1 Samuɛl 28:15 - EBƆRƐ BE KAWƆL

¹⁵ Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 28:15 ပူးပေါင်းရင်းမြစ်များ

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Aŋasa 14:14

Kusɔ kama nɛ esa duu, kulubi ŋko kelela, kumo nɛ e beeŋ teŋi.

Hoziya 9:12

Hale nɛ b kurge mbia gba, meeŋ shin nɛ mbia na kikɛ e wu. Nɛ m baŋ maŋ wora loŋ malɛ, meeŋ shin nɛ tɔrɔ damta e tu to bumo.”

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Demujipoana 16:20

Kumo be kaman nɛ Delaila tre: “Samsɔn, Filistiebi na e naa ba fo so na!” Nɛ e yeŋi n tiŋi edi to nseŋ yaŋ fɛ mbe kumu to le: “Meeŋ yaŋ kpa n niŋi to n suge ma kumu.” Ama e daa maŋ nyi fanɛ Enyɛnpe Ebɔrɛ na lar mbe kaman.

1 Samuɛl 18:12

Kumo be kaman nɛ Sɔɔl fara a ŋana Deevid ŋkpal Enyɛnpe Ebɔrɛ ka daa chɛ Deevid to nseŋ kplaŋ mo ere Sɔɔl so so.

1 Samuɛl 23:2

nɛ e bishi Enyɛnpe Ebɔrɛ le: “N ya kɔ Filistiebi na kena a?” Nɛ Enyɛnpe Ebɔrɛ kaŋɛ le: “Mm, ya kɔ bumo kena nseŋ mɔlga Kiilaebi.”

1 Samuɛl 23:4

Amoso Deevid daŋ naŋ laŋɛ nna fanɛ m bishi Enyɛnpe Ebɔrɛ na kumo be asheŋ to nɛnɛ, nɛ Enyɛnpe Ebɔrɛ kaŋɛ mo le: “Ya kɔ Filistiebi na kena Kiila, ŋkpal manɛ so, meeŋ shin nɛ men kɔ m pɔɔ bumo so.”

1 Samuɛl 28:11

Nɛ kache na bishi mo le: “Wanɛ nɛ fee sha ŋ ka tre n sa fo?” Nɛ e yɛ “Tre Samuɛl n sa ma.”

1 Samuɛl 28:16

Nɛ Samuɛl kaŋɛ le: “Manɛ nna nɛ fee fin nfɛra ŋ kutɔ saŋɛ so nɛ Enyɛnpe Ebɔrɛ teŋ kplaŋ fo so nɛ fo ki mo doŋ.

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.

1 Samuɛl 28:8

Ndoŋ nna nɛ Sɔɔl chɛrga mbe asɔbuuso saŋɛ na so esa kama maaŋ pin mo, nseŋ ta epiŋi pɔtɛ m buu. Kanyɛ ka biri, nɛ mo nɛ mbe benimuana na be benyɔ yɔ nɛ b ya wu kache na. Le nɛ e daŋ ya kaŋɛ kache na: “Esa kama nɛ m baŋ ti mbe ketre ŋ ŋini fo, fo tre amodoŋwura be kebuni m bishi kusɔ nɛ k beeŋ wora n sa ma.”

1 Samuɛl 30:6

Ndoŋ nna nɛ kagbenejija tɔr Deevid so, nɛ mbe basa be ŋgbene kikɛ kaa bumo ŋkpal b ka paŋ bumo be mbia so. Nɛ baa kaŋɛ fanɛ baaŋ kpa Deevid ajembu m mɔ nɛ Enyɛnpe Ebɔrɛ nɛ e la mbe Ebɔrɛ na leŋ mo to ga.