1 Samuɛl 28:18 - EBƆRƐ BE KAWƆL

¹⁸ Fo ka kini kenu n sa Enyɛnpe Ebɔrɛ nsaa maŋ mur Amalɛk be basa na nɛ kusɔ kama nɛ b kɔ kikɛ na so nɛ Enyɛnpe Ebɔrɛ na bee wora fo loŋ na.

1 Samuɛl 28:18 ပူးပေါင်းရင်းမြစ်များ

1 Bewura 20:42

Nɛ anebi na kaŋɛ ewura na fanɛ Enyɛnpe na yɛ: “Ŋkpal ŋ ka kaŋɛ fo fanɛ fo mɔ ewura Bɛnhadad nɛ fo shin nɛ e shile so, fo alɛ gba beeŋ paŋ fo ŋkpa nɛ fo benapo malɛ kikɛ e wu ŋkpal bumo alɛ gba ka shin nɛ mbe basa shile ŋ ŋana so.”

1 Kronikɛls 10:13

Sɔɔl ka daa maa ji kashenteŋ a sa Enyɛnpe Ebɔrɛ so nɛ e daŋ wu na. E daŋ kini kebɛ Ebɔrɛ be mbra so nna nsaa yɔ belejipo kutɔ n ya ka kpal.

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

1 Samuɛl 13:9

Ndoŋ nna nɛ Sɔɔl kaŋɛ benapo na le: “Men ta asɔbɔya nɛ meeŋ ta n lara sarga chɔɔso nɛ amo nɛ meeŋ ta n lara kɔnɔkoŋwule be sarga na m bar ma.” Nɛ b ta amo m ba sa mo nɛ e lara sarga chɔɔso n sa Enyɛnpe Ebɔrɛ.

1 Samuɛl 15:20

Nɛ Sɔɔl kaŋɛ le: “N wora kasonu n sa Enyɛnpe Ebɔrɛ, ŋkpal manɛ so n ya mɔ Amalɛkebi na kikɛ nna nseŋ pɛ bumo be ewura Agag.

1 Samuɛl 15:28

Nɛ Samuɛl kaŋɛ mo le: “Kananɛ fo baŋ kpɛa ma piŋi ere be kɔnɔso ere, loŋ gbagba na chap nɛ Enyɛnpe Ebɔrɛ gboŋi fo Israɛl be kuwurji to kabre nseŋ ta kumo m buu fo echenashapo nɛ e bɔ fo.

1 Samuɛl 15:9

Sɔɔl nɛ mbe benapo na daa maŋ mɔ Agag. B daa maŋ mɔ mbolpɔ lela nɛ bumo be bibi nɛ ana lela nɛ bumo be bibi ŋko n jija kusɔ kama nɛ k walɛ m par bumo na; kusɔ kama nɛ k daa maŋ kɔ tɔnɔ na nɛ b daŋ jija.