1 Samuɛl 26:19 - EBƆRƐ BE KAWƆL

¹⁹ Yiramu, nu kusɔ nɛ mee sha nɛ ŋ kaŋɛ fo ere! Nɛ fanɛ Enyɛnpe Ebɔrɛ na e shin nɛ fee kɔ ma, kumo ere meeŋ lara sarga n sa mo nɛ e chɛrga mbe nfɛra. Nɛ fanɛ dimɛdi malɛ e naa wora loŋ, Enyɛnpe Ebɔrɛ be kɔnɔsho na e pɛ amodoŋwura. Ŋkpal manɛ so, b ju ma ashi Enyɛnpe Ebɔrɛ be kasawule so n ya lɛ nnyamase be efuli so, kakpa nɛ m maaŋ tiŋ n shuŋ Ebɔrɛ.

1 Samuɛl 26:19 ပူးပေါင်းရင်းမြစ်များ

Jɛnesis 44:18

Ndoŋ nna nɛ Juda yɔ mo kutɔ n ya kaŋɛ mo: “N nyɛnpe jande, shin nɛ fo kenya e malga kamalgabi ko n sa fo, n nyɛnpe. N nyi fo nɛ ewura Fɛɛro ka sasa, ama jande, sa maŋ nya agbo n wora ma.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

2 Samuɛl 14:16

Ma alɛ naa fɛ nna fanɛ feeŋ nu n sa ma nseŋ mɔlga ma nɛ ma pibinyɛn ashi basa nɛ baa sha kemɔ anyi n sɔ kasawule nɛ Ebɔrɛ ta n sa anyi na be enɔ to.

2 Samuɛl 16:10

Nɛ ewura na kaŋɛ Abishai nɛ mo da Jɔab: “Nnɛ nɛ k nya menyi! Nɛ fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, wanɛ malɛ e wɔtɔ nɛ e tiŋ m bishi kusɔ nɛ k ba nɛ e wora loŋ?”

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

2 Samuɛl 20:19

Kadegboŋ nɛ kagbenewushi be kade e la anyi be kade ere ashi Israɛl kikɛ nɛ feeŋ tiŋ n yirda kumo be basa. Amoso manɛ e ba nɛ menyee sha k jija kade nɛ k du fanɛ enio ashi Israɛl, ŋko menyee sha nna nɛ meeŋ mur kusɔ nɛ k la Enyɛnpe Ebɔrɛ peya?”

2 Samuɛl 21:3

Ndoŋ nna nɛ Deevid tre Gibiɔnebi na ŋ kaŋɛ bumo le: “Manɛ nɛ menyee sha ŋ ka wora nɛ k wushi menyi kagbene ŋkpal kusɔ nɛ Sɔɔl wora na so, saŋɛ na so menyeeŋ kule Ebɔrɛ nɛ e wu anyi mbe basa kuwɔr?”

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

1 Bewura 22:22

Nɛ Enyɛnpe Ebɔrɛ bishi mo le: ‘Ekpa mo so nɛ feeŋ bɔla n shin nɛ e yɔ?’ Nɛ kiyoyu na kaŋɛ: ‘Meeŋ ya shin nɛ Ahab be anebiana kikɛ e fule mo.’ ” Nɛ Enyɛnpe Ebɔrɛ na kaŋɛ: “Ya wora loŋ. Feeŋ pɔɔ so.”

1 Kronikɛls 21:1

Setani daa sha kebar tɔrɔ Israɛl be basa so nna, amoso e daŋ sa ewura Deevid nfɛra nna fanɛ e karga basa na.

Nshɛ 120:5

Ma kechena menyi to gba lubi nna, fanɛ ŋ ka chena Mɛshɛk be efuli so, kakpa wɔfɔ ŋko Kɛda be basa be ewajɛbu nɛ a maŋ taga to nfe na to.

Nshɛ 20:4

E shin nɛ fo nya fo kagbene be aparsheŋ kikɛ; nseŋ shin nɛ fo ŋkre kikɛ bɔlɔ so.

Aŋasa 30:10

Sa maa debɔr kayɛrbi a ŋini mo nyɛnpe, nɛ mannɛ aloŋ e beeŋ sho fo kɔnɔ nɛ fo ji awurfoŋ.

Aizaaya 60:5

Menyi alɛ beeŋ wu loŋ nɛ men be ŋgbene e fuli menyi ga. Kagbenefuli be ga beeŋ shin nɛ men baa chicha. Baaŋ sulɔ efuli pɔtɛana nɛ awɔ teku be kaba ndoŋ na be asɔ lela nɛ kanya m ba sa menyi.

Levitikɔs 26:31

Meeŋ shin nɛ menyi be ndegboŋana e ki alambure nɛ m mur mboŋ nɛ menyee shuŋ agbirana na. Menyi be esarga be efɛa maaŋ naa par ma.

Nɔmbɛs 36:7

Israɛl be esa kikɛ be kapetɛ bee shir a wɔ mbe yiri nɛ e shi to nna.

Nɔmbɛs 36:9

Loŋ e naaŋ shin nɛ yiri ko maaŋ tɛmbaŋ n ya kaa ji yiri ko be kapetɛ. Yiri kama to ebi daga nna fanɛ b baa ji bumo gbagba be yiri to ebi be mpetɛ.”

Romebi 14:15

Nɛ kusɔ kama malɛ nɛ fee ji nɛ k bee tɔrɔ fo niopibi be nfɛra, kumo ere mannɛ kasha be kesheŋ nɛ fee wora na. Sa maŋ kaŋ shin nɛ fo niopibi nɛ Kristo wu n sa na e foe ekpa ŋkpal kusɔ nɛ fee ji so.

Galeeshaebi 5:12

Alako basa nɛ baa tɔrɔ menyi ere daa beeŋ baŋ ku bumo be atutu kikɛ gba nna n lɛ kuraa.

Ditɛronɔmi 13:3

men sa maŋ kaa nu a sa bumo. Enyɛnpe menyi be Ebɔrɛ na e naa bɔla bumo so a sha kewora menyi ŋ keni nseŋ pin fanɛ menyee sha mo nɛ menyi be ŋgbene kikɛ ŋko menyi maa sha mo.

2 Timoti 4:14

Alɛkzaanda bɔyɛpo shuŋ ma ashuŋ lubi damta ga. Enyɛnpe bee ka mo mbe ashuŋ na be kukɔ.

1 Samuɛl 18:10

Kumo be ŋklade nɛ Ebɔrɛ sa ekpa nɛ kiyoyu lubi ko ba luri Sɔɔl to eleŋso nɛ e fara a wora fanɛ ebompo ashi mbe laŋ to. Nɛ Deevid ba kaa laŋ jaŋjilaŋ a sa mo fanɛ kananɛ e chɛr a wora karechɛ kama na. Loŋ be saŋɛ na so nɛ Sɔɔl kɔ kekpa to.

1 Samuɛl 24:9

nseŋ ŋ kaŋɛ le: “Manɛ nna nɛ fee nu kusɔ nɛ basa bee kaŋɛ fo, fanɛ mee sha kewora fo kulubi nna?

1 Samuɛl 25:24

nseŋ kaŋɛ Deevid le: “Jande n nyɛnpe, mee kule fo nna, ta kusɔ kama nɛ k wora na be kulubi n sulɔ ma.

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”