1 Samuɛl 26:21 - EBƆRƐ BE KAWƆL

²¹ Nɛ Sɔɔl malɛ kaŋɛ le: “M pibinyɛn Deevid n wora kulubi, amoso bɛta a ba! M maaŋ naŋ tɔrɔ fo kikɛ ŋkpal fo ka shin nɛ n ji efute kanyɛ ere so. N wora kawulisheŋ ga! M maŋ wora nɛnɛ!”

1 Samuɛl 26:21 ပူးပေါင်းရင်းမြစ်များ

2 Bewura 1:13

Ade kikɛ be kaman nɛ ewura na naŋ shuŋi benapo be enimu sasopo kutɔ nɛ benapo adunu Elaija. Nɛ enimu na ya dii kebee na n yɔ Elaija kutɔ n ya gbir mbe anishito amuli so ŋ kule mo ŋ kaŋɛ le: “Ebɔrɛ be esa, wu ma nɛ ma benapo ere kuwɔr nseŋ yige anyi nɛ an ji efute!

2 Bewura 1:14

Edɛ daŋ shi esoso nna m ba chɔɔ benapo be benimu anyɔ nɛ bumo be basa nɛ b juŋkpar m ba mɔ, ama jande, wu ma ere kuwɔr!”

Nshɛ 116:15

Basa nɛ baa shuŋ Ebɔrɛ nɛnɛ na be luwu be asheŋ tir ga n sa Enyɛnpe Ebɔrɛ na.

Nshɛ 49:8

Ŋkpal manɛ so, ŋkpa be yawu du kpakpa ga. Esa maaŋ tiŋ ŋ ka Ebɔrɛ kumo be kukɔ,

Nshɛ 72:14

Mo e naa mɔlga bumo ashi kamɛaŋ nɛ awurfoŋ to, ŋkpal manɛ so, bumo be ŋkpa be asheŋ tir mo nna.

Ɛksodɔs 9:27

Ndoŋ nna nɛ Fɛɛro naŋ shuŋi n tre Mosis nɛ Ɛɛrɔn m ba kaŋɛ bumo le: “Kede bre to, m pin fanɛ n wora kulubi. Enyɛnpe Ebɔrɛ na e kɔ akpa. Ma nɛ ma basa kikɛ wora alubi.

Nɔmbɛs 22:34

Nɛ Balaam kaŋɛ le: “N wora kulubi. N daa maŋ nyi fanɛ fo yil ekpa na to nna a kuŋ ma akpa, ama nɛ fo wu fanɛ k maŋ daga ŋ ka yɔ ndoŋ bre, meeŋ bɛta n yɔ epe.”

Matiu 27:4

nseŋ ya kaŋɛ bumo le: “N wora alubi, ŋkpal manɛ so, n debɔr esa nɛ e maŋ wora shɛŋ nɛ baa shin nɛ b mɔ mo.” Nɛ basa na bishi mo le: “Anyi alɛ be manɛ e naa wɔtɔ? Fo asheŋ nna.”

1 Samuɛl 13:13

Ndoŋ nna nɛ Samuɛl kaŋɛ mo le: “Fo wora kawulisheŋ ga. Fo maŋ bɛ kenishipere be mmalga nɛ Enyɛnpe fo Ebɔrɛ na kaŋɛ fo na so. Fo daŋ bɛ amo so nna e daa beeŋ shin nɛ fo nɛ fo kaman to ebi e baa ji Israɛl be kuwura mbaanaayɔ.

1 Samuɛl 15:24

Ndoŋ nna nɛ Sɔɔl kaŋɛ Samuɛl le: “N shuli fanɛ n wora kulubi. Ŋ kini kenu n sa fo nɛ Enyɛnpe Ebɔrɛ kikɛ. Benapo na nɛ n daa ŋana nseŋ nu n sa bumo.

1 Samuɛl 15:30

Nɛ Sɔɔl kaŋɛ le: “N wora kulubi ama mee kule fo nna nɛ fo ta bunyaŋ m buu ma so ashi benapo be benimu ere nɛ Israɛl be basa kikɛ be anishito n shin nɛ n tu fo n ya bunyaŋ Enyɛnpe fo Ebɔrɛ na.”

1 Samuɛl 18:30

Saŋkama nɛ Filisti be bewura nɛ benapo nɛ Israɛlebi baa kɔ, Deevid e naa kaa kɔ a pɔɔ so a chɔ Sɔɔl be benapo be benimu na be ekama. Ŋkpal loŋ so, nɛ Deevid be ketre daŋ dii ga.

1 Samuɛl 24:17

nseŋ kaŋɛ Deevid le: “Fo kɔ kashenteŋ a chɔ ma. Fo wora ma kelela ga, ama kulubi nɛ ma ere ta a ka fo kukɔ!

1 Samuɛl 26:22

Ndoŋ nna nɛ Deevid kaŋɛ le: “Fo kekpa na nde Yiramu. Shin nɛ fo basa ere be eko e ba sɔ kumo.

1 Samuɛl 26:24

Kananɛ m baŋ shin nɛ fo ji efute kabre le ere, Enyɛnpe Ebɔrɛ na e baa kuŋ ma nsaa pete ma ashi etɔrɔsheŋ kikɛ to!”

1 Samuɛl 27:4

Sɔɔl ka nu fanɛ Deevid shile n yɔ Gaaf na, nɛ e yige kebaafin mo.