1 Samuɛl 26:25 - EBƆRƐ BE KAWƆL

²⁵ Nɛ Sɔɔl kaŋɛ Deevid le: “M pibinyɛn Deevid, Ebɔrɛ e nɛfa fo n shin nɛ fo baa kɔ a pɔɔ so ashi kusɔ kama nɛ fee wora to!” Ndoŋ nna nɛ Deevid pɛ mbe ekpa n choŋ nɛ Sɔɔl malɛ bɛta n yɔ epe.

1 Samuɛl 26:25 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Aŋasa 26:25

Kanaŋ kamaso nɛ esa lubi be kamalga wɔ ebel, sa maŋ kaŋ yirda mo.

Aizaaya 54:17

Ama kekɔsɔ kama maaŋ tiŋ n wora fo shɛŋ. Fo alɛ beeŋ nya kusɔ ko ŋ kaŋɛ bekama nɛ baaŋ ku fo kɔnɔ. Meeŋ kɔ n sa ma anya nseŋ shin nɛ b kɔ m pɔɔ so.” Enyɛnpe Ebɔrɛ e kaŋɛ na.

Hoziya 12:4

be malaika kɔ emaŋ nɛ Jeekɔb pɔɔ mo so nseŋ shu ŋ kule mo fanɛ e nɛfa mo. Ndoŋ nna nɛ Enyɛnpe Ebɔrɛ malga mo kutɔ ndoŋ ashi Bɛtɛl.

Romebi 8:35

To, manɛ e naaŋ tiŋ n lara kasha nɛ Kristo kɔ a sa anyi ashi anyi so? Tɔrɔ ŋko awurfoŋ ŋko basa be kekɔrfɛ anyi ŋkpal anyi be yirda so ŋko akoŋ ŋko ketir ŋko kenishipere ŋko luwu bre e naaŋ tiŋ n lara mbe kasha ashi anyi so?

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

1 Samuɛl 24:19

Nɛ fo daa la ma doŋ nna kashenteŋto, dafanɛ fo daa maaŋ yige ma kemɔ. Enyɛnpe Ebɔrɛ e nɛfa fo ŋkpal kusɔ nɛ fo wora ma ere so.

1 Samuɛl 24:20

Naniere nɛ m pin fanɛ, fo e naaŋ ba ki Israɛl be ewura nɛ fo kuwurji malɛ e ji eleŋ ga.

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.