1 Samuɛl 27:10 - EBƆRƐ BE KAWƆL

¹⁰ nɛ Akish e bishi mo le: “Basa mo nɛ fo yaŋ kre kena n ya purgi kabre?” Nɛ Deevid malɛ e kaŋɛ mo fanɛ Juda be kelargato be kaseto be kaba so ŋko Jeramiil be kaman to ebi be kaba so ŋko Keenanebi na be kakpa nɛ b tase na be kaba so.

1 Samuɛl 27:10 ပူးပေါင်းရင်းမြစ်များ

Jɛnesis 27:24

Ama pɔɛŋ nɛ e nɛfa mo na e daŋ bishi mo le nna: “Fo m pibi Isɔɔ gbagba nna ere a?” Nɛ Jeekɔb shuli ŋ kaŋɛ: “Mm, ma nna.”

2 Samuɛl 17:20

Ndoŋ nna nɛ Absalɔm be benapo ba laŋ na to m ba bishi kache na le: “Nnɛ nɛ Ahimaaz nɛ Jonatan wɔ?” Nɛ kache na kaŋɛ bumo le: “B dii Lɔr na n choŋ.” Ndoŋ nna nɛ basa na fin bumo ŋ gben nseŋ bɛta n yɔ Jerusalɛm.

1 Kronikɛls 2:25

Jeramiil nɛ e daa la Hezrɔn pibinyɛn nimuso na daa kɔ mbinyɛnsobi anu nna. Raam e daa la mo pibinyɛn nimuso n ta Buna nɛ Orɛn nɛ Ozɛm nɛ Ahija m bɛso.

1 Kronikɛls 2:9

Mbinyɛnsobi asa nɛ Hɛzrɔn daa kɔ. Bumo e la Jeramiil nɛ Raam nɛ Kalɛb.

Nshɛ 119:163

Ŋ kishi efɛsheŋ ga; maa sha amo be asheŋ, ama mee sha fo mbra bre.

Nshɛ 119:29

Shin nɛ m baa gelge kafulesheŋ; wu ma kuwɔr nseŋ ŋini ma fo mbra na.

Aŋasa 29:25

Sa maŋ shin nɛ kusɔ nɛ basa bee fɛ a laŋɛ fo kaplɛa so e baa tir fo. Yirda Ebɔrɛ nɛ e baa kuŋ fo.

Nɔmbɛs 24:21

Kusɔ nɛ e wu ŋ kaŋɛ a laŋɛ Kenebi be kaplɛa so mbe bɔrɛdare na to nde: “Menyee fɛ fanɛ men nya kekuŋ nna, fanɛ kananɛ kabuibi bee tɔl kasha kebee be esoso na.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Demujipoana 1:16

Kɛnebi nɛ b la Mosis mo shanyɛn be kaman to ebi daŋ tu Judaebi nna n lar kade nɛ baa tre Jɛriko na n ya chena m mata kade nɛ baa tre Arad nɛ k dese kasawule wɔlso nɛ k wɔ kelargato be kaseto na so.

Demujipoana 4:11

Jemanɛ ere so nɛ kanyɛn ko nɛ baa tre Heba, nɛ e shi Kɛn be kabuna na, malɛ yuu mbe wajɛbu ashi kadebi ko nɛ baa tre kumo Zaananim na be kedibi gboŋgboŋi ko ase m mata Kɛdesh. E daŋ lar mo kurgepoana Kɛnebi nɛ b la kanyɛn ko nɛ baa tre Hɔbab nɛ e la Mosis mo churo na be kaman to ebi na to nna n ya chena ndoŋ.

Demujipoana 5:24

Beche kikɛ to, Hɛba be eche Jaɛl e la kumulelawura; beche nɛ b wɔ ewajɛbu to kikɛ to, mo e la esa nɛ e nya nɛfa ga.

1 Samuɛl 15:6

Le nɛ Sɔɔl daŋ kaŋɛ Kenebi ko nɛ b daŋ chena m mata Amalɛkebi na: “Saŋɛ nɛ anyi be efuli ere so ebi daŋ lar Ijipt a ba na, menyi be basa daŋ wora bumo kelela ga. Amoso men lar Amalɛkebi ere to manaŋ nɛ an sa maŋ kaŋ mɔ menyi n ti bumo so saŋɛ nɛ anyee kɔ bumo kena na.” Ndoŋ nna nɛ Kenebi na lar Amalɛkebi na to.

1 Samuɛl 21:2

Nɛ Deevid kaŋɛ mo le: “Ewura be kushuŋ so nɛ m ba. E kaŋɛ nna fanɛ n sa maŋ kaŋɛ esa kama kusɔ nɛ e shuŋi ma fanɛ m ba wora nfe. Ama ŋ ŋini mbraana na bre kaboŋ ko fanɛ b ba tu ma ndoŋ.

1 Samuɛl 23:27

Nɛ kabɔ ko ba kaŋɛ Sɔɔl le: “Men ba manaŋ! Filistiebi na ta kena m ba purgi anyi be efuli ebi!”

1 Samuɛl 27:11

Deevid daa mɔ bumo be benyɛn nɛ beche kikɛ nna ŋkpal e ka daa maa sha esa kama ka yɔ Gaaf n ya kaŋɛ kusɔ nɛ mbe basa wora so.

1 Samuɛl 29:8

Nɛ Deevid kaŋɛ le: “N nyɛnpe, manɛ nɛ n wora? Fo nyi kusɔ ko nɛ n wora nɛ ŋkpal loŋ so m maaŋ tiŋ n tu n nyɛnpe nɛ ma ewura n ya kɔ mo doŋana a?”

1 Samuɛl 30:29

nɛ Rakaal be nde to nna, nseŋ sa Jeramiil be kanaŋ to ebi nɛ Keenanebi,