1 Samuɛl 27:8 - EBƆRƐ BE KAWƆL

⁸ Loŋ be saŋɛ na, Deevid nɛ mbe basa daa kre kena n ya kaa purgi Gɛshur nɛ Girzi nɛ Amalɛk be basa nɛ b daŋ chena efuli na so n chɛr ga na a suge bumo be asɔ nna. E daa yili Shur nna a wora loŋ hale n ya ka fo Ijipt be kasawule so kikɛ,

1 Samuɛl 27:8 ပူးပေါင်းရင်းမြစ်များ

2 Samuɛl 14:23

Kede be kaman nɛ Jɔab yɔ Geshur n ya keta Absalɔm m ba Jerusalɛm.

2 Samuɛl 14:32

Nɛ Absalɔm kaŋɛ le: “N daa sha keshuŋi fo nna nɛ fo ya mata ewura n sa ma, ama ŋ ka shuŋi n tre fo, nɛ fo kini. Manɛ bre e lara ma Geshur m ba nfe? N daa wɔ ndoŋ gba nna k daa beeŋ baa bɔ ma so. Amoso wora ania n shin nɛ n wu ewura, nɛ k ba fanɛ ma e wora n jija, kumo ere fo shin nɛ ewura a mɔ ma.”

2 Samuɛl 15:8

Ŋkpal manɛ so saŋɛ so nɛ n daa wɔ Geshur ashi Siriya be efuli so na nɛ n nase kɔnɔ Enyɛnpe Ebɔrɛ be anishito fanɛ nɛ e baŋ shin nɛ n naŋ bɛta n yɔ Jerusalɛm, kumo ere ma alɛ beeŋ ya bunyaŋ mo ashi Hibrɔn.”

2 Samuɛl 3:22

K maŋ chɛr ko nɛ Jɔab nɛ Deevid be benapo na be beko bar asɔ damta nɛ b suge basa kutɔ na be ako. Kumo be jemanɛ so nɛ Abna maŋ naa wɔ Deevid kutɔ ashi Hibrɔn, ŋkpal manɛ so, Deevid ta kɔnɔ lela nna ŋ kela mo nseŋ shin nɛ e yɔ.

2 Samuɛl 3:3

Mo pibinyɛn nyɔsopo e daa la Chiliab nɛ mo nio daa la ekulgepoche Abigɛl nɛ e daa la Nabaal nɛ e shi Kaamɛl be kebeegboŋ na ase na be eche na. Absalɔm nɛ mo nio la Maaka, ewura Talmai nɛ e shi Geshur na pibiche na e la mo pibinyɛn sasopo.

2 Samuɛl 8:12

Efuliana na e la Edɔm nɛ Mowab nɛ Ammɔn nɛ Filistia nɛ Amalɛk. E daŋ ta asɔ nɛ e suge Zoba be ewura Hadadeza kutɔ na gba nna n ti so m bɔɔ Ebɔrɛ enɔ.

1 Kronikɛls 2:23

Jemanɛ ko ka ba fo, nɛ Gɛshur nɛ Mɛsopoteemia be efuli so be basa kɔ n sɔ nde adeshe ashi efuli na so. B daŋ sɔ Jair nɛ Kɛnaf gba be nde nɛ nde nɛ ndewurbi nɛ a kulti amo na kikɛ n ti so. Bekama nɛ b daa wɔ Giliad be efuli so na kikɛ daa la Makiir be kaman to ebi nna.

Ɛksodɔs 15:22

Ade kikɛ be kaman nɛ Mosis juŋkpar Israɛlebi na ŋ koso teku peper na ase n nite n ya luri Shur be keshishɛrsawule so. B daŋ nite keshishɛrsawule na so nchɛ asa nɛ b maŋ nya nchu nɛ b nuu.

Ɛksodɔs 17:8

Israɛlebi na ka wɔ Refidim na nɛ Amalɛkebi na ba nɛ b ba kɔ bumo kena.

Nɔmbɛs 13:29

Amalɛkebi e chena kasawule na be kelargato be kaseto be kaba so, nɛ Hitebi nɛ Jebusiebi nɛ Amɔriebi malɛ chena kebee be efuli na be kaba so; nɛ Keenanebi malɛ chena m mata Teku nɛ baa tre Mɛditerenia na nɛ Jɔɔdan be lɔr na be ekarso.”

Nɔmbɛs 14:45

Ndoŋ nna nɛ Amalɛkebi nɛ Keenanebi nɛ b wɔ kebee so be efuli na so na kɔ m pɔɔ bumo so nseŋ ju bumo hale n ya fo kade nɛ baa tre Hɔɔma na.

Joshuwa 12:5

Mbe efuli daŋ yili kebeegboŋ nɛ baa tre Hɛɛmɔn na, nɛ Saleka, nɛ Bashan be kasawule kikɛ nna n ya fo Gɛshur nɛ Maaka be nde be ekar, n ta Giliad be bargato hale n ya fo Hishbɔn be ewura Sihɔn be efuli so.

Joshuwa 13:13

Israɛlebi na daa maŋ ju Gɛshur nɛ Maaka be basa bre. B kraa wɔ Israɛl be efuli so hale kabre.

Joshuwa 13:2

Kumo e la Filisti nɛ Geshur be efuli so kikɛ,

Joshuwa 16:10

Ama b daa maŋ ju Keenanebi nɛ b daa wɔ Gɛza na. B daŋ yige bumo nna nɛ b chena Efrayim be kasawule so a shuŋ fanɛ anya a sa bumo.

Demujipoana 1:29

Efrayimebi na gba daŋ maŋ ju Keenanebi nɛ b daa wɔ kadegboŋ nɛ baa tre Gɛza na n lar, ama bumo kikɛ daŋ chena abar so ndoŋ nna.

1 Samuɛl 29:6

Ndoŋ nna nɛ Akish tre Deevid ŋ kaŋɛ mo le: “Israɛl be Ebɔrɛ nɛ e wɔ ŋkpa to na be ketre so, fee ji kashenteŋ a sa ma. N daa beeŋ ba sha fanɛ ma nɛ fo kikɛ ka ya kɔ kena ere. Baŋ yili kachɛ nɛ fo ba ŋ kutɔ na hale m ba fo kabre, ma ere maŋ wu kulubi kikɛ fo so. Ama bewura nɛ b ka na bre kikɛ maa sha fo ka yɔ kena na to.

1 Samuɛl 30:1

Kachɛ sasopo na nɛ Deevid nɛ mbe basa luri Ziklag. Ama saŋɛ nɛ Deevid nɛ mbe basa daa maŋ wɔ ndoŋ na, Amalɛkebi na daŋ kre kena nna n ya purge Juda be kelargato be kaseto be kaba so ebi na hale ŋ kɔ Ziklag n chɔɔ kade na kikɛ