1 Samuɛl 26:20 - EBƆRƐ BE KAWƆL

²⁰ Sa maŋ kaŋ mɔ ma ashi nnyamase be kasawule so, ashi kakpa nɛ Enyɛnpe Ebɔrɛ na maŋ taga to, ŋkpal manɛ so, m maŋ la shɛŋ. Kejaŋjaŋkɔrso gba chɔ ma! Nɛ manɛ e ba nɛ Israɛl be ewura bee fin ma alɛ le nɛ e mɔ fanɛ mbuibi ashi kebee so?”

1 Samuɛl 26:20 ပူးပေါင်းရင်းမြစ်များ

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Nfabel 3:52

N doŋana nɛ b kishi ma nɛ m maŋ wora shɛŋ na daŋ fe abulbi nna m pɛ ma fanɛ kabuibi na.

Matiu 26:47

E kraa malga nna nɛ bebɛsopo kuduanyɔ na to be emo nɛ baa tre Judas na ba ndoŋ. Nɛ jimaŋ damta ko keta etokobi nɛ mprɛ m bɛ mo so. Bɔrɛmatapowuraana na nɛ basa na be benimu e daŋ shuŋi bumo.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 24:14

Wanɛ e la ma alɛ, kujɔnɔmu fuloŋ nɛ kejaŋjaŋkɔrso, nɛ Israɛl be ewura ju a buu ma so a fin ma nɛ e mɔ le ere?

1 Samuɛl 24:15

Ŋkeshin nɛ Enyɛnpe Ebɔrɛ na beeŋ ji ma nɛ fo kikɛ demu nseŋ lara anyi to be emo nɛ e maŋ wora nɛnɛ. Ma kabɔrɛkule e la fanɛ Ebɔrɛ e yili ma kaman nseŋ mɔlga ma ashi fo enɔ to.”

1 Samuɛl 25:29

Enyɛnpe Ebɔrɛ na beeŋ kuŋ fo ashi bedoŋ kama nɛ baa fin fo nɛ b mɔ na be enɔ to. E beeŋ kuŋ fo fanɛ kananɛ esa bee kuŋ mbe kpanjawu na. Ama fo doŋana na bre Ebɔrɛ beeŋ kpa bumo n ya lɛ fanɛ kananɛ baa ta ajembu a wɔtɔ ketababu to a kpa a lɛ na.