa na nɛ Enyɛnpe Ebɔrɛ na shin nɛ ŋ kɔ m pɔɔ bumo so. Nɛ manɛ so nɛ menyee ba nɛ men ba kɔ ma?”

1 Samuɛl 19:5

E ta mbe kumu gba nna ŋ kpa kelera saŋɛ nɛ e ya mɔ Goliɛf na. Kumo alɛ be loŋ e shin nɛ Enyɛnpe Ebɔrɛ kɔ n sɔ Israɛl be basa na. Fo alɛ gba ka wu kumo be loŋ nɛ fo kagbene fuli fo. Nɛ manɛ e ba nɛ fee sha kewora esa nɛ e maŋ wora shɛŋ kulubi hale a fin Deevid nɛ fo mɔ kenyanyaŋɛso?”

1 Samuɛl 28:20

Sɔɔl ka nu kusɔ nɛ Samuɛl kaŋɛ na, nɛ kufu pɛ mo ga nɛ e tɔr epul na to n teŋi to a dese kasawule. E daa maŋ naa kɔ eleŋ ŋkpal e ka daa maŋ ji shɛŋ kachɛ lelemu kikɛ so.

1 Samuɛl 28:22

Amoso mee kule fo nna naniere bre, nɛ fo nu n sa ma. Shin nɛ n daŋɛ ajibi n sa fo nɛ fo ji saŋɛ na so feeŋ nya eleŋ a yɔ.”