1 Samuɛl 27:1 - EBƆRƐ BE KAWƆL

¹ Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”

1 Samuɛl 27:1 ပူးပေါင်းရင်းမြစ်များ

1 Bewura 12:26

Ndoŋ nna nɛ Jeroboam fɛ le: “Kananɛ asheŋ bee nite naniere, nɛ n shin nɛ ma basa bee yɔ bɔrɛlambu na to ashi Jerusalɛm n ya kaa lara esarga a sa Enyɛnpe Ebɔrɛ, baaŋ shile m bɛ Juda be ewura Rehoboam so nseŋ mɔ ma.”

1 Bewura 12:28

E ka fɛ loŋ n loge, nɛ e ta shuwa n lɔŋɛ egbolu fɔlbi anyɔ nseŋ kaŋɛ mbe basa na le: “Menyi be kebaayɔ Jerusalɛm n ya ka bunyaŋ Enyɛnpe Ebɔrɛ na wora kufɔ ga. Israɛlebi menyi be agbir nɛ a lara men nananyɛnana ashi Ijipt be kasawule so na nde!”

1 Bewura 19:3

Anebi Elaija ka nu loŋ nɛ kufu pɛ mo nɛ e shile a mɔlga mbe kumu. E daŋ keta mbe kayɛrbi nna n yɔ Bɛshiba nɛ k wɔ Juda be efuli so be kelargato be kaseto na n ya yige mo ndoŋ.

2 Kronikɛls 25:17

Juda be ewura Amaziya nɛ mbe besoetojipoana daŋ kre nɛ b ya kɔ Israɛl kena nna, nseŋ ta kubɔya n ya sa Israɛl be ewura Jehɔash nɛ e la Jehowahaz pibinyɛn nsaa la Jehu mo nanabi na, a to mo emaŋ fanɛ b kɔ kena.

Nshɛ 116:11

Jemanɛ nɛ kufu daa kɔ ma gba, m maŋ ta ma yirda n deŋi esa kikɛ so.

Nshɛ 55:7

N daa beeŋ ya kaa wɔ keshishɛrsawule so kufɔ kufɔ.

Ɛksodɔs 14:12

Mannɛ kusɔ nɛ an teŋ kaŋɛ fo Ijipt na nde a? An yɛ fo yige anyi boeŋ nɛ an baa wɔ Ijipt a shuŋ bumo. Nɛ an daa wɔ Ijipt a shuŋ bumo, k daa beeŋ baa bɔ an ka wu keshishɛrsawule ere so.”

Aŋasa 13:12

Tama nɛ k bee chɛr pɔɛŋ nsaa ba bee shin nɛ esa be aba bee pɔ mo nna, ama esa baa nya kusɔ nɛ e bee fin, k bee bar mo kagbenefuli nna.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Matiu 14:31

Epul na to nɛ Yesu teŋi enɔ to m pɛ mo to nseŋ kaŋɛ mo le: “Ama fo yirda du fimbi pasaa. Manɛ e ba nɛ fo maŋ yirda?”

Maak 4:40

Kumo be kaman nɛ Yesu bishi bumo: “Manɛ nna nɛ kufu pɛ menyi loŋ? Hale mbre, menyi maŋ naŋ nya yirda a?”

2 Kɔrintebi 7:5

Hale an ka ba Masɛdonia, anyi be eyurana ere maŋ nya ewushi kikɛ. Anyi nɛ kekɔrfɛ e daa la kaplɛkama, anyi nɛ basa be nlu malɛ e daa la nɛ kufu malɛ daŋ bɔlɔ anyi be ŋgbene to.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”

1 Samuɛl 16:13

Nɛ Samuɛl duga ŋku na n do Deevid be kumu so nɛ mo daana yil a keni mo. Baŋ yili kumo be kamɔnchɛ na kikɛ nɛ Enyɛnpe Ebɔrɛ be kiyoyu ba luri m bɔlɔ Deevid to eleŋso nsaa wɔ mo to saŋkikɛ. Kumo be kamɔnchɛ na malɛ kikɛ nɛ Samuɛl bɛta n yɔ Raama.

1 Samuɛl 20:3

Ama le nɛ Deevid daŋ kaŋɛ: “Fo tuto gba nyi kananɛ fee sha ma ga, amoso nɛ e yili kumo fanɛ e maaŋ kaŋɛ fo kusɔ nɛ e kre na, saŋɛ na so fo kagbene maaŋ jija fo ga. Fo nɛ Ebɔrɛ e la ma shɛdajipo fanɛ ma nɛ luwu maŋ naa wɔ kufɔ!”

1 Samuɛl 22:5

Ndoŋ nna nɛ anebi Gad kaŋɛ Deevid le: “Sa maŋ chena nfe. Bɛta n yɔ Juda be kasawule so manaŋ.” Nɛ Deevid lar n yɔ Hɛrɛf be kupo to.

1 Samuɛl 23:17

nseŋ naŋ kaŋɛ mo le: “N tuto Sɔɔl maaŋ tiŋ n wora fo shɛŋ, amoso sa maa lɔ kufu. E baa nyi geeŋ fanɛ fo e naa shin nɛ fo ba ki Israɛl be ewura nɛ ma alɛ e baa la enimu m bɛ so.”

1 Samuɛl 25:30

Enyɛnpe Ebɔrɛ malɛ kaŋ wora alelasheŋ damta nɛ e nase kɔnɔ n sa fo na kikɛ nseŋ shin nɛ fo ki Israɛl be ewura,

1 Samuɛl 26:19

Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.

1 Samuɛl 29:2

Filisti be bewura anu na ka keta bumo be benapo ntuŋ kalfa kalfa nɛ ntuŋ kagboŋ kagboŋ so a yɔ, nɛ Deevid malɛ nɛ mbe basa nɛ ewura Akish wɔ bumo be kaman a ba.

1 Samuɛl 29:3

Filisti be benapo be benimu na ka wu bumo, nɛ b bishi le: “Manɛ nɛ Israɛlebi ere bee wora nfe?” Nɛ Akish kaŋɛ le: “Deevid nɛ e daa la Sɔɔl nɛ e la Israɛl be ewura be kayɛrbi na nna? E wɔ ŋ kutɔ nfe n chɛr ga. Yili jemanɛ nɛ e ba ŋ kutɔ na malɛ m ba fo mbre m maŋ wu kulubi ko ashi mo so.”